Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
VLORË– 29 vjet pas vrasjes makabre të rrobaqepëses 23-vjeçare Enkeleda Lapa në qytetin e Vlorës, të afërmit e saj kërkojnë sërish drejtësi. Megjithëse për ngjarjen e rëndë dhe më të bujshme të 9 janarit 1991 janë dhënë dy vendime gjykatash, asnjëra prej tyre nuk është zbatuar, ndërsa krimi ndodhi brenda një ndërmarrjeje shtetërore.
Autori i krimit, Skënder Dine ka vuajtur rreth 7 vite burg për krimin e kryer dhe në dhjetor 2013 është lënë i lire, pavarësisht se më herët ndaj tij ishte dhënë një dënim me 25 vite burg. Vëllai i 23-vjeçares, Petrit Lapa tregon me detaje ngjarjen, ndërsa thotë për gazetaren e Fax Neës Afrovita Hysaj se fillimisht vrasësi u dënua me 25 vite burg, ndërsa kreu me pak se 7 vite heqje lirie.
“Unë jam vëllai i Enkeledës, e cila ka një ngjarje të trishtë, ka qenë 9 Janari i vitit 1991 kur motra ime është vrarë në mënyrë barbare në rrobaqepësinë shtetërore. Unë kam qenë 18 vjeç kur ka ndodhur vrasja e motrës sime, situatat kanë qenë shumë të vështira, në 9 Janar kam qenë bashkë me shokët e mi, në tentativë për tu arratisur. Dëgjoj disa qytetarë që thoshin se ishte vrarë një vajzë në një rrobaqepësi, zbrita si i marrë nga makina, më thërriste zemra, kur kam arritur te rrobaqepësia pashë një grup të madh njerëzish që qanin, kur hyra brenda mësova vrasjen e motrës sime. Jam nisur drejt ambulancës, kam parë nënën time që ulërinte, vjen im atë i lyer me gjak, se e kishte mbajtur motrën në krah deri në spital, as nuk e dinte që ishte vajza e tija. Sipas ngjarjeve që unë kam hetuar gjithë kohës, nuk kam qenë i interesuar që të ndiqja rregullat e kanunit, por atë të institucioneve, sot vrasësi i motrës sime jeton i lumtur”, tregon Petrit Lapa.
Vëllai i 23 vjeçares së vrarë me thika tregon më tej se autori, Skënder Dine, ka qenë po ashtu punonjës në ndërmarrjen shtetërore, dhe ngjarja ka qenë e porositur nga persona të tjerë për të krijuar rrëmujë në qytet.
“Në qytetin e Vlorës vrasësi është ordiner, ka qenë person i paimplikuar në krime më herët, ngjarjen e ka kryer pasi e kanë shtyrë njerëz të caktuar, është bërë kjo për të krijuar anarki në Vlorë. Siç flitet ai ka qenë mekanik i ndërmarrjes, e ëma punonte si rrobaqepëse, motra nuk kishte shfaqur asnjë lloj problemi me ta. Ka qenë një rast i papandehur edhe për familjen tonë, kemi marrë vesh që personi është ndihmuar nga persona të tjerë, ai ka fikur dritat në ndërmarrje, mbante një thikë me vete, shumë punonjës e pyesnin se pse e mbante me vete armën, dhe ai thoshte ‘’ashtu e kam informacionin. Pasi kreu vrasjen është larguar me një xhip ushtarak, ka tentuar që të qendrojë në Greqi, dhe më pas është larguar drejt Italisë, ku ka kërkuar dhe strehim, jo i mbrojtur”, rrëfen Lapa për Fax News.
Më tej nis edhe kalvari i përballjes me drejtësinë, ku Dine kryen në total vetëm 7 vite burg, nga 25 që i kishte dhënë gjykata në mungesë. Lapa tregon po ashtu se në asnjë nga seancat që janë kryer në ngarkim të Dines, familja e tij nuk është lejuar që të marrë pjesë, me pretendimin se shteti do të ishte ai që do të vendoste drejtësinë.
“U dënua me 25 vite burg në mungesë nga Gjykata e Vlorës, unë shumë vonë e kam marrë vesh që ai është dënuar me 7 vite burg, pasi u ekstradua nga Italia. Ai ka bërë një gjyq, me gjykim të shkurtuar, ku ju ul dënimi në 7 vite burg, justifikimi i prokurorisë ishte që ngjarja kishte 13 vite burg që kishte ndodhur, ne asnjëherë nuk jemi thërritur në seancë gjyqësore, kemi kërkuar që të futemi në seancë dhe nuk na kanë lejuar.
Na ishte vrarë motra, nëse shteti kishte bërë rigjykim, ne të paktën duhettë informoheshim. Ka qenë i ndihmuar nga institucionet, ua kam thënë në sy edhe policëve dhe prokurorëve, si ka mundësi që të jetë mbrojtur ky person që është shumë i dobët. Motra ime është vrarë në një ndërmarrje shtetërore, shteti duhet të mbajë përgjegjësi për jetën e saj, përgjegjësia kryesore i mbetet shtetit. Gjithmonë i kam kërkuar shtetit që të mbajë përgjegjësi për këtë krim”, shprehet Lapa, ndërkohë që ka ende një shpresë te drejtësia e re.
Konkretisht ai do ti depozitojë SPAK-ut një kërkesë për rihapjen e dosjes, me shpresën se do të hetohen dhe njerëz me pushtet në qytetin e Vlorës, që kanë pasur gisht në ngjarje, dhe padyshim do të hetohet dhe puna e ndërmarrë nga të gjithë prokurorët dhe gjykatësit që kanë kryer hetimet dhe kanë marrë vendimin në favor të Dines.
“I kërkoj SPAK-ut që të rihapë këtë çështje, pse nuk u kërkua një dënim më i madh për këtë vrasës, kush fshihet pas kësaj, që ai sot jeton në luks. Të gjithë vrasësit e sikurshëm janë fshehur me petkun e mirëqenies, këtë kërkoj sot nga SPAK, ata janë njerëz goxha të pushtetshëm sot.
Nëna ime edhe sot e përjeton dhimbjen, babai ka shumë kohë që ka vdekur, për shkak të vuajtjes. Kur pyes në Gjykata dhe në Prokurori, thonë se kjo është një histori e vjetër dhe e harruar, por unë kërkon të vërtetën time: Pse Enkeleda Lapa u vra brenda ndërmarrjes shtetërore?
Motra ime sot ha dhe’ kurse vrasësi u lirua nga ky shtet, ha bukë, pi kafe, ja këtë drejtësi kërkoj unë, janë dy gjëra të ndryshme, një i vdekur dhe një i gjallë. Nuk kërkoj që shteti ta vrasë, po të vuante dënimin e duhur. Unë do ia dorëzoj të gjithë dosjen SPAK, që të merret me këta lloj personash, që nga gjyqtarët që kanë vendosur lirimin e saj, te drejtuesit e burgut, dhe të gjithë individët që kanë marrë pjesë në këtë krim”, përfundon Lapa.
Marrë nga Fax News
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Në Zyrën Postare Priskë, vjehrra punon në vend të nuses. Firmos dhe vulos për të, edhe pse ka 2 vite që ka dalë në pension.Pasi doli në pension, v...
TIRANË– Chetan Sandesara, indiani, që sipas mediave kosovare është burri që i ka rrëmbyer zemrën modeles shqiptare Agnesa Vuthaj, vetëm pak muaj më parë vu...
TIRANË- Një person është gjendur në gjendje të rëndë shëndetësore në Tiranë në orët e pasdites, ku edhe mësohet se ka humbur jetën. Ngjarja ka ndodhur pran...
MALLAKASTËR– Detaje tronditëse kanë dalë në dritë nga vrasja në Mallakastër, ku Drita Saliaj, 52-vjeç, u mbyt në rezervuar nga nipi i burrit të saj,...
TIRANË– Një automjet është përfshirë nga flakët pak çaste më parë në Tiranë. Mësohet se mjeti është djegur, teksa ndodhej i parkuar në rrugën “Zef J...
TIRANË- Avokati i Lulzim Bashës, Eduart Halimi, ka folur pas vendimit të Gjykatës së Tiranës për pushimin e çështjes për kreun e Partisë Demokratik...
TIRANË- Gjykata e Tiranës në seancën paraprake ka pushuar çështjen për kreun e Partisë Demokratike, Lulzim Basha dhe dy zyrtarët e tjerë të PD. Në n...
SARANDË– Policia e Sarandës ka arrestuar një 36-vjeçar, pasi u kap duke tentuar të trafikojë lëndë narkotike drejt Greqisë. Sipas njoftimit të polic...
FIER- Dosja.al zbardh sot dosjen e plotë të prokurorisë për ngjarjen horror të ndodhur pak ditë më parë në Mallakastër, ku tre të rinj shkuan në shtëpinë e Drit...
ITALI-Gazetarja e Ora News në Romë Alba Kepi zbulon detaje të reja lidhur me operacionin e sekuestrimit të 333 kg kokainë në Itali e ardhur nga Brazili.Mes 4 të...
