Aktualitet

Vrasja në ish-bllok, vetëdorëzohet në polici Ervin Mata: S’qëllova njeri, ika nga frika. Se dija që Bilo kishte armë

Mata ishte shpallur në kërkim nga Policia për përfshirjen në krimin e ndodhur në zonën e Ish-Bllokut ku si pasojë e një përplasjeje me armë mbeti i vrarë Fabjol Gaxha, ndërsa u plagosën Ervis Martinaj dhe shoku i tij Eljo Hato.
Featured image of article: Vrasja në ish-bllok, vetëdorëzohet në polici Ervin Mata: S’qëllova njeri, ika nga frika. Se dija që Bilo kishte armë Ervin Mata dhe ish-e fejuara e tij Elvana Gjatës
Përditësuar:

Tiranë– Është vetëdorëzuar në polici, Ervin Mata, ish- i fejuari i këngëtares shqiptare Elvana Gjata, i cili ishte shpallur në kërkim nga policia prej 5 muajsh, për përfshirjen në vrasjen në zonën e ish-Bllokut ku si pasojë e një përplasjeje me armë mbeti i vrarë Fabjol Gaxha, ndërsa u plagosën Ervis Martinaj dhe shoku i tij Eljo Hato. Policia e akuzon për vrasje dhe armëmbajtje pa leje. 31-vjeçari u vetëdorëzua ditën e shtunë në Policinë e Tiranës ku edhe është marrë në pyetje.

Burime për Dosja.al bëjnë me dije Mata ka dëshmuar dhe ka treguar të gjithë atë që ka ndodhur natën e 4 tetorit 2018, në lokal Monopol. Biznesmeni Ervin Mata ka mohuar që të ketë qëlluar me armë, apo edhe me grusht. Arratinë për gati 6 muaj, ai e argumentoi me faktin se ishte larguar pasi ishte i frikësuar. 

U frikësova prandaj ika. Dhe gjatë gjithë kësaj kohe kam qenë i fshehur, se kuptoja çkishte ndodhur. S’kam sulmuar njeri, përkundrazi më kanë sulmuar të tjerët. S’kisha asnjë armë, se dija se Merviol Bilo kishte armë. Në asnjë moment nuk kam qëlluar as me grusht as me armë.

Ervin Mata, i akuzuar për vrasjen në ish-bllok 

Njoftimi i policisë

Specialistët për Hetimin e Krimeve të Rënda ndaj Jetës në Drejtorinë Vendore të Policisë Tiranë ekzekutuan urdhërin e ndalimit për shtetasin:

Për më shumë bëhu pjesë e grupit më viral në Facebook, Dosja.al

E. M., 31 vjeç, banues në Tiranë. Shtetasi E. M., është person i dyshuar për kryerjen e veprave penale të “Vrasjes në rrethana të cilësuara, e mbetur në tentativë, e kryer në bashkëpunim” dhe “Mbajtje pa leje të armëve dhe municioneve luftarake”, të parashikuara nga nenet 79 dh, 22, 25 dhe 278 të Kodit Penal. Materialet i kaluan për veprime të mëtejshme Prokurorisë së Rrethit Gjyqësor Tiranë.

Mbrëmjen e 4 tetorit 2018, rreth orës 21:00, në lokalin “Monopol” pati një përplasje me armë ku për pasojë mbeti i vrarë Fabjol Gaxha, ndërsa u plagosën Ervis Martinaj dhe shoku i tij Eljo Hato. Ky i fundit u arrestua nga policia, por iu ndryshua masa e sigurisë nga “arrest me burg” në “arrest shtëpie”, në sajë të një garancie pasurore prej rreth 1 milionë lekësh, për tu hetuar në gjendje të lire për shkak të gjendjes së tij shëndetësore.  Njëri nga plumbat e preku Haton në shtyllë kurrizore dhe sipas raportit mjeko-ligjor nuk mund të qëndrojë në qeli pasi ka mbetur pothuajse i paralizuar.

I përfshirë në konflikt ishte edhe Ajaks Bonjaku, i cili u vetëdorëzua vetëm disa ditë pas ngjarjes, kurse Fabjol Alushi u arrestua nga policia dhe më pas u la në masën detyrim paraqitje. Ndërkohë në kërkim nga policia është ende ish-komandoja Merviol Bilo, i cili akuzohet të ketë qëlluar për vdekje Gaxhën,

Si fillim u mendua se arsyeja e përleshjes ishte këngëtarja Elvana Gjata, por hetimet e mëtejshme zbuluan se bëhej fjalë për një sherr të mbartur të të fejuarit të saj, Ervin Mata, me disa persona të tjerë, ku përmendet emri i biznesmenit Eldi Dizdari (partneri i Suada Sherifit). Dizdari është gjithashtu kushëriri i Arbër Cekajt, pronarit të magazinës ku u kapën 613 kg kokainë në Maminas, i cili aktualisht është në Gjermani i arrestuar.

(f.m/dosja.al)

Shto Koment