Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Letra e Presidentit Ilir Meta dërguar kreut të KE-së, Oliver Varhelyi, të cilin e paralajmëronte për thellimin e krizës politike ka futu në sherr edhe dy gazetarët, Andi Bushatin dhe Muhamed Veliun. Ky i fundit ishte i pari që e publikoi letrën e Presidentit drejtuar KE-së, në një kronikë në Top-Channel, televizioni ku edhe punon. Pas bërjes publike të letrë në kronikë, portali Lapsi.al, i drejtuar nga Andi Bushati dhe Armand Shkullaku, kanë nisur sulmet ndaj Top Channel dhe gazetarit Muhamed Veliu, teksa shkruajnë se përdoren dhe paguhen nga kryeministri Edi Rama. Ndër rreshta Lapsi.al shkruan se gazetari Muhamed Veliu ‘herë shërben si rrogtar i qeverisë, dhe herë paguhet si reporter i pavarur.’
Edi Rama nuk ka shkuar dot shumë më larg se akuza e përsëritur pa pushim në këto 30 vjet, se “armiqtë e pushtetit” pengojnë integrimin perendimor të vendit. Refrenin që e ka përsëritur Sali Berisha i parë kundër Fatos Nanos, Gramoz Ruçit dhe Servet Pëllumbit, se janë kundër Natos dhe pranimit në Këshillin e Europës, atë që ka rimarë Berisha i dytë kundër Ramës se është kundër liberalizimit të vizave, pasi bën protesta dhe kundër hapjes së negociatave që i mban peng me qarkun e Fierit, po e përsërit edhe kryeministri aktual kundër presidentit të republikës. Rama ka bërë sot një shënim në Twitter: “Për herë të parë që nga krijimi i Bashkimit Europian një president çon letra në Bruksel për të minuar urën mes Europës e vendit të tij! Për herë të parë në historinë e zgjerimit të BE një vend kandidat ka Brukselin PRO dhe Presidentin e vet KUNDËR vendit e KUNDËR vetë Brukselit”. Në fakt, “revolta xhenuine” e kryeministrit u përgatit nga një skenar i nisur me kujdes. Dje në një kronikë të Top Channel hiqej paralelja mes shqetësimit dramatik të Metës dhe faktit se ajo bëhej vetëm një ditë pasi komisioni Europian propozoi çeljen e negociatave mes BE dhe Shqipërinë. Dhe si për çudi ‘zbulimin” e saj e kishte bërë një gazetar si Muhamed Veliu (shiko poshte), që herë shërben si rrogtar i qeverisë, dhe herë paguhet si reporter i pavarur. Pasi ky skandal u mbars e gjithë rilindja u hodh në sulm me slloganin e armikut që do të pengojë intergrimin. Pas kësaj zhurme presidenca botoi letrën e plotë me nxjerrjen në dritë të së cilës u vunë re dy gjëra. Së pari, se presidenti, ndryshe nga çakuzohej e kishte kërkuar shkurt dhe shkoqur hapjen e negociatave: “Mbetem shpresëplotë që vendet anëtare të mbështesin rekomandimin tuaj për çeljen e negociatave gjatë këtij muaji, duke marrë parasysh edhe metodologjinë më rigoroze, e cila siguron një proces më të prekshëm dhe më të qëndrueshëm të reformave të nevojshme.” thuhej në letër, në atë paragraf që Meta e lexoi tre hetë me radhë, kur doli në konferencë për shtyp. Së dyti, as akuza se letra e zezë u bë nga marazi pasi Komisioni Europian dha një rekomandim pozitiv, nuk qëndron. Natyrisht teksti drejtuar në adresë të komisionerit për fqinjësinë dhe zgjerimin, Oliver Varhelyi erdhi në kohë pas dokumentit për çeljen e negociatave, por pikërisht se ai lidhej me një interpretim të konfliktit lokal për zgjedhjen e gjykatësve kushtetues. Presidenti i sqaronte komisionerit qëndrimin e tij për këtë çështje. Aq e vërtetë është kjo sa edhe në sqarimin që zëdhënësja e BE, Ana Pisonero, bëri për Agjensinë Telegrafike Shqiptare, ajo konfirmoi se thelbi i letrës ishte për gjykatën kushtetuese: “Presidenti Meta i është drejtuar me një letër Komisionerit Várhelyi ku ai shpjegon se ka respektuar ligjin në çdo gërmë të tij për sa i përket radhës së ndjekur për emërimet e gjyqtarëve në Gjykatën Kushtetuese” deklaroi ajo duke shtuar se BE pret verdiktin e Venecias dhe nuk përzihet në këtë mosmarrëveshje lokale. Pra , sikurse shihet nuk ka asgjë të vërtetë në akuzat se Ilir Meta po përpiqet të pengojë hapjen e negociatave. Por me sa duket propaganda e Ramës ka mbetur aq keq, sa do të shfrytëzojë metodat që Berisha përdorte vite më parë dhe gazetarë si Muhamed Veliu.
Pas këtij shkrimi, ka ardhur edhe reagimi i gazetarit muhamed Veliu. Në një status në rrjetet sociale, Veliu shkruan se Andi Bushati, drejtuesi i Lapsi.al, që e akuzon Top-Channel si të blerë nga kryeministri Edi Rama, punon edhe vetë aty. Veliu shton se Bushati në vend që të bëjë avokatin e Presidentit Meta duhet të gjejë një avokat për vete, pasi sipas tij, ‘mbase ka afruar dita kur SPAK mund t’ja dërgojë një pusullë tek zyrat afër TVSH ku një m2 kushton 3.000 euro’.
“Tavarish Andi, Ilir Meta s’ka nevojë për avokaturën tënde, kujdes nga SPAK… Tavarish Andi Bushati i cili merr edhe një rrogë në të njëjtin televizion ku unë punoj, përmes lapsit të tij të thyer, lëshoi helmin e radhës ndaj meje dhe Top Channel, duke marrë rolin e avokatit presidentit Ilir Meta. Kjo është unike dhe e paparë, të vihesh në shënjestrën e ndryshkur të një personi, që punon part time në të njëjtin televizion sikurse unë. Ata që e njohin më thanë, Met, mos u habit që ai Andi dhjet edhe atje ku han. Tavarish Andi që drejton port-halin më impotent që ka media shqiptare, njësoj si impotenca e tij mendore ngjizur në vilën e bllokut komunist, në vitin 2019 ishte pjesë e një studimi të NATO-s për financimet e dyshimta në median shqiptare. As Andit dhe as port-hales të tij askush nga Presidenca nuk ia kërkoi të bëhet avokat i presidentit, për aq kohë sa i pari i vendit, ka një jurist të shkëlqyer si Bledar Dërvishaj dhe shumë të tjerë që e këshillojnë. Më shumë se sa të bëjë avokatin e pa-kërkuar nga Presidenti, se me gjasë zotit Meta, i mjafton edhe ajo ekstra e Avokates së nderuar të Popullit, Andi Bushati bën mirë, ta mendojë seriozisht gjetjen e një avokati për veten e tij, se ku i dihet mbase ka afruar dita kur SPAK mund t’ja dërgojë një pusullë tek zyrat afër TVSH ku një m2 kushton 3.000 euro. Tavarish Andi, të fala edhe mikut tënd ish- ministër Drejtësie…..Kaq për sot”,- shkruan gazetar Veliu.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Selami Simsek, shtetasi turk i arrestuar dhe dënuar në Shqipëri me 18 muaj për akuzën “Falsifikim i letërnjoftimeve, i pasaportave ose i vizave”, i...
GJERMANI- Policia gjermane në bashkëpunim me homologët e tyre në Norvegji kanë shkatërruar një grup kriminal të trafikonte drogë. Sipas një njoftimi nga Eurojus...
GREQi– Një 48 vjeçar shqiptar i cili jetonte në arrati prej 17 vitesh, është arrestuar ditën e nga policia greke. Sipas mediave vendase ai ishte arratisu...
TIRANË– Një grua rreth moshës 50-vjeç është nisur drejt QSUT për egzaminime pasi dyhsohet se është e infektuar me coronavirus. Sipas burimeve bëhet...
FIER– Një 19-vjeçar, me inicialet Xh.B., nxënës në shkollën “Janaq Kilica” është proçeduar nga policia e Fierit. Sipas njoftimit zyrtar, 19-vje&cc...
SHKODËR– 892 mijë paketa cigare janë sekuestruar në Pikën e kalimit Kufitar të Hanit të Hotit. Sipas njoftimit zyrtar, strukturat doganore kanë ushtruar nj...
ITALI-Oficerët e policisë italiane kanë arrestuar 32-vjeçarin shqiptar, mëngjesin e 3 marsit teksa flinte në një banesë në periferi të Milanos, mëngjesi...
TIRANË- Gazetari Arsen Rusta ka publikuar sot në Facebook, një dokument ku janë kushtet e një prokurimi publik për zgjedhjen e një dhome hoteli për një del...
