Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Ish-ministri i Jashtëm, Ditmir Bushati ka uruar të gjitha gratë dhe vajzat në kuadër të 8 Marsit. Por Bushati nuk është ndalur me aq…
Ish-kryediplomati i Shqipërisë ka shprehur pakënaqësinë lidhur me progresin që qeveria ka bërë për të arritur barazinë gjinore në vend. Edhe pse sot, ka një numër të madhe grash dhe vajzash të përfshira në politikë, Bushati shkruan se problemi duhet trajtuar në origjinë dhe jo me politika “lart-poshtë”.
“Ne, kemi bërë përparim në lidhje me barazinë mes burrave dhe grave, por ende kemi një rrugë të gjatë përpara. Shoqëritë e emancipuara dallohen nga mënyra sesi e trajtojnë gruan. Emancipimi i shoqërisë nuk vjen vetëm nga politikat e orientuara nga lartë poshtë. Na duhet të punojmë për një model të ri që trajton burimin e pabarazisë,”-shkruan Bushati.
POSTIMI I PLOTË:
Për gratë dhe vajzat agjentë të ndryshimit! Në mesazhin tim vjet për 8 Mars u ndala tek gratë dhe vajzat e harruara, të cilave nuk ua dimë as emrin, as përpjekjen dhe as mundin, por që kanë një kontribut të pamohueshëm në shoqëri. Sot dëshiroj të flas për gratë dhe vajzat që janë agjentë të ndryshimit dhe model frymëzimi në shoqëri. Shoqëria jonë njeh shembuj suksesi të grave dhe vajzave në sipërmarrje, politikë, sport, art, shkencë dhe edukim. Po ashtu ka qindra histori të patreguara për gra dhe vajza që me kurajë përballojnë presionin në forma nga më të ndryshmet dhe ja dalin të kthehen në modele për shoqërinë, edhe në mjedisin e tyre, duke frymëzuar një shoqe, një kolege, e kështu me radhë. Sot, dua të përgëzoj dhe inkurajoj pikërisht këto gra dhe vajza që nuk përkulen, nuk pranojnë që të shërbejnë si fasadë e burrave në politikë, sipërmarrje apo media duke zgjedhur me vendosmëri rrugën e mundimshme të suksesit në shoqëri. Gratë e vajzat që nuk e pranojnë dhunën e diskriminimin. Refuzojnë! Denonciojnë! Gratë dhe vajzat e gjeneratës së re që nuk pranojnë kthimin e orës mbrapa. Për ato që nuk bëjnë kompromis, dhe nuk pranojnë të jenë thjeshtë dhe vetëm numra, e as statistikë. Ne, kemi bërë përparim në lidhje me barazinë mes burrave dhe grave, por ende kemi një rrugë të gjatë përpara. Barazia mes burrave dhe grave është para së gjithash një detyrim moral. Është gjithashtu një nevojë e ngutshme ekonomike. Një shoqëri nuk mund t’ia lejojë vetes të funksionojë me gjysmën e mendjes dhe zemrës. Ndaj, ne duhet të bëjmë më shumë për të mbyllur hendekun në trajtim mes burrave dhe grave në paga e karrierë. Të vendosim ekuilibrin e duhur midis punës dhe jetës së tyre private, që kujdesi për fëmijët e familjen të jetë proporcional, e të mos i penalizojë gratë në rrugën e tyre të karrierës. Shoqëritë e emancipuara dallohen nga mënyra sesi e trajtojnë gruan. Emancipimi i shoqërisë nuk vjen vetëm nga politikat e orientuara nga lartë poshtë. Na duhet të punojmë për një model të ri që trajton burimin e pabarazisë. Për më tepër, aktet e dhunës ndaj grave dhe vajzave që kanë tronditur opinionin publik tregojnë se ka ende forca që duan të na kthejnë pas. Duan ta tërheqin progresin drejtë një mentaliteti të vjetëruar patriarkal. Është koha që të angazhohemi me mish e shpirt në mënyrë që të sigurohemi që gratë dhe vajzat nuk do të jenë viktima të kësaj dhune shtazarake. 8 Marsi duhet të shërbejë si një moment rigjallërimi në betejën për barazi në trajtim mes burrave dhe grave për të shtuar rastet e suksesit të grave dhe vajzave në shoqëri. Mbrojtja dhe përparimi i të drejtave të grave duhet të jetë në themel të veprimit tonë politik e shoqëror, pasi nuk mund të ketë një familje të shëndoshë e të lumtur pa siguruar barazinë dhe ekuilibrin mes burrit dhe gruas. Ne nuk mund të mjaftohemi me faktin se e kemi shtëpinë tonë në rregull!
Ndërkohë sipas Indeksit të Barazisë Gjinore të publikuar nga INSTAT, kur bëhet fjalë për pushtet, gratë shqiptare listohen krahas atyre më të pushtetshme në Europë si Suedisë, Francës dhe Danimarkës, mbi normën mesatare të 28 vendeve të Bashkimit Europian.
Gratë marrin pjesë në pozicione ministrore në Shqipëri me 45.4%, një shifër që është shumë më e lartë se sa 28.1% e mesatares së BE-28, sipas INSTAT. Po kështu, gratë janë më të përfaqësuara në këshillat bashkiakë të Shqipëri se sa në BE (35.9% krahasuar me 28.5%).
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Ish-ministri i Shëndetësisë, Tritan Shehu i ka kërkuar qeverisë shqiptare që të shpallë gjendjen e emergjencës deri më 16 mars për koronavirusin.Ed...
LUSHNJE– Zv.kryeministri Erion Braçe ka përditësuar gjendjen e situatës së lumit Shkumbin, i cili derdhet në Divjakë. Disa orë më parë, Braçe para...
Komisioni i Venecias ka kritikuar në mënyrë direkte një sërë rregullash e procedurash të ndjekura në procesin e vetingut të cilat mund të kenë krijuar probleme ...
TIRANË- Ish-deputeti i Partisë Demokratike, Enkelejd Alibeaj ka reaguar pas vizitës së Edi Ramës në Shijak, ku kryeministri përgëzoi për punën e bërë Elton...
SHKODËR– Presidenti Ilir Meta k aka komentuar nga Shkodra draftin paraprak të publikuar nga Komisioni i Venecias për emërimet në Gjyaktën Kushtetuese. I pr...
TIRANË– Kreu i PAA dhe aleati i PD Agron Duka ka komentuar manifestimin e Metës të cilën e ka quajtur të drejtë kurse akuzon Ramën dhe mazhorancën se ka ka...
TIRANË– Jozefina Topalli ka kritikuar ashpër kreun e Partisë Demokratike Lulzim Basha. Në një status në profilin e saj në Facebook, Topalli lë të nënkuptoh...
TIRANË– Nënkryetari i Partisë Demokratike, Edi Paloka ka publikuar një video ku tregohet se Shqipëria hyn në top dhjetëshen e vendeve që kërkojnë azil. Sip...
TIRANË– Ish Ministri i Brendshëm Fatmir Xhafaj, në pjesën e katërt të intervistës ekskluzive për gazetën “DITA”, ka sqaruar gjerësisht qëndrimin e tij sa i...
TIRANË– Ish-deputeti i Partisë Demokratike, Bardh Spahia ka reaguar pasi kryeministri Edi Rama komentoi audion e publikuar dje nga Partia Demokratike, ku n...
