Politike

Djegia e mandateve të opozitës/ Rama: As nuk mendoj të jap dorëheqjen

Opozita drejt djegies së mandateve, reagon Rama. Kryeministri thotë se nuk ka në plan të dorëhiqet pavarësisht presionit dhe protestave të opozitës. Rama flet për Corriere Della Sera, dhe shton se më shumë shqetësohet nga politika e baltës.
Featured image of article: Djegia e mandateve të opozitës/ Rama: As nuk mendoj të jap dorëheqjen
Përditësuar:

TIRANE- Ka reaguar për herë të parë kryeministri Edi Rama pas deklaratës së kryedemokratit, Lulzim Basha se opozita po shkon drejt skenarit të djegies së mandateve. (Lexo ketu).

Në një intervistë për median italiane “Corriere Della Sera”, kreu i qeverisë është shprehur se nuk ka ndërmend të japë dorëheqjen dhe as ta çojë vendin drejt zgjedhjeve të parakoshme.

“As nuk mendoj për këtë. Kam pasur një mandat të qartë nga populli, kemi një shumicë të qartë në Parlament dhe në fund kam një detyrim në konfrontimin e bashkatdhetarëve të mi. Unë nuk jam i detyruar të ndjek kërkesat e pakicës parlamentare. Detyrimi i vetëm është kontrata me popullin shqiptar që na dha votën për të qeverisur “, u shpreh Rama.

Rama u shpreh se në Shqipëri nuk po ndodh asnjë gjë dhe nuk ka ndonjë krizë.

“Asgjë nuk po ndodh. Ka, nëse ka ndonjë gjë, një krizë të thellë të opozitës që nuk është në gjendje të sfidojë qeverinë politikisht. Kjo pakicë është më e dobët se zgjedhjet e vitit 2017: nëse do të votonim nesër do të merrnim më pak vota”, tha Rama.

Ndërsa pyetjes për akuzat e opozitës për drogën dhe korrupsionin në vend ai u shpreh: “As nuk i përgjigjem këtyre akuzave. Unë jam i shqetësuar vetëm sepse kjo politikë e hedhjes së baltës nuk i ndihmon ata dhe as vendi. Shpresoj që sa më shpejt që të jetë e mundur, arsyet të kthehen të mbizotërojnë mbi dëshpërimin”. 

Për më shumë bëhu pjesë e grupit më viral në Facebook, Dosja.al

Sipas Ramës protesta e 16 shkurtit e opozitës ishte për t’i dhënë Shqipërisë një imazh negativ. 

“Jo. E vetmja gjë që ka bërë protesta e opozitës ishte t’i japë Shqipërisë një imazh negativ me një dhunë absurde, por me një rezultat zhgënjyes. Pasoja e vetme konkrete ishte shkatërrimi i një vepre arti, një kërpudha, që kisha instaluar në oborrin e ndërtesës së qeverisë”, shprehet ai. 

Burimi: Corriere Della Serra

J.V/F.G/Dosja.al

Shto Koment