Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË- D.B ka vetëm pak kohë, që është zhvendosur në Tiranë nga një qytezë e vogël në juglindje të vendit.
Para disa ditësh ajo duhej të takonte mjekun e familjes dhe të bënte disa vizita mjekësore, por nuk arriti të gjejë veten të regjistruar në qendrën shëndetësore së cilës i takon.
Ajo vijon të jetë e regjistruar në qendrën shëndetësore të qytezës së saj, pavarësisht se pas këtij “incidenti” tërhoqi fizikisht edhe kartelën mjekësore.
Rregulloret janë të qarta në këtë pikë. R.K mjek në një nga qendrat shëndetësore në kryeqytet I tha gazetës “Si “ se :
“Mjekët në të gjithë vendin komunikojnë me njëri-tjetrin përmes sistemit online. Të dhënat (emrat) e pacientëve hidhen online. Dhe kur një pacient zhvendoset nga një qytet në një tjetër, nga një qendër shëndetësore te një tjetër, automatikisht të dhënat janë të aksesueshme përmes këtij sistemi.”, – shpjegon ai, ndërsa shton se “ajo çfarë ndodh është, që shumë mjekë nuk i hedhin online të dhënat e pacientit”.
Por marrëdhënia mjek-pacient nuk është kaq fjollë në terren, madje në disa raste janë ngritur mbi skema mashtrimi dhe pacientët nuk çrregjistrohen enkas.
R.K, thotë se “Diçka e tillë ndodh sidomos nëpër rrethe e sidomos, me atë që kemi vënë re nga përvoja, me zonën e Korçës.
Kjo, sepse mjekët e familjes paguhen sipas numrit të pacientëve që kanë, që do të thotë, sa më pak pacientë, aq më e vogël pagesa, sa më shumë pacientë, aq më e lartë pagesa.
Në këtë mënyrë, për t’u paguar pak më tepër, për të mos iu pakësuar pagesa, ata nuk i kalojnë të dhënat e pacientëve online, edhe në ato raste kur kartelën ia japin fizikisht pacientit.”,- shpjegon mjeku.
Megjithatë, ky nuk është i vetmi problem dhe nuk është arsyeja e vetme se pse, për shumë pacientë nuk mund të gjenden të dhënat online.
R.K pohon se ka raste nga më të ndryshmet dhe ka dhe nga ata mjekë, që kanë vështirësi në aksesin e sistemit online përmes internetit.
Ndërkohë, që disa mjekë të tjerë kanë një ngarkesë vërtet të madhe e për shkak të mungesës së mjekëve në zona të caktuara mbulojnë në të njëjtën kohë dy apo më tepër qendra shëndetësore.
Për arsye të ndryshme, jo rrallë herë, pacientët ndjehen të pakënaqur nga shërbimi që marrin.
“Ligjërisht, pacientët kanë të drejtë të zgjedhin vetë mjekun e tyre të familjes: atë që sipas tyre është më i miri, që ofron më tepër shërbim apo iu qëndron pranë etj. Por në realitet një gjë e tillë nuk ndodh.”,- pohon R.K.
“Disa pacientë me sëmundje të caktuara kanë pakënaqësi dhe janë ankuar, por një ‘konflikt’ i tillë mund të zgjidhet vetëm përmes Fondit të Sigurimit të Detyrueshëm të Kujdesit Shëndetësor.”, vijon mjeku.
Ndërsa për L.S., një tjetër mjek në një nga qendrat shëndetësore në Tiranë, konflikte të tilla zgjidhen nga kontrata e punës që kanë mjekët dhe në bashkëbisedim me pacientin, porse, sipas tij, nuk është se ka probleme përsa i përket këtij raporti.
“Nëse dikush transferohet nga një qendër shëndetësore në një tjetër, transferimi bëhet lehtësisht. Kartela, historiku i pacientit merret fizikisht dhe online transferohen vetëm emri dhe mbiemri i pacientit”,– shprehet ai, ndërsa vëren se në ato raste kur ka pasur probleme me transferimin e kartelave të ndonjë pacienti, ose më saktë emrit të tij, që nuk figuron në sistem, “kjo mund të ketë ndodhur për shkak të ndonjë bllokimi në elektronikë.”
Problemet më të mëdha, megjithatë, sipas tij, nuk vijnë nga sistemi, por nga vetë njerëzit.
“Nëse ka njerëz që nuk dinë përshembull se cilën mjek familjeje kanë, mund ta mësojnë diçka të tillë duke kontaktuar në numrin jeshil. Disa prej tyre nuk e bëjnë diçka të tillë dhe ka nga ata që janë të papërgjegjshëm”,– komenton ai.
Disa ditë më parë, ministrja e Shëndetësisë, Ogerta Manastirliu ju drejtua publikut se nëse dikush nuk e di se kë ka mjek familjeje mund ta mësojë diçka të tillë shumë lehtësisht, duke telefonuar në numrin 0800 40 40.
Mjeku i familjes mund të mësohet edhe nëpërmjet faqes online të Fondit të Sigurimit të Detyrueshëm të Kujdesit Shëndetësor.
Të interesuarit mund të klikojnë në rubrikën “e-shërbime” e më pas në pjesën “kliko mjekun”, duke vendosur të dhënat e kartës së identitetit.
Mjeku i familjes është shumë i rëndësishëm sepse ai është portën e parë, për të marrë shërbim shëndetësor për çdo pacient.
Sipas mjekes Z.SH., marrëdhëniet mjek- pacient duhet të bazohen në rregulloren , e cila është e afishuar në çdo qendër shëndetsore, por jo rrallë herë ka pasur probleme edhe për shkak të mungesës së informacionit mbi të drejtat dhe përgjegjësitë e pacientit, “gjë që në raste të caktuara ka çuar dhe në veprime të gabuara, duke u fokusuar tek grindjet dhe kalimin në plan të dytë të sëmundjes.”
Tani që vala e dytë e pandemisë së COVID-19 ka trokitur me rritje eksponenciale të të infektuarve Shqipëria kë ndryshuar strategji. Mjeku I famlijes do të jetë skalioni I parë që duhet të pres goditjen e valës për të prekurit më lehtë që mund të kurohen nga shtëpia. Kjo rrugë është e vlefshm edhe në kohë të tjera për të mos e shtyrë presion tek spitalet dhe shmangur krizën e shtretërve. Por a mund t’ia dalin?! A i njeh mjeku I familjes gjithë historikun e pacientit, a mund të orientohet ai drejtë në receta megjithës e ka një protokoll. A mund ta marrë ai shepejt ndihmën kur gjendja nuk ta premton luksin e kohës? Në qendrat shëndetësore kuptuam se është e vështirë ta thuash me gojën plotë.
Marrë nga: GazetaSi
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
VLORË-Në ngjarje e rëndë ka ndodhur ditën e sotme në fshatin Bordh të qarku Vlorë. Burime për Dosja. al bëjnë me dije se një 61-vjeçar teksa vilte ...
FIER– Kryeministri Edi Rama ka arritur të mbyllë përfundimisht grevën e naftëtarëve të Ballshit. Pas një takimi të dytë, të zhvilluar në ambientet e Bashkisë Fi...
FIER- Kryeministri Edi Rama ka nisur takimin me përfaqësinë e naftëtarëve për marrëveshjen. Takimi po zhvillohet në ambientet e bashkisë. Në fokus të këtij taki...
BERAT– Konfirmimi me dy raste pozitive i 2 kujdestareve në Qendrën e Zhvillimit Rajonal në qytetin e Beratit, ka sjellë pezullimin e punës. Burime për Dosja.al ...
TIRANË– Dosja, e cila po heton tjetërsimin e një sipërfaqeje toke në Dhërmi, mbi të cilën është ndërtuar kompleksi turistik “Ambel Beach”, ka përfunduar në...
TIRANË– Ministria e Shëndetësisë dhe Mbrojtjes Sociale ka bërë me dije se brenda 24 orëve të fundit kanë ndërruar jetë 7 persona të prekur nga pandemia e k...
Gjendja e Arqipeshkovit të Tiranë-Durrës-it, Imzot George Frendo paraqitet e qëndueshmen pas infektimit më Covid-19. Ai u dërgua në Itali për kurim për shkak se...
TIRANË– Pak javë nga hapja e Rrugës së Durrësit ajo do mbyllet sërish këtë fundjavë. Duke nisur nga ora 22:00 e së premtes, 13 nëntor, e deri në orën...
TIRANË– Gjatë 24 orëve të fundit policia ka ndëshkuar me gjobë 692 qytetarë të cilët lëviznin në rrugë pa maskë, si dhe janë ghobitur 9 administrator...
KORCË– Një aksident ka ndodhur në qytetin e Korcës ku për pasojë makina ka përplasur një grua dhe një fëmijë.Ngjarja ka ndodhur në lagjen 6 të qytetit, ndë...
