Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
KORÇË– Klubi i Skënderbeut ka reaguar sot në lidhje me vendimin e CAS, gjykata e cila la në fuqi dënimin me 10 vite për mos pjesëmarrjen në kupat e Evropës. Korçarët shprehen një një reagim për mediat se është e papranueshme që UEFA ka marrë të mirëqena raportet BFDS.
Ish-kampionët e Shqipërisë shtojnë se vendimi i CAS në formën e tij të plotë dhe integral nuk i është komunikuar ende, duke thënë se i gjithë procesi ndaj tyre ka qënë i paragjykuar, i njëanshem dhe i paracaktuar që prej vitit 2016.
“Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasade dhe mburojë e një sistemi të kalbur dhe të korruptuar që egziston brënda institucioneve të qeverisjes sportive”, shtohet në reagim.
REAGIMI I PLOTË
Pasi jemi njohur me përmbajtjen e buletinit mediatik të CAS, datë 12.07.2019, lidhur me ankimin e bërë nga KF Skënderbeu kundër vendimit të Komisionit të Apelit të UEFA-s, ndiejmë detyrimin ndaj sportdashësve dhe qytetarëve të Korçës për të qënë sa më transparent ne lidhje me hapat e metejshëm të cilat do të ndiqen për rivendosjen e të drejtave tona të dhunuara barbarisht nga sistemi i drejtësisë sportive.
Së pari, vendimi i CAS në formën e tij të plotë dhe integral nuk i është komunikuar ende KF Skënderbeut, veprim i cili nën dritën e ngjarjeve të ndodhura, nuk është më i dyshimtë. Kjo pasi i gjithe proçesi ndaj klubit tonë ka qënë i paragjykuar, i njëanshem dhe i paracaktuar që prej vitit 2016.
Nuk mundet të mos jetë i paragjykuar një proçes ku KF Skënderbeu është dënuar në bazë të gjoja përceptimit publik të klubit dhe të personave lidhur me të, përceptim të cilin institucioni i UEFA’s, veçanërisht inspektorët e lidhur me çështjen kanë tentuar të krijojnë, përmes metodave dhe formave nga më të paskrupullta. Në lidhje me këtë, është e rastit të përmendet se ndaj inpektorëve të UEFA’s përgjegjës për hartimin e raporteve kundër klubit tonë, konkretisht Z. Dhont dhe Z. Lietard, aktualisht, ekzistojnë padi penale dhe civile për shpifje në organet kompetente Zvicerane.
Nuk mund të mos jetë i njëanshëm një proçes i cili mbështetet mbi raporte të cilat nuk kane asnjë bazë të provuar shkencore dhe të cilat nuk kanë të bëjnë fare me analiza të mirëfillta sportive. Është e papranueshme që CAS të marrë si të mirëqëna raportet e BFDS, sistem për të cilin askush nuk ka dijeni si funksionon, përfshirë edhe CAS-in. Është e papranueshme që CAS të mos marrë në konsideratë raportet shkencore të ekspertëve të basteve sportive dhe të ekspertëve sportiv të KF Skënderbeut, të cilët në mënyrë metodike dhe shkencore kane hedhur poshtë çdo argument të ngritur nga UEFA. Mbi të gjitha, është e papranueshme që të mos merren në konsiderate mbi 50 kundër-prova të paraqitura nga pala jonë, kur nga ana tjetër, e gjithë strategjia e inspektorëve të UEFA’s mbështetej mbi dëshmi personash anonim (as identiteti i tyre nuk na është bërë i ditur) ose personash të cilët kanë konflikt të hapur interesi në lidhje me proçesin.
Nuk mund të mos jetë i paracaktuar një vendim për të cilin vendimmarrës janë njerez me lidhje direkte ose indirekte me palën akuzuese. Në lidhje me këtë, KF Skënderbeu kishte bërë kërkesë për perjashtimin e kryetarit të trupës arbitrale, i cili, në mënyre të shprehur kundershtonte kerkesën tonë, në një kohë kur detyrimi i tij deontologjik është terheqja nga gjykimi i çështjes në rast të kërkimit të argumentuar të njërës prej palëve. Është e qartë që emerimi i ketij personi ka qënë në funksion të mbrojtjes së interesave të inspektorëve të UEFA’s dhe personave të lidhur më këtë institucion. Në kushtet kur 2 nga 3 arbitrat e çështjes kanë qënë të mandatuar për të mbrojtur njërën palë, i vetmi konkluzion logjik është parapërcaktimi i rezultatit final.
Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasade dhe mburojë e një sistemi të kalbur dhe të korruptuar që egziston brënda institucioneve të qeverisjes sportive.
Në keto kushte, me vetëdijen që beteja ligjore në këtë sistem drejtësie është e kotë, bëjmë me dije se, pas konsultimit me perfaqesuesit tanë ligjore, brënda muajit Korrik 2019, KF Skënderbeu do të paraqesë rekurs pranë Gjykatës Federale Zvicerane kundër vendimit të CAS datë. 12.07.2019. Duke qënë të bindur mbi pafajësine tonë, ruajmë besimin se e drejta do të vihet në vënd.
Së fundmi, bëjmë me dije sportdashësit dhe mbështetësit tanë se KF Skënderbeu do të vazhdojë aktivitetin e tij më të njejtin përkushtim, vizion dhe ambicie për të arritur rezultate edhe më të mira se ato të sezoneve të shkuara.
Kujtojmë se CAS ditën e djeshme la në fuqi dënimin e dhënë nga UEFA më 29 mars të vitit 2018, që dënon Skënderbeun me 10 vjet pezullim nga Kupat e Europës si dhe një gjobë prej 1 milion euro.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Futbolli italian është zgjuar në ankth pas lajmeve jo të mira shëndetsore për trajnerin e Bolonjës, Sinisha Mihajloviç.Ky është një lajm shumë i keq që k...
TIRANË- Një “bombë” në shtëpinë e Skënderbeut. Vendimi i sotëm ka tronditur pa masë korçarët, por presidenti Ardjan Takaj gjen kurajo për të vazhdua...
UEFA ka reaguar pas vendimit të CAS-it, i cili ka në fuqi dënimin me 10 vite për Skënderbeun. Në një deklaratë për mediat qeveria e futbollit në Evropë është sh...
Gjykata e Arbitrazhit Sportiv në Lozanë, CAS ka dhënë vendimin përfundimtar, duke refuzuar apelimin e klubit të Skënderbeut. CAS la në fuqi dënimin e dhënë nga ...
Mesfushori italian Marco Verratti njihet për spektaklin që dhuron në fushë, por spektakli që ka dhuruar me romancën e tij me ish-kamarieren seksi tashmë model...
Sulmuesi Armando Broja i Kombëtares Shpresa është duke kaluar një moment të shkëlqyer me klubin e Çelsit U-23.18-vjeçari në përballjen e djeshme n...
“Telenovelës Griezmann” me sa duket po i vjen fundi. Mediat ndërkombëtare nuk kanë më dyshime për të ardhmen e tij. Sipas tyre Barcelona është klubi i cili ditë...
Kanë përfunduar ndeshjet e skuadrave shqiptare në Europa League. Një barazim dhe një humbje ky ishte bilanci i ndeshjeve të para në eleminatoret e këtij kompeti...
Arsenal ofron tre lojtarë dhe plus cash për të joshur Wilfried Zaha nga Crystal Palace.Klubi i Arsenal ka dështuar në ofertën e parë që i bëri klubit të Crystal...
TIRANË- Partizani ka marrë sot një barazim të merituar ndaj skuadrës së Qarabakut e vlefshme për eleminatoret e Champions League. Të kuqtë që në pjesën e p...
