Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Vendimi i Presidentit të Republikës, Ilir Meta, për anulimin e zgjedhjeve të 30 qershorit, njihet nga gjysma e bashkive në të gjithë vendin. Mengjesin e sotem, ne liste eshte shtuar edhe Bashkia e Klosit.
Pavarësisht se Komisioni Qendror i Zgjedhjeve ka vendosur të mos njohë dekretin e Presidentit Meta për zgjedhjet vendore, bashkitë e drejtuara me përfaqësues të zgjedhur nga radhët e opozitës kanë kërkuar anulimin e procedurave të nisura për zhvillimin e zgjedhjeve.
Përmes shkresave të firmosura nga vetë kryetarët e bashkive, Komisionit Qendror të Zgjedhjeve i është kërkuar të bëjë lirimin e ambienteve, nën administrimin e këtyre bashkive të planifikuara për t’u shfrytëzuar si KZAZ, si dhe ndërprerjen e afishimit të listave të zgjedhjeve në qendrat e votimit.
Shkresat janë firmosur nga 16 drejtuesit e bashkive, që në zgjedhjet e vitit 2015 u zgjodhën nën logon e Partisë Demokratike. Vendimit të kolegëve të tyre iu bashkuan edhe 9 kryebashkiakët e LSI-së në të gjithë vendin dhe kryebashkiakët e PDIU-së në Peqin dhe Rrogozhinë.
Tashmë beteja institucionale e nisur në Tiranë duket se do të transferohet në rrethe, ku zyrtarët lokalë mund të shkojnë drejt përplasjes pas urdhrave të lëshuara për lirimin e ambienteve të parashikuara për zhvillimin e zgjedhjeve. Nëse maxhoranca nuk do të tërhiqet nga zhvillimi i zgjedhjeve në 30 qershor të paktën në 26 bashki të vendit, procesi zgjedhor rrezikon të ketë probleme të forta.
LETRA
Kryebashkiakët e 26 qyteteve në të gjithë vendin, pasi janë lëshuar urdhrat për anulimin e procedurave të nisura për përgatitjen e zgjedhjeve, iu drejtuan me një letër të përbashkët Kryeministrit Rama. Në letrën e tyre, kryebashkiakët i kërkonin kreut të qeverisë të mos thellohej në paligjshmëri dhe të respektonte dekretin e Presidentit Meta të publikuar në Fletoren Zyrtare.
“Zoti Kryeministër! Je kokë e këmbë në paligjshmëri! Qeveria e drejtuar prej teje ka botuar në Fletoren Zyrtare dekretin e Presidentit. Siç mund ta dish fare mirë, në Fletoren Zyrtare publikohen aktet ligjore të detyrueshme për zbatim në Republikën e Shqipërisë. Mos u lodh me urdhra pa vlerë që nxisin militantët e tu në KQZ të na kërcënojnë me ndjekje penale, sepse, për sa kohë nuk ekziston një datë zgjedhjesh, as zgjedhjet nuk ekzistojnë. Kushdo që vepron ndryshe, është në paligjshmëri! Zoti Kryeministër, kur Presidenti të shpallë një datë të re zgjedhjesh, atëherë gatishmëria jonë për respektimin e ligjit do të jetë, si gjithmonë, maksimale. Hallin e datës 30 nuk ta zgjidhim dot ne! Je që je kot dhe sillesh nëpër Shqipëri si qyfyrexhi, jepi urdhër KQZ-së të shpallë menjëherë nisjen e negociatave me BE-në”, thuhej në letrën e kryebashkiakëve.
KËRCËNIMI
Komisioni Qendror i Zgjedhjeve paralajmëroi të gjithë kryebashkiakët që kërkuan lirimin e ambienteve, në të cilat do të mbahen zgjedhjet e 30 qershorit të mos kryejnë asnjë veprim antiligjor pasi do të paditen penalisht. Në një deklaratë për mediat, zëdhënësja e KQZ-së, Drilona Hoxhaj, theksoi se kërkesat e kryebashkiakëve janë në shkelje flagrante të Kodit Zgjedhor.
“Komisioni Qendror i Zgjedhjeve vlerëson se këto kërkesa dhe veprime janë në shkelje flagrante të dispozitave të Kodit Zgjedhor, parimeve të përgjithshme të tij dhe i ngarkojnë kryetarët e këtyre bashkive me përgjegjësi penale dhe administrative sipas legjislacionit në fuqi në Republikën e Shqipërisë. KQZ i Zgjedhjeve i bën thirrje dhe kërkon reflektimin të menjëhershëm për të mos penguar apo cenuar punën e KZAZ-ve në përmbushje të përgjegjësive dhe detyrave të tyre. KQZ, në përmbushje të detyrës dhe përgjegjësive të tij, do të ndërmarrë veprimet sipas përcaktimeve të ligjeve në fuqi, për të shmangur çdo pengesë apo qëndrim që tenton të cenojë mbarëvajtjen e procesit zgjedhor të datës 30 qershor 2019”, tha Hoxhaj. Pas kësaj deklarate, kreu i KQZ-së, Klement Zguri, sqaroi se deklarata e zëdhënëses së KQZ-së ishte vetëm opinioni i katër anëtarëve të PS-së.
BASHKITE E DREJTUARA NGA OPOZITA
PD
BASHKIA KAMZË
Xhelal Mziu
BASHKIA VAU I DEJËS
Zef Hila
BASHKIA SELENICE
Përparim Shametaj
BASHKIA SHKODËR
Voltana Ademi
BASHKIA DROPULL
Ahilea Deçka
BASHKIA POGRADEC
Eduart Kapri
BASHKIA VORË
Fiqiri Ismaili
BASHKIA MAT
Nezir Rizvani
BASHKIA KLOS
Basir Çupa
BASHKIA DEVOLL
Bledjon Nallbati
BASHKIA LEZHË
Fran Frrokaj
BASHKIA PËRMET
Niko Shupuli
Bashkia Tropojë
Besnik Dushaj
BASHKIA MALLAKASTËR
Agron Kapllanaj
BASHKIA KUKËS
Bashkim Shehu
Bashkia KLOS
LSI
BASHKIA SKRAPAR
Nesim Spahiu
BASHKIA KUÇOVË
Selfo Kapllani
BASHKIA BULQIZË
Melaim Damzi
BASHKIA PËRRENJAS
Miranda Rira
BASHKIA GJIROKASTËR
Zamira Rami
BASHKIA CËRRIK
Altin Toska
BASHKIA DELVINË
Rigels Balili
BASHKIA BERAT
Petrit Sinaj
PDIU
BASHKIA PEQIN
Saimir Hasalla
BASHKIA RROGOZHINE
Beqir Nuredini
Me një kërkesë, KQZ-së i është drejtuar edhe kryetari i Bashkisë së Matit, Nezir Rizvani, i cili kërkon lirimin e menjëhershëm të ambienteve të pallatit të Sportit “Ferit Hysa” në Burrel.
Me kërkesë, KQZ-së i janë drejtuar kryetari i Bashkisë së Kavajës, Isa Sakja, kryetari i Bashkisë së Delvinës, Rigels Balili, kryetari i Bashkisë së Skraparit, Nesim Spahiu, ai i Lezhës, Fran Frrokaj si ajo e Gjirokastrës, Zamira Rami.
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ministria e Brendshme ka hedhur poshtë denoncimin e publikuar sot nga ish-kryeministri Sali Berisha, se njëri nga truprojat e kryeministrit Edi Ram...
Ish-deputeti i Partisë Demokratike, Ervin Salianji thotë se kryeministri Edi Rama ka anuluar takimin e programuar në Devoll përpara Bashkisë Devoll. Sipas ish-d...
Pak ditë nga vendimi i Këshillit të Europës për hapjen e negociatave mes Shqipërisë dhe BE, shanset sa vijnë dhe bëhen më të vogla. Reuters shkruan se Shqipëria...
TIRANE– Kryetari i Grupit Parlamentar të Partisë Socialiste, Taulant Balla deklaroi se kryetarët e bashkive të opozitës që do të pengojnë zhvillimin e zgj...
KAVAJË– Ish-kryeministri Sali Berisha ka bërë një denoncim në rrjetet sociale ku shkruan se disa persona në Luz Të Vogël në Kavajë janë arrestuar pasi kanë...
TIRANË- Bledar Skënder, anëtar i Komisionit Qendror të Zgjedhjeve ka komentuar akuzat në drejtim të këtij institucionit pas vendimit për t’a shpallur të pa...
Manuel Sarrazin është raportuesi për Shqipërinë në Bundestagun gjerman dhe në intervistën për ‘Deutsche Welle’ është pyetur edhe për kontaktet e Vangjush Dakos,...
KOSOVË- “E kam shef Edi Ramë”, kjo është fjalia me të cilën sipas kryeministrit të Kosovës, Ramush Haradinaj, i është përgjigjur ish-ministri i...
TIRANË- Ish-kryeministri Sali Berisha ka bërë lëmsh mediat dhe rrjetet sociale me publikimin e një denoncimi të rremë. Berisha postoi mesazhin e një qyteta...
KOSOVË- Kryeministri i Kosovës, Ramush Haradinaj, i ftuar në emisionin “Interaktiv” në televizionin Koha Vizion, ka folur për përplasjet me kryeministrin e...
