“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Hetimet zbuluan se organizata mafioze drejtohej nga burgu përmes mafiozit Gabriele Pedalino, i cili komunikonte me trafikantët përmes aplikacioneve të koduara si Signal, Threema dhe Zangi. Përmes përgjimeve dhe instalimit të programeve në telefonat e të dyshuarve, policia arriti të dokumentojë furnizimet e drogës që vinin nga Kalabria drejt Palermos.
ITALI- Shqiptari Alban Cjapi, i njohur ndryshe edhe me pseudonimin “Thomas Shelby”, është vënë në qendër të hetimeve në Palermo, ku autoritetet italiane kanë goditur një rrjet të fuqishëm të trafikut të drogës të lidhur me “Cosa Nostra”-n. Sipas hetuesve, “Thomas Shelby” konsiderohej një nga furnizuesit kryesorë të kokainës për grupet mafioze të Palermos dhe një figurë aktive në tregun kriminal të Romës.
Hetimet zbuluan se organizata mafioze drejtohej nga burgu përmes mafiozit Gabriele Pedalino, i cili komunikonte me trafikantët përmes aplikacioneve të koduara si Signal, Threema dhe Zangi. Përmes përgjimeve dhe instalimit të programeve në telefonat e të dyshuarve, policia arriti të dokumentojë furnizimet e drogës që vinin nga Kalabria drejt Palermos.
Sipas LA REPUBBLICA, mes trafikantëve kishte pasur tensione pasi shqiptari Alban Cjapi dyshohet se kishte shitur drogë me cilësi të dobët tek grupet mafioze. Operacioni i fundit i autoriteteve italiane çoi në arrestimin e 26 personave të përfshirë në rrjetin e trafikut të drogës.
Artikulli i LA REPUBBLICA:
Hetuesit ndoqën lëvizjet e Alban Cjapit, shumë i njohur në tregun kriminal të Palermos: ai përdorte pseudonimin “Thomas Shelby”. Cjapi konsiderohet si një bos droge i cili, sipas zyrtarëve të antimafias, luajti një rol kyç në furnizimin me kokainë të organizatës kriminale 'Cosa Nostra'të Palermos të udhëhequr nga Gabriele Pedalino, një anëtar i distriktit Santa Maria di Gesù.
Gabriele Pedalino, mafioz i zonës Santa Maria di Gesù dhe nip i boss-it historik Salvatore Profeta, drejtonte aktivitetet e tij të drogës nga burgu. Pa asnjë problem. Kishte në dispozicion një smartphone modern dhe jepte urdhra në çdo orë për të sjellë në Palermo ngarkesa të mëdha kokaine dhe hashashi.
Madje lidhej edhe me video-konferencë në Instagram. Fillimisht nga burgu i Ascoli Piceno-s, më pas nga Livorno. Herë pas here, grupi i Pedalino-s mbështetej te një tjetër grosist droge, Giuseppe Bronte. Nuk kishte rëndësi që ai ishte në arrest shtëpie edhe ai i drejtonte aktivitetet kriminale me kohë të plotë.
Hetimi i fundit, i koordinuar nga prokuroria antimafia e drejtuar nga Maurizio de Lucia, zbulon rrugët përmes të cilave droga mbërrinte në qytet dhe më pas shpërndahej në rrjetet e trafikut. Natën e kaluar u ekzekutuan 26 arrestime nga policia dhe karabinierët. Hetuesit e skuadrës mobile ndoqën për muaj të tërë grupin e Pedalino-s. Ndërkohë, ushtarakët e seksionit kundër krimit ishin në gjurmët e grosistëve të tjerë.
Bëhej fjalë për grupe që operonin me mbështetjen e familjeve mafioze të Santa Maria di Gesù dhe Villagrazia-s. Një nga grosistët, i quajtur “Sulmuesi”, thoshte se kishte “mirëqenien që mund t’ia ofrojë gjithë Palermoja”. Trafikantët kishin shumë punë dhe përpiqeshin të përdornin çdo masë paraprake për të shmangur përgjimet. Për këtë arsye komunikonin në “Signal”, ku grupin e kishin pagëzuar në mënyrë të veçantë: “Të jashtëligjshmit”. Një tjetër grup e kishin quajtur “Vëllezërit”.
Droga vinte nga Kalabria. Një ditë të nëntorit, tre vite më parë, policët e skuadrës antidrogë ndoqën një trafikant kalabrez nëpër rrugët e Palermos, i cili kishte për detyrë të përcaktonte detajet e marrëveshjes. Atë herë, palermitanët arritën marrëveshje për blerjen e 5 kilogramëve kokainë, me çmimin 23.500 euro për kilogram. “Po i çoj 100 mijë euro thoshin ata pa dyshuar se po përgjoheshin dhe ai më jep pesë pakot.”
Për komunikim përdornin edhe “Threema”, një tjetër aplikacion mesazhesh që mund të përdoret pa lidhur numër telefoni ose email. Ose “Zangi”, një platformë tjetër që garanton anonimitet. Megjithatë, hetuesit arritën t’i dëgjonin bisedat duke instaluar Trojan në telefonat e trafikantëve. Karabinierët e ROS-it ndoqën lëvizjet e një shqiptari, Alban Cjapi, i cili furnizonte trafikantët e Palermos.
Ai përdorte pseudonimin Thomas Shelby dhe konsiderohej një nga trafikantët më aktivë në tregun e Romës. Megjithatë, palermitanëve u kishte shitur edhe mall me cilësi të dobët, gjë që kishte shkaktuar tensione.
Ndërkohë, Pedalino vazhdonte të drejtonte trafikun e drogës nga burgu. Natyrisht, në komunikime nuk përmendte kurrë kokainën apo hashashin, por përdorte kode si “e bardha”, “007”, “minuta”, “toptha”. Trafikantët ndiheshin shumë të sigurt duke komunikuar përmes platformave të mesazheve. Madje shkëmbenin edhe fotografi të pakove të drogës.
Furnizimet vinin jo vetëm nga Kalabria, por edhe nga Campania. Droga nuk mungonte kurrë në tregun e Palermos. Vincenzo Petrocciani, një shpërndarës droge që më pas u bë bashkëpunëtor i drejtësisë, u tregoi prokurorëve: “Alessandro Scelta, bashkëpunëtori kryesor i Giuseppe Bronte-s, më dorëzonte 2-3 kilogramë kokainë në javë.
Fillimisht e paguaja 41 mijë euro kilogramin, pastaj çmimi ra. Në vitin 2024 më dorëzoi shtatë kilogramë dhe i pagova 31 mijë euro për kilogram.” Edhe Alessandro Scelta kishte dobësi për pseudonime pompoze: “Në komunikimet në Signal, ai quhej Medellin ose Patron”. Dy referenca të qarta ndaj trafikantit Pablo Escobar./Dosja.al
Ramir Haderi SHKODËR- Drejtori i AKU Shkodër Ramir Haderi është dhunuar nga disa persona ende të paidentifikuar në lagj...
TIRANË- Gjykata e Lartë ka prishur vendimin për ish-anëtarin e Kolegjit të Posaçëm të Apelimit, Ardian Hajdari, i d&...
Ministrja e Shëndetësisë, Evis Sala Organizata “Together for Life”, e cila lufton për drejtësi sociale në vend, p...
foto ilustruese TIRANË- Komisioni Europian në raportin e fundit të pranverës parashikon se rritja ekonomike e Shqipërisë prit...
REÇ- Safet Bajri i njohur si i forti i Dobraçi është surprizuar sërish nga fancat e tij me një parashutë. I f...
JAPONI- Kryeministri Edi Rama, pas vizitës zyrtare në Seul, ka udhëtuar drejt Japonisë, ku është mirëpritur në To...
ELBASAN- Një grabitje ka ndodhur në një tabakino në aksin rrugor, Elbasan-Metalurgjik. Siç shihet edhe në pamje, dy ...
Telefoni i sekuestruar DURRËS- Policia ka kryer ditën e sotme sërish kontrolle në disa burgje të vendit. Gjatë kontrollit n&e...
SHKUP- Protesta e studentëve shqiptarë në Maqedoninë e Veriut, e cila u zhvillua disa ditë më parë në Shkup krijoi jeh...
Foto ilustruse LUSHNJË- Policia ka identifikuar dhe shpallur në kërkim njërin nga autorët, i cili i vuri zjarrin tregut ...
