"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHBA – Ministrja e Jashtme gjermane, Annalena Baerbock theksoi të mërkurën rëndësinë e lidhjeve transatlantike ndërsa përgatitet të bëjë vizitën e saj të parë në Shtetet e Bashkuara të Amerikës si ministre e Jashtme gjermane.
“Sa më të vështira të jenë kohët, aq më të rëndësishme janë partneritetet e forta – dhe si evropianë ne nuk kemi një partner më të fortë se Shtetet e Bashkuara të Amerikës,” tha ajo. “Me udhëtimin tim në Uashington, dua ta bëj shumë të qartë … rëndësinë e madhe që u kushtojmë marrëdhënieve transatlantike.”
Lidhjet midis Gjermanisë dhe SHBA arritën një pikë të ulët gjatë administratës së kaluar të SHBA, të udhëhequr nga Donald Trumpi, e cila shpesh shihej si shpërfillje e aleatëve tradicionalë. Qeveria aktuale amerikane, e udhëhequr nga Joe Biden, ka deklaruar vazhdimisht se dëshiron t’i kthejë këto aleanca në statusin e tyre të mëparshëm.
Vizita e parë zyrtare e Annalena Baerbock do të jetë e shkurtër, dhe do të zgjasë vetëm tetë orë. Ajo do të përfshijë bisedime me Sekretarin e Shtetit të SHBA Antony Blinken dhe me Nancy Pelosin, kryetare e Dhomës së Përfaqësuesve të SHBA.
Rusia në fokus
Vizita e ministres Baerbock, e cila do të përfshijë takimin e saj të dytë me homologun e saj amerikan, vjen pasi Rusia ka mbledhur trupa pranë kufirit të saj me Ukrainën, duke nxitur supozimet perëndimore për një pushtim të mundshëm.
Baerbocku tha se Evropa dhe SHBA kanë rënë dakord që veprimet e Rusisë “kanë një çmim” dhe se “e vetmja rrugëdalje nga kriza është përmes dialogut”.
“Tani po hyjmë në një fazë vendimtare në të cilën do të zhvillohen diskutime të rëndësishme në nivele të ndryshme. Dhe megjithëse formatet e bisedimeve ndryshojnë, mesazhet tona si partnerë transatlantikë ndaj qeverisë së Moskës janë gjithmonë të njëjta,” tha ajo.
Por pavarësisht nga pohimi i ministres Baerbock për një unitet transatlantik përballë Rusisë, gazsjellësi Nord Stream 2, i cili do të transportojë gazin rus në Evropë, mund të mbetet një pikë grindjeje.
SHBA e kanë kundërshtuar prej kohësh projektin, duke besuar se ai mund të çojë në varësi të tepërt nga Rusia për nevojat e energjisë, megjithëse përfundimisht është arritur në një marrëveshje me Gjermaninë, se si projekti mund të zbatohet në një mënyrë të pranueshme.
Partia e Baerbockut – Të Gjelbrit – i mbështet rezerva amerikane, por partnerët e koalicionit, Socialdemokratët, kanë qenë gjithmonë ndër mbështetësit më të mëdhenj të tubacionit.
Gjermania gjithashtu po bëhet gjithnjë e më e varur nga energjia e importuar pasi po mbyll termocentralet e saj bërthamore dhe me qymyr.
Partneriteti transatlantik i rëndësishëm edhe nga çështjet ekonomike e klimatike
Ministrja e Jashtme gjermane tha se partneriteti transatlantik është i rëndësishëm jo vetëm nga perspektiva politike dhe e sigurisë, por edhe nga çështjet ekonomike dhe ndryshimet klimatike.
“Forca e aleancës transatlantike nuk matet me tanke dhe raketa, por mbi të gjitha në mënyrën se si veprojmë së bashku kur ka rëndësi – kur duhet të respektohen standardet bazë të së drejtës ndërkombëtare dhe kur duhet të luftojmë për vlerat tona të përbashkëta”, tha ajo.
Baerbocku iu referua gjithashtu sulmit ndaj Kapitolit të SHBA janarin e kaluar nga kryengritësit që protestonin kundër humbjes së ish-presidentit të SHBA, Donald Trump.
Duke vënë në dukje se vizita e saj vjen një ditë para përvjetorit të incidentit, Baerbocku tha se do të diskutonte me Nancy Pelosin mënyrat për të mbrojtur demokracinë kundër kërcënimeve të jashtme dhe të brendshme.
Ajo tha gjithashtu se Gjermania do të fokusohet në veprimin ndërkombëtar për mbrojtjen e klimës gjatë vitit të saj si kryetare e G7, e cila filloi më 1 janar.
“Dhe ajo që është vendimtare me këto çështje, gjithashtu, është se ne do të jemi të suksesshëm vetëm po t’i trajtojmë sfidat së bashku si partnerë,” tha ajo, duke shtuar: “Kjo përfshin forcimin e institucioneve demokratike edhe në vendet tona dhe duke e bërë atë më të dukshme se çfarë vlere të madhe kanë ato për jetën tonë”. (DW, DPA, AFP)
(E.H/Dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
NIGER – Një kryebashkiak lokal dhe shoferi i tij janë arrestuar në një shkretëtirë në veri të Nigerit pasi policia gjeti më shumë se 200 kg kokainë të fsh...
SHBA – Dymbëdhjetë persona kanë humbur jetën dhe disa të tjerë janë plagosur si pasojë e një zjarri që shpërtheu në një ndërtesë apartamentesh në Filadelf...
SARAJEVË – Ish-kryetari i Këshillit të Lartë Gjyqësor dhe Këshillit Prokurorial të Bosnjë dhe Hercegovinës, Milan Tegeltija dhe kryetari i Lëvizjes p...
SARAJEVË – Përfaqësuesve i serbëve në Këshillin Presidencial të Bosnje-Hercegovinës reagoi për herë të parë pas lajmit të shpalljes “non grata&...
KOSOVË – Presidentja e Kosovës Vjosa Osmani përshëndeti vendimin e fundit të SHBA-së për shpalljen “non grata” të kryetarit të Republikës...
KAZAKISTAN- Protestuesit në Kazakistan po tentojnë të rrëzojnë statujën e ish-presidentit Nursultan Nazarbayev në rajonin Almaty. Këtë gjë e ka bërë të ditur fa...
KROACI- Një kacafytje ka ndodhur ditën e sotme në kufirin Kroaci–Serbi mes një emigranti nga Kosova dhe një shtetasi serb. Në videon e mëposhtme, shihet shqipta...
KAZAKISTAN – Presidenti i ish-republikës sovjetike të Kazakistanit i bëri thirrje një blloku sigurie të udhëhequr nga Rusia për ndihmë ditën e sotme pasi ...
KAZAKISTAN – Gjendja e rendit dhe sigurisë në shtetin e Azisë Qendrore është përkeqësuar orët e fundit teksa janë vrarë nga demonstruesit 8 policë, ndërsa...
RUSIA – Ekspertët e hapësirës po gjurmojnë një pjesë të raketës ruse që do të bëjë një rihyrje të pakontrolluar në atmosferën e Tokës brenda 24 orëve të a...
