Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Dy gra, njëra nëna dhe tjetra gruaja, u sulmuan nga burri i shtëpisë, i cili gjithë mllefin e një dite të vështirë e ka shfryrë ndaj të ëmës. Por pikërisht, teksa ai ishte duke i kërkuar para të ëmës dhe po i bërtiste, ka ndërhyrë e shoqja, e cila e nevrikosur nga sjellja e burrit i ka kërkuar atij mos ta prekë të moshuarën.
“Në një moment, ai erdhi përballë meje, i thashë largohu dhe po i përsërisja mos i bërtit vjehrrës sime, pra nënës së tij. Por ai u tjetërsua dhe veç po na qëllonte të dyjave”, thotë L.P., e dëshpëruar pas një viti dhunë.
Gruaja, sipas policisë numër 5, e cila citon detaje nga dosja për Gazetasi.al, përmend në denoncim, se durimi i saj mori fund kur pa që i shoqi po bëhej agresiv edhe me të ëmën e tij. Çifti ka tre fëmijë, sipas burimeve të policisë dhe më i madhi është në moshën 15 vjeç.
“Ai nuk di ç’të bëjë më, pati një periudhë që ai vetëm më rrihte mua, kishte probleme tek puna e tij dhe kthehej në shtëpi e më rrihte. Nuk i ndizte makina atij dhe kthehej më rrihte, për çdo gjë që nuk i ecte, mbushej me nerva dhe më rrihte”, – shton më tej l.
Ditën e fundit të dhunës për të, ajo u bë jo vetëm viktimë e sulmit të radhës, por edhe dëshmi e dhunës ndaj F., nëna e moshuar e bashkëshortit. Të dyja gratë e kishin mbështetur vazhdimisht njëra tjetrën, kryesisht vjehrra, që sipas L., shumë herë i thoshte: “Duroje se 5 minuta janë nervat e tij“.
“Im shoq hyri në shtëpi, pyeti ku janë paratë. Ishte marrë tërë ditën me makinën. Nuk iu përgjigja, pasi nuk e kuptova çfarë parash kërkonte prej meje. U afrua dhe me goditi me shuplakë, si përherë u ngrita dhe dola jashtë që mos të humbja ekuilibrin dhe sepse sa herë më sulmonte kohët e fundit, dilja qëndroja jashtë sa qetësohej”.
Por dhuna nuk është mbyllur këtu. Nëna e tre fëmijëve ka dëgjuar të bërtitura. I shoqi është drejtuar nga nëna e tij, me të njëjtën kërkesë. Kërkonte para.
“E ëma i tha, ‘mirë, do t’i jap unë, ja të shoh ç’kam nga pensioni, veç na lër të qeta’, por ai bërtiste dhe ofendonte pa pushuar’. E qëlloi, se dëgjova të përplasura dhe hyra e kapa nga pas nga bluza”, – kujton denoncuesja në polici. Pasi e ka pyetur se ç’po bënte me të ëmën, ai është kthyer dhe e ka goditur me bërryl dhe në këtë çast, gruaja është rrëzuar dhe ka humbur ndjenjat. “Nuk mbaj mend derisa ka ardhur policia, telefonatën duhet ta ketë kryer vjehrra“, – shprehet më tej në fashikull e reja.
Policia i thotë Gazetasi.al se nga shenjat e përshkruara nga të dyja gratë, burri i dhunshëm përpos tempreramentit të tij të pakontrolluar, ka dyshime se mund të ketë varësi nga lëndët narkotike. Kjo shpjegon kërkesat e tij për para. I rrezikshëm është përshkruar A.P., edhe nga e ëma, e cila tregon se ai është kthyer në një burim ankthi për të, të shoqen dhe tre fëmijët. E pyetur se çfarë pi i biri, e moshuara tregon: “Ai pi nga ajo që thithet me hundë, është bërë i padurueshëm, nuk e dimë çfarë do dhe si bëhet një moment, nuk është në momentin tjetër. Njëherë thotë dilni se dua qetësi, pastaj kërkon para, pastaj pyet ku jeni”, – përshkruan F., sipas burimeve të Gazetasi.al.
E moshuara e përshkruan djalin e saj si një njeri të mirë, që filloi të ndryshojë atëherë kur u vështirësua puna dhe burimi i të ardhurave. Ditën e fundit të sulmit, e moshuara tregon se kur i biri hyri në shtëpi, ajo mori kurajë dhe kur e dëgjoi që po i bërtiste nuses së tij, doli në mes të dhomës dhe e pyeti: “Çfarë ke? Pse po bërtet dhe të dëgjon lagjia? Im bir u përgjigj, nuk kam asgjë, as me ty, as me gruan dhe as me një. E kam me veten time”, – citon e moshuara F., të ketë thënë ai.
Por e moshuara, shton se një moment më vonë, ai u tjetërsua, u binte xhamave dhe sipas saj, ai po sillej si një i çmendur.
“Kur kërkoi paratë dhe po nxitoja t’i nxirrja, ai më qëlloi, pastaj erdhi nusja po e mbante, e qëlloi dhe atë. E pyeta pse u bëre kështu? Nuk e di nga i vjen kjo gjendje, ai është përkeqësuar, ai nuk është djali që kam lindur dhe kam rritur unë”, – këmbëngul e moshuara.
Policia bën me dije se ka arrestuar menjëherë 44-vjeçarin për dhunë në familje, ndërkohë që e ëma, shton në denoncimin që iu vendos në dispozicion Gazetasi.al, “si nënë e tij kam merak dhe ju lutem shteti të më ndihmojë që ta çojmë diku në njërin nga spitalet e këtij shteti për ta kuruar, pasi ai nuk është sjellë ndonjëherë kaq agresiv sa këto kohë. Mendoj se shoqëria e tij i kanë bërë diçka të keqe”, – mbyll dëshminë 73-vjeçarja.
Të dyja gratë, janë pajisur me urdhër të menjëhershëm mbrojtjeje, kurse kryefamiljari ka përfunduar në qeli. Sipas policisë, familja me 6 anëtarë mbahej nga pensioni i të moshuarës dhe nga puna si shofer i 44-vjeçarit, i cili ka thënë vetëm këtë fjali: “Nuk e di për çfarë e keni fjalën, nuk mbaj mend asgjë”.
Marrë nga Gazeta “Si”
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Arrestimi i 51-vjeçarit shqiptaro-amerikan Renato Hajmeli në Rinas, pasi iu gjet një armë zjarri e fishekë në valixhe, ka ngritur pikë...
DIVJAKË – Një i ri ka mbetur i vdekur ditën e sotme si pasojë e një aksidenti të rëndë që ndodhi në fshatin Këmishtaj në Divjakë. 29-vjeçari Klinton...
ELBASAN – Një bombul gazi ka shpërthyer pak minuta më parë në lagjen “Emin Matraxhiu” në qytetin e Elbasanit. Mësohet se bombula e gazit ishte vendosur në...
GJIROKASTËR – Policia Rrugore e Gjirokastrës njofton se ka rritur kontrollet në akset kryesore rrugore të qarkut, me qëllim evidentimin dhe ndëshkimin e at...
TIRANË– Komisioni Qendror i Zgjedhjeve i është përgjigjur Presidentit Ilir Meta, pasi ky i fundit kërkoi informacione në lidhje me vacant e kryetarëv...
TIRANË– Partia Demokratike ka informuar Kuvendin e Shqipërisë për ndryshimet që janë bërë kohët e fundit brenda partisë. Me anë të një letre, PD, inf...
GJIROKASTËR – Kompania e produkteve të kosit dhe salcës së kosit ‘Gjirofarm’ ka reaguar pas vendimit që Autoriteti Kombëtar i Ushqimit mori pak ditë më par...
TIRANË – Gjykata Kushtetuese ka shtyrë për në 1 shkurt seancën ndaj kërkesës për shkarkimin e Presidentit të Republikës, Ilir Meta. Shkak është bërë infekt...
SHQIPËRI – Sot bëhen 554 vjet nga vdekja e Heroit tonë Kombëtar, Gjergj Kastriot Skënderbeut. Ai vdiq më 17 janar 1468 në Lezhë. Kjo datë e vdekjes s...
ELBASAN – Një i ri ka rënë aksidentalisht nga kati i dytë i banesës së tij në fshatin Kusarth të qytetit të Elbasanit.Dyshohet se i riu me inicialet Xh. G...
