Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Gazetari Dritan Hila ka dalë plotësisht kundër protestave që janë organizuar dy ditët e fundit, që i përkasin edhe periudhës së pandemisë, për shkak të Covid-19.
Me anë të një shkrimi me titull “Mjerimi i një proteste dhe rreziku që mbart e ardhmja”, Hila shkruan se vetëm në vendin tonë ndodh që të dalësh në protestë në kohë pandemie dhe më pas të ankohesh pse të shpërndan policia. Sipas Hilës, grumbullimi i njerëzve për protestë në kohë pandemie me në krye Altin Goxhajn, është dëshmi e gjendjes së rënduar psikologjike të popullatës nga karantinimi i zgjatur.
Shkrimi i plotë i Dritan Hilës, i publikuar në Dritare.net
Dëshmi e gjendjes së rënduar psikologjike të popullatës nga karantinimi i zgjatur, është fakti që ka njerëz që mbrojnë protestën e djeshme e udhëhequr nga një grup me në krye Altin Goxhajn që shohin komplot ndërkombëtar të drejtuar nga Sorros dhe së fundmi Bill Gates edhe në prishjen e motit, dhe një grupi të gatshëm të frustruar për vëmendje që protestojnë ndaj një qeni të ngordhur rrugëve në Ndoq apo maceje të keqtrajtuar në Paskuqan.
Janë pasqyrë e varfërisë mendore të një vendi post tranzicion, kur ndërsa bota ka dishepuj kundërshtie Henry Levy me shokë, ne na ka mbetur tek ca njerëz gjysmakë në formimin arsimor.
Ndërsa kundërshtia në botë ndaj karantinës ka lidhje me vështirësitë ekonomike dhe krizën që mund të sjellë, por në fund ka mbizotëruar logjika e shëndoshë e prapavijës shkencore që këshillonte qeveritë, tek ne çeta plakë e protestave shikon vendosjen e diktaturës se Edi Ramës.
Parë në rrafshin shqiptar, masat e marra nga qeveria në kushtet e një sistemi spitalor të brishtë, me kulturë qytetare të cekët, ishte pak e vonuar vendosja në karantinë. Rregullat e nxjerra në rrugë e sipër për distancimin social, dhe zbatimin e masave parandaluese nganjëherë ishin groteske ashtu si në çdo vend të botës ku edhe vetë OBSH ishte e çorientuar nga ky sulm i papritur dhe panjohur. Mes tyre pati të pakuptimta si ai që një familje nuk mund të udhëtonte në makinë; apo të tjera logjike që u interpretuan nga popullata në mënyrë shqiptare ku fasha orare e lënë për të përmbushur nevojat jetike duke ruajtur distancat sociale, u konceptua si mundësi shëtitjeje. Pa lënë mënjanë interpretimet e bëra prej intelektualëve shqiptarë të vijës së parë të luftës kundër diktaturës që po vendoset. Por në fund shumica e tyre funksionuan. Kanë funksionuar relativisht pasi numri i të infektuarve tek ne ka ardhur në rritje.
Rrugë të ngjashme me tonën kanë ndjekur edhe vendet e Ballkanit, të cilat nuk kanë kapacitetet mjekësore të perëndimit dhe as kulturën e higjienës së tij, por padyshim janë më mirë se ne nga pikëpamja spitalore. Për fat edhe aty ka funksionuar.
Edhe ne botë, si shkak i presionit të prapavijës së minorancave me ambicie politike, që kërkon të shfrytëzojë fatkeqësitë natyrore për qëllimet e tyre, nuk kanë munguar problemet por në fund ka mbizotëruar arsyeja shkencore. Kundërshtarë të thekur të karantines si kryeministri anglez apo presidenti amerikan, janë detyruar të dëgjojnë personalitete e shkencës.
Statistikat e instituteve serioze në botë treguan se kjo sëmundje është vrasëse. Mjekët vetë që ishin në vijën e parë të luftës u trembën nga agresiviteti i saj dhe pafuqia për ta luftuar. Kush u tregua i pakujdesshëm, u penalizua me vdekje.
Në këtë moment që shkruajmë, kërkuesit shkencorë nuk janë të bindur qe hapja nuk do sjellë një hekatombë njerëzore, për më tepër kur nuk dihet ende plotësisht sjellja e virusit me ndryshimin e klimës, mutacionet që mund të pësojë dhe deri shtresat e popullsisë dhe gradën e infektimit që mund të kapë. Sot flitet që mund të infektojë edhe fëmijët madje edhe më shumë se në mushkëri.
Ndërkohë presioni i ekonomisë po detyron qeveritë që të munden të gjejnë një të mesme të artë mes krizës që kërcënon dhe numrit të vdekjeve që priten. E megjithatë BE nuk do ti hapi kufijtë dhe as vendet që kanë një pjesë të mirë të GDP nga turizmi, nuk po tregojnë ngutje në hapjen e sezonit. Deri edhe ditë të shenjta si ajo e 9 Majit për Rusinë, u anuluan festimet. Për fat në shumicën e udhëheqësve botërorë po mbizotëron logjika e burrit të shtetit, përballë atij të populistit.
Në Shqipëri, nisur edhe nga niveli banal i një pjese të shoqërisë që beson më shumë tek nuskat apo të kënduarit nga hoxha në vesh, sesa tek autoritete shkencore, ka nisur një sulm ndaj mjekëve dhe infeksionistëve që gjenden në vijën e parë të përballimit me të keqen, duke i futur në hulli politike. Pavarësisht se Tritan Kalo është një kundërshtar i hershëm i politikave administrative në sistemin shëndetësor të kësaj qeverie, apo Pëllumb Pipero një mjek që nuk njihet për afinitet me Ramën, po synohet demonizimi i tyre dhe përdorimi politik.
Kjo është një gjetje shqiptare e cila mund ta dëmtojë rëndë vendin ne të ardhmen.
Krahu politik kundërshtar i qeverisë, ndërkohë ka treguar se i pëlqen ta shfrytëzojë këtë kauzë, pavarësisht se në një krah është mendimi shkencor dhe eksperienca botërore që po ndjek qeveria ndërsa në krahun përballë një tufë njerëzish që në radhët e tyre nuk kanë asnjë infermier.
Ne mund ta falim dhe mirëkuptojmë që në historinë tonë kemi pasur Haxhi Qamilë, për vetë kushtet e informacionit dhe arsimimit. Por të kemi një dejavu në vitin 2020 të këtyre fenomeneve, është dëshpëruese pasi tregon sa pak rrugë ka bërë ky vend në mendimin politik.
Mesa duket më pak për shkak të ekonomisë dhe brishtësisë së buxhetit, por më shumë për arsye se vetë kryeministri nuk do ta humbasë emrin e fituar si menaxhues i suksesshëm i krizës, do fillojë hapja. Në strategjitë e tij politike Rama tashmë e ka të qartë që nëse do të kemi një rikthim vrasës të pandemisë, mund t’ia lerë fajin për pasojat kundërshtarëve të tij.
E keqja jonë është se kjo karantinë nuk u perceptua për të nxjerrë mësime në sjelljen sociale por si një fatalitet. Ikën kohët kur edhe vetë gazetarë të opozitës apo liderë të saj, të frikësuar nga epidemia, të mbyllur në vilat e tyre në fshat apo bregdet, i kërkonin popullatës të zbatoheshin rregullat e karantinës. Tani shohin se po vendoset diktatura, e ca më keq ajo e oligarkisë financiare botërore. Mjerë ky vend dhe njerëzit e saktë të tij!
Pas shkrimit, Hila është ndalur të bëjë edhe një status në Facebook, ku përsërit të njëjtat argumente, teksa shkruan se ka edhe një këshillë për të gjithë ata që e akuzojnë si pro Ramës, pasi nuk bëhet palë me grupin që ai i quan ‘idjotë’. Sipas Hilës, ky është një standart që e kapin vetëm idjotët shqiptarë.
“Te organizosh miting ne kohe pandemie dhe te akuzosh policine per dhune ne shperndarje, kete vetem idiotet mund ta bejne. Pastaj, te akuzosh ata qe nuk behen pale me idiotet, si pro Rames, eshte nje standart qe e kapin vetem Idiotet shqiptare. Kam nje keshille per keta intelektualet: Ne vend se te jepni keshilla nga shtepia, nenshkruani nje deklarate qe ne rast se infektoheni, nuk doni sherbim shendetesor as per vete dhe as per familjaret. Kaq e thjeshte. Edhe perendimi ka te tille hajvane, por nuk ju jep njeri ze ne gazeta serioze dhe as ka parti politike qe behen pale me ta. Perkundrazi. Ata qe degjohen jane profesionistet. Jane statistikat qe flasin per nje semundje vdekjeprurese qe trembi edhe mjeket. Degjoni Tritan Kalon, Arian Harxhin, Pellumb Piperon dhe profesioniste qe kane mbaruar shkolle e specializime per kete pune dhe jo gjithfare deficentesh e deficentesh mazokiste,”- shkruan Hila.
Por një nga ndjekësit e gazetarit, ka komentuar poshtë statusit të Hilës, ku i shkruan se ai vazhdon të shkojë në plazh, pavarësisht pandemisë.
“Shko në plazh ti në koh pandemie. …dhe ata që protestojnë për hallet e tyre qënkat idjotë…,’- shkruan komentuesi.
Hila nuk ka ngurruar t’i replikojë komentuesit , teksa i thotë se ai mund ta menaxhojë rrezikun dhe se ka leje si gazetar që të shkojë ku t’i dojë qejfi.
“Une shkoj ku me do qejfi pasi kam leje si gazetar dhe di ta menaxhoj rrezikun,”– përgjigjet Hila.
Në fakt, bërja e plazhit dhe të aktiviteteve të ndryshme argëtuese, është e ndaluar për çdo qytetar, pavarësisht profesionit, inxhinier, gazetar, mjek, apo rrobaqepës. Madje vetëm pasditen e sotme, një i moshuar në Vlorë, u përplas me një polic në Vlorë, ku i tha se po i nxinte jetën, vetëm se u fut të lahej.
Rregullat kanë qenë të qarta edhe për ata që kanë autorizim për lëvizjen e lirë, çdo dalje nën arsyetimin e punës, dhe kjo gjë nuk bëhet në bregdet!
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Regjisori Robert Budina ka deklaruar se figura pranë PS dhe kryeministrit Rama janë kundër shembjes së Teatrit Kombëtar. I ftuar në “Mbrëmje ...
TIRANË– Naimi përmes rubrikës “Ka një mesazh për ty”, në Tv Klan i bëri një surprizë nënës së tij. Ai e uroi atë për ditëlindje, por gjithashtu e falender...
TIRANË– Dekani i Fakultetit të Drejtësisë, Artan Hoxha vijon të mbetet i vetmi kandidat për Rektor në Universitetin e Tiranës. AbcNeës, ka publikuar listën...
VLORË– Larja në det vazhdon të jetë e ndaluar deri në një njoftim të dytë për shkak të kufizimeve që janë marrë për menaxhimin e krizës së shkaktuar ...
GREQI– Shtatë shqiptarë dhe nëntë shtetas grekë kanë rënë në pranga, pasi akuzohen se kanë plagosur dy persona me thikë dhe një kaçavidë. Ngjarja e rëndë...
GREQI– Një shqiptar, 20 vjeç ka ndërruar jetë në Greqi, pasi traktori të cilin ai po drejtonte, ka humbur kontrollin dhe është përmbysur. Sipas mediave l...
ITALI- Autoritetet policore italiane kanë vënë në pranga dy shtetas shqiptarë pasi u kanë gjetur 34 kilogram heroinë dhe kokainë me vlerë 2 milionë euro. Bëhet ...
TIRANË– Mes shumë qytetarëve që përfituan nga fasha e orarit të lejuar ditën e sotme, për të shijuar diellin dhe parqet e Tiranës, ka qenë edhe familja e r...
GREQI– Një shqiptar, 36 vjeç ka ndërruar jetë, teksa vuante dëninim në një nga burgjet greke. Ngjarja e rëndë ka ndodhur në burgun e Trikallasë në ...
TIRANË– Kjo është Fjona nxënëse e klasës së pestë në fshatin Larushk. Vajza e cila prej afro gjashtë muajve jeton në çadër, me prindërit dhe vellain...
