E rëndë në Maliq/ Vritet polici gjatë operacionit për kapjen e një personi të kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 Ngjarja në Maliq/ Identifikohet auto...
Ngjarja në Maliq/ Zbardhen edhe identitetet e efektivëve 4 Qershor, 08:49 Ngjarja në Maliq/ Identifikohet auto...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË– Kryedemokrati Lulzim Basha ka dalë me një deklaratë të fortë nga selia blu, për liderin historik të PD-së, Sali Berisha. Një ditë pasi Berisha dorëzoi firmat e mbledhura për të thirrur Kuvendin Kombëtar të Partisë Demokratike, Basha nuk është kursyer me akuza ndaj ish-kryeministrit, duke i bërë thirrje për të mos mbështetur kryeministrin Edi Rama.
Procesin e dorëzimit të firmave nga ana e ish-kryeministri, Basha e ka cilësuar si një blof, ndërsa akuzoi Berishën se po bashkëpunonte me kryeministrin Edi Rama për të bërë një “puç” ndaj Partisë Demokratike. Po ashtu, në deklaratën e tij nga shkallët e selisë blu, numri një i opozitës dërgoi edhe një mesazh të shkurtër për Berishën, duke thënë thjesht: Boll bashkëpunove me Ramën!
“Shpresa e demokratëve nuk do të shkelet me këmbë. *u kthehet gazetarëve Më falni unë tregoj respejt për ju… Kemi një regjim përballë dhe po mbështetet në një trekëndësh. Regjimi është bërë pjesë e përpjekjes për një puç. Kemi informacione se Berisha ka bashkëpunuar me regjimin për puç në PD. Kam vetëm një thiurrje për Sali Berishën; Boll harxhove kohën dhe energjitë e demokratëve. Boll ndihmove Edi Ramën. Berisha e ka një betejë personale dhe jo për PD-në,”-tha Basha ndër të tjera në fjalën e tij.
FJALA E PLOTË:
Lulzim Basha: Zoti Berisha ka qenë për një kohë shumë të gjatë kryetar i Partisë Demokratike, e di shumë mirë statutin, rregullat e partisë. E di se si vihen në lëvizje mekanizmat për thirrjen e Kuvendit. Jam thellësisht i zhgënjyer nga tallja që ka bërë me demokratët dje duke fshehur blofin e tij dhe mungesën e firmave për ¼ e anëtarëve të Kuvendit që do të vinin në lëvizje mekanizmin për thirrjen e Kuvendit. Nëse do ti kishte mbledhur do kishte dorëzuar sipas statutit që të nisnin procedurën statutore që ai e njeh shumë mirë. Dhe fakti që ai se ka bërë, çdo demokrat e kupton pse s’e ka bërë sepse e gjitha ka qenë një blof. Dhe atë që e nisi si betejë gjoja për demokratizimin e Partisë Demokratike përfundoi si betejë për hallet e tij personale dhe për pushtetin e tij personal.
Pyetje: Nëse firmat do dorëzohen do shkoni në Kuvend?
Lulzim Basha: Përgjigja e statutit është fare e qartë, ka një proces shumë të qartë. Ju a ka shpjeguar në detaje Sekretari i Përgjithshëm. Ndaj ju ftoj t’i referoheni që të mos bëhemi përsëritës, çdo gjë që Sekretari i Përgjithshëm ka përsëritur dje. Ndërsa qëndrimin tim si kryetar besoj e keni të qartë është i paekuivok.
Pyetje: Pse nuk thërrisni ju një Kuvend Kombëtar?
Lulzim Basha: Kuvend Kombëtar sa herë të jetë i nevojshëm jam i gatshëm ta thërras unë, sa herë të jetë i nevojshëm jam i gatshëm të thërras Kuvend për demokratët dhe Kuvend të demokratëve. Dua ta hedh poshtë gënjeshtrën se PD dhe kryetari i saj nuk duan Kuvend. Jo. Ajo që kam thënë këtu dhe kudo tjetër është se Kuvend dhe institucion i PD nuk do të marrë në shqyrtim vendimet e qeverisë amerikane dhe Partia Demokratike nuk do të kthehet në bunker për hallet as të Sali Berishës të dhe askujt tjetër. Por do të mbetet shpresa e demokratëve, sakrifica e tyre nuk do të shkelet me këmbë, por ne do ecim përpara sepse kemi një armik jo kundërshtar, që është një regjim. Kemi një regjim përballë dhe po shikoni se regjimi mbështetet në një trekendësh. Kemi të dhëna që regjimi është bërë pjesë e përpjekjes për një puç brenda Partisë Demokratike. Kam vetëm një thirrje dhe një ftesë Sali Berishës.Nuk i kishe firmat dhe nuk i dorëzove te organet statutore ashtu siç i di fare mirë rregullat e kësaj partie se ke qenë kryetar i kësaj partie. Boll harxhove kohën dhe energjitë e demokratëve, boll ndihmove Edi Ramën! Partia Demokratike do bëjë gjithçka nën lidershipin e zgjedhur që kundërshtarin e vetëm të Shqipërisë dhe armikun e vërtetë të përditshmërisë së shqiptarëve, Edi Ramën dhe regjimin e tij ta çojë një orë e më parë përpara fundit të merituar politik. Ne jemi në atë parlament që ky fund të vijë një orë e më parë për të rikthyer demokracinë dhe legjitimitetin në shina. Siç e dini fare mirë kemi çuar iniciativa dhe do ndërmarrim çdo aksion politik edhe me ndihmën e partnerëve tanë që jo vetëm demokratëve por gjithë shqiptarëve tu kthehet vota e vjedhur dhe shpresa e vrarë.
Lufta e ashpës mes Berishës dhe kryedemokratit nisi pasi Basha e përjashtoi Berishën nga grupi parlamentar i PD-së në 9 shtator të këtij viti. Basha u justifikua se nuk mund të dilte kundër vendimit të SHBA-së për shpalljen e paraardhësit të tij “non grata”. Ndërsa Berisha e konsideroi vendimin si “nul” duke kërkuar mbledhjen e Kuvendit për të ndëshkuar kryedemokratin, me pretendimin se ka shkelur statutin e PD-së.
Jo më larg se dje, Berisha dorëzoi firmat e anëtarëve të PD-së për të thirrur në një takim të jashtëzakonshëm Kuvendin Kombëtar të PD-së. Ndërkohë që ka paralajmëruar edhe një rikthim sipas tij në krye të qeverisë, duke nënkuptuar largimin e Bashës nga drejtimi i PD. Por edhe ambasadorja amerikane Yuri Kim ka folur qartë se SHBA nuk njeh asnjë kryetar tjetër të PD, veç Bashës.
(k.m/dosja.a)
Cila mendoni se është alternativa më e mirë:
TIRANË- Ish-Shefi i Sektorit Ligjor të Burgut të Peqinit, Gani Shehu është arrestuar sot nga Prokuroria e Posaçme kundër Korrupsionit dhe Krimit të ...
SHKODËR – Një plagosje me thikë ndodhi në njërin prej gjimnazeve të SHkodrës mes dy adoleshentëve. Dy shokë klase janë konfliktuar me njëri-tjetrin j...
DURRËS– Një 42-vjeçar është arrestuar nga policia e Durrësit pasi ka goditur inspektorin e IMT-të. Personi me inicialet A.D, kishte shtuar një...
ELBASAN – Një zjarr ra në banesën e një familjeje në fshatin Gjergjan të Elbasanit. Flakët e përhapura kanë djegur një pjesë të mobiljeve dhe pajisjeve të...
VLORË – Policia e Vlorës arrestoi dy persona dhe procedoi dy të tjerë në 3 raste të ndryshme. 24-vjeçari XH.J. dhe 57-vjeçari janë dy s...
ELBASAN– Sekretari i Përgjithshëm i Partisë Socialiste, Damian Gjiknuri, ka folur për aktualitetin politik në vendin tonë nga Elbasani. Në detyrën e drejt...
TIRANË– Një ngjarje e rëndë ka ndodhur sërish në Tiranë, pranë fakultetit të Inxhenierisë së Ndërtimit. ‘Joq’ raporton se një qytetar ka ...
TIRANË– Gjykata e Posaçme ka dhënë në total 110 vite burg për 15 persona të arrestuar në kuadër të operacionit “LIMIT”, i zhvilluar dy vite më...
TIRANË– I dehur, në shkelje të rregullave të qarkullimit rrugor por edhe me armë me vete. Në trupin e Emirjan Dokos, i riu i cili shkaktoi aksidentin...
TIRANË– Studentët në Tiranë janë përballur me një situatë të pazakontë brenda godinës së Universitetit Politeknik të Tiranës. Ata janë përballur me s...
