Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
Çmimet në bujqësi/ Braçe interpelancë me Krifcën, deputeti: Bujku s’nxjerr dot fitim
10 Shkurt 2022, 10:30Nga DOSJA
TIRANË– Ditën e sotme në Kuvendin e Shqipërisë u zhvillua interpelanca mes ministres së Bujqësisë Frida Krifca dhe deputeti i Partisë Socialiste Erion Braçe. Inteperalanca u kërkua nga Braçe për rritjen e çmimit të produkteve bujqësore, problem që sipas tij prek shumë fermerët shqiptarë. Deputeti tha se një bujk shqiptar nuk po arrin që të nxjerrë dot as fitimin minimal, duke shtuar se ekonomia është rritur mirëpo bujqësia jo. Kjo sipas tij është pabarazi.
“Në tre mujorin e 2021 ekonomia u rrit, kurse bujqësia 0,01% , tremujori i 6.99%, bujqësia 0,05%. ekonomia është rritur, por jo bujqësia. Kjo është pabarazi, rritja ekonomike me pabarazi në kosto është iluzion. Në bujqësi është e rëndësishme çmimi i produkteve. Një bujk nuk do të nxjerrë as pagën minimale”-tha ndër të tjera Braçe.
REPLIKAT:
Braçe: Kur domatja del me 65 lekë nga Lushnja dhe Divjaka dhe vjen e shitet me 2 mijë e 500 lekë, 3 mijë lekë, këtu, 150 metra larg parlamentit. Nëse ne taposim tregun me çmime të larta pa dyshim që produkti do të ngelet në pemë do të hidhet poshtë dhe do të përfundoijë në kanal ose do të behët salcë. Së dyti skema e TVSH-së që ju miratuat në dhjetor, po ju them unë tani që çdo shitje nga sera deri atje matanë është informale. Ky treg është treg pafiskalizuar. Nuk ka një faturë të fiskalizuar nga sera deri në shitje. Nëse nuk ka një faturë të shoqërojë zinxhirin e produktit që nga prodhimi në shitje, abuzimi është marramendës. Nga 65 lekë deri në 250 lekë është disa fish duke e detyruar konsumatorin të ulë konsumin e tij. Duke uluar ai konsumin prodhimin mbetet në sera, shkojmë shohim bashkë si janë sera plotë. E treta që është shumë e rëndësishme është humbja e krahut të lirë të punës, këta djem që pounojnë në bujqësi dhe nuk fitojnë asgjë ju bie më lirë të punojnë murator me 40 euro në ditë sesa të meren me bujqësi. Nëse doni pleq në bujqësi as ata nuk do t’i keni për shkak të moshës biologjike.
Ministrja Krifca deklaroi se buxheti që është vënë në dispozicion nga qeveria shqiptare për fermerët është më i larti që është akorduar më parë. Ajo tregoi, se në mbledhjen e qeverisë kanë miratuar skemën kombëtare të mbështetjes për bujqësinë e cila sipas saj do të mbështesë fermerët që prodhojnë në sera mesatarisht nga 20% deri në 40% të kostove të tyre të inputeve si fara, fidanë apo inpute të tjera të nevojshme për procesin e prodhimit.
Krifca: Buxheti i vënë në dispozicion në mbështetje të drejtpërdrejtë, është më i larti i akorduar ndonjëherë pas vitit 1991, me 3.2 miliardë lekë duke mos llogaritur këtu edhe fondet e IPARD të cilat për këtë vit pritet të injektojnë jo më pak se 27 milionë euro në sektor. Në mbledhjen e qeverisë dje, kemi miratuar VKM 101 për skemën kombëtare të mbështetjes për bujqësinë të cilën e kemi konsultuar gjerësisht me aktorët e sektorit.Për herë të parë do të mbështeten fermerët të cilët prodhojnë në sera mesatarisht nga 20% deri në 40% të kostove të tyre të inputeve si fara, fidanë apo inpute të tjera të nevojshme për procesin e prodhimit. Sistemet e prodhimit në serra janë ato të cilat kanë edhe kosto më të larta inputeve, pra edhe ato që ndikohen më shumë nga kjo rritje çmimi.Mbështetja jonë do të shkojë dhe tek ndërtimi i serrave diellore duke ndikuar ndjeshëm në shtimin e sipërfaqeve të reja. Njëkohësisht do të vazhdojmë të mbështesim me naftë falas fermerët për të ulur kostot e punimeve të mekanizuara në kulturat dhe ne përdorimin me efektiv të tokës bujqësore dhe rritjen e sipërfaqes se kultivuar. Efekti i pritshëm është të dyfishojmë numrin e përfituesve të vitit të kaluar. Do vijojmë të mbështesim blegtorinë e bletarinë për të ulur kostot e prodhimit dhe rritur numrin e krerëve.
Në fund të interpelancës, Braçe komentoi në rrjetin social ‘Instagram’ duke ndarë mendimin për atë që ndodhi. Sipas tij gjuha që u përdor në Kuvend ishte e dy njerëzve që flasin gjuhë të ndryshme ndaj nuk kuptohen.
POSTIMI NË INSTAGRAM:
FLASIM DY GJUHE TE NDRYSHME, NDAJ NUK KUPTOHEMI! Une gjuhen e tregut te lire te imputeve bujqesore-farera, fidane, PLEHRA KIMIKE, autoritetit te Konkurences, BUJQVE qe po e pesojne dhe, QEVERIA gjuhen e komisionit te regjistrimit te PLEHERAVE dhe tregetareve qe po pasurohen! Ndajeni mendjen; Ose me tregtaret oligopolist. ose me popullin e bujqesise! Nuk duam cmime te ULTA apo TE LARTA apriori; DUAM CMIME TE DREJTA PER BUJQIT!
TIRANË- Ish-kryeministri Sali Berisha ka kërkuar në sallë pasardhësin e tij në detyrë, Edi Rama pasi dëshironte që t’i kërkonte llogari për skandalin...
TIRANË– Kryetari i Komisionit Qëndror të Zgjedhjeve, Ilirjan Celibashi deklaroi ditën e sotme se institucioni po vijon verifikimet e dokumentacionit ...
TIRANË– Ministrja për Shtetin Elisa Spiropali përmendi nga foltorja e Kuvendit ardhjen e prokurorëve belgë. Ajo tha se ata nuk kanë faj që vijnë në S...
TIRANË- Më sallën e Kuvendit të Shqipërisë vazhdojnë debatet për zgjatjen e afateve për organet e Vettingut, kur të vetmit që kanë deklaruar votën kundër j...
TIRANË– Ish-kryeministri Sali Berisha ka replikuar në Foltoren e Kuvendit me deputetin e Partisë Demokratike, Ervin Salianji për votimin e sotëm për ...
TIRANË– Ish-kryeministri Sali Berisha dhe deputeti i Partisë Demokratike Ervin Salianji janë përplasur ashpër në sallën e Kuvendit. Ishte lideri hist...
TIRANË– Ministria për Marrëdhëniet me Parlamentin, Elisa Spiropali dhe ish-kryeministri Sali Berisha janë përfshirë në replika të ashpra në Foltoren ...
Lulzim Basha: E kuptojmë ankthin e tyre, Dibra është një krim, ky që i promovonte hajdutit të votave të Dibër promoviminm është promovuar vetë, është bërë mini...
TIRANË– Ministri i Drejtësisë, Ulsi Manja nuk i ka kthyer përgjigje asnjë prej pyetjeve që i ka bërë ish-kryeministri Sali Berisha lidhur me Vettingu...
TIRANË– Ish-kryeministri Sali Berisha dha sot një prononcim për gazetarët para se të hynte për të diskutuar në sallën e Kuvendit. Por teksa fliste pa...