Politike

Koncesioni i check up-it në SPAK, PD akuza për Beqajn, Manastirliun dhe Vilma Nushin: Kanë lejuar shkelje të kontratës

  • Kallëzimi i PD për check up-in, reagon SPAK
  • PD shkruan në kallëzim se e konsideron këtë koncension si më korruptivët e qeverisë “Rama”, dhe ka kallëzuar më shumë se 10 persona, duke përfshirë ish-ministrin Ilir Beqaj, ministren Ogerta Manastirliu dhe përfituesen e koncesionit Vilma Nushi.
    Featured image of article: Koncesioni i check up-it në SPAK, PD akuza për Beqajn, Manastirliun dhe Vilma Nushin: Kanë lejuar shkelje të kontratës Partia Demokratike, kallëzimi, Ogerta Manastirliu, Ilir Beqaj dhe Vilma Nushi

    TIRANË- Partia Demokratike ka dorëzuar sot në SPAK një kallëzim penal për koncesionin e check up-it që është dhënë nga Ministria e Shëndetësisë. PD shkruan në kallëzim se e konsideron këtë koncesion si më korruptivët e qeverisë “Rama”, dhe ka kallëzuar më shumë se 10 persona, duke përfshirë ish-ministrin Ilir Beqaj, ministren Ogerta Manastirliu dhe përfituesen e koncesionit Vilma Nushi.

    Kallëzimi i PD

    Sipas PD mbi të paditurit rëndojnë 7 akuza dhe sipas tyre SPAK duhet të hetojë nga korrupsioni aktiv dhe pasiv, shpërdorimi i detyrës deri tek përfitimi i paligjshëm. Në kallëzim evidentohet se Ministria e Shëndetësisë ka shkelur procedurat ligjore për shpalljen e fituesit dhe lidhjen e kontratës, si dhe ka shpallur fitues ofertuesin me çmimin më të lartë, duke sjellë dëm të lartë financiar për Buxhetin e Fondit të Sigurimit të Detyrueshëm Shëndetësor.

    Për më shumë bëhu pjesë e grupit më viral në Facebook, Dosja.al
    Kallëzimi i PD

    Sipas provave të administraura rezulton se Ministria e Shëndetësisë, ka pasur ngut të pashpjegueshëm për të përfunduar, në mënyrën e parapërcaktuar, këtë procedurë koncesionare. Ajo ka prezumuar mungesën e ankimit nga operatorët e tjerë, fakt ky që provon se e gjithë procedura koncesionare ka qenë fiktive dhe fituesi ishte paracaktuar. Kjo nuk kryhet vetëm si pasojë e paaftësisë, por ka në bazë një interes financiar dhe ekonomik, që i detyron të mos kryejnë detyrën funskionale dhe duke lejuar shkeljet e jashtëzakonshme të kontratës.”,- thuhet në kallëzimin e firmosur nga Sekretari i Përgjithshëm i PD Gazment Bardhi.

    (A.B. Dosja.al)

    Shto Koment