Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Claudia Ventura jeton dhe punon prej 20 vjetësh në Los Anxhelos, së bashku me familjen, por ajo nuk ka dokumente amerikane. Zonja Ventura është në mesin e rreth 800 mijë banorëve të Los Anxhelosit të cilëve u mungon statusi ligjor.
LOS ANXHELOS- Los Anxhelosi ka miratuar një status të posaçëm për qytetin që u ofron mbrojtje emigrantëve pa dokumente. Vendimi është përgjigje ndaj zotimit të Presidentit të zgjedhur Donald Trump për dëbime masive kur të fillojë mandatin në janar. Siç njofton korrespondentja e Zërit të Amerikës Angelina Bagdasaryan, urdhëresa nuk do t'i ndalojë zyrtarët federalë të dëbojnë emigrantët pa dokumente, por ajo përforcon zotimin e qytetit për të mbrojtur emigrantët që jetojnë në këtë qytet
Claudia Ventura jeton dhe punon prej 20 vjetësh në Los Anxhelos, së bashku me familjen, por ajo nuk ka dokumente amerikane. Zonja Ventura është në mesin e rreth 800 mijë banorëve të Los Anxhelosit të cilëve u mungon statusi ligjor. Si shumë të tjerë, ajo ndihet e shqetësuar pas fitores së Donald Trumpit në zgjedhjet presidenciale.
“Tani nuk shoh shumë njerëz në rrugë. Ka më pak… Unë mendoj se njerëzit kanë frikë nga dëbimet”, thotë zonja Ventura.
Këshilli i qytetit të Los Anxhelosit miratoi një urdhëresë më 19 nëntor përmes së cilës policia lokale dhe autoritetet shtetërore nuk do të ndajnë informacione mbi statusin e imigracionit të banorëve me autoritetet federale të imigracionit, me përjashtim të rasteve kur ata janë përfshirë në një krim të rëndë.
“Një urdhëresë si kjo dërgon një mesazh shumë të fortë për komunitetin në Los Anxhelos dhe për pjesën tjetër të vendit që këtu, burimet do të përdoren për mbajtjen e komunitetit të sigurt. Kjo do të ruajë besimin që komuniteti ka te udhëheqësit e tij. Kjo nënkupton se qyteti nuk do të arrestojë, apo shkaktojë kaos në komunitetet e tyre”, thotë Jorge Mario Cabrera, aktivist për të drejtat e emigrantëve.
Megjithatë, jo të gjithë në qytet janë dakord me këtë vendim. Mbështetësit e zotit Trump, që sipas rezultateve të zgjedhjeve janë rreth 38% e banorëve, nuk duan që Los Anxhelosi të ketë këtë status të posaçëm për emigrantët pa dokumente.
“Mendoj se është e turpshme. Së pari duhet të kujdesemi për veten tonë. Kur përmendim platformën politike, ‘Amerika e Para’, nuk do të thotë që ju nuk kujdeseni për të tjerët, por thjesht së pari kujdesemi për veten tonë”, thotë Linda Hanna, banore e Kalifornisë.
Prindërit e zonjës Hanna janë nga Meksika. Ata erdhën në Shtetet e Bashkuara në mënyrë të ligjshme. Ajo beson se ata që kanë hyrë në mënyrë të paligjshme duhet të deportohen.
Urdhëresa e Los Anxhelosit do të ketë pak ndikim praktik, pasi që nga viti 1979 qyteti ia ka ndaluar policisë, ose zyrtarëve të imigracionit, të marrin në pyetje një person për statusin e tij të imigracionit.
Statusi i ri i qytetit nuk do të thotë se nuk mund të ketë dëbime. Vendimi thjesht do të thotë që autoritetet lokale nuk do të ndihmojnë zyrtarët federalë të gjejnë dhe dëbojnë emigrantët pa dokumente.
Avokatja e emigracionit Tatyana Edwards-Behar thotë se oficerët federalë do të kryejnë bastisje masive kryesisht nëpër fabrika dhe sektorin bujqësor ku mendohet se ka më shumë gjasa të punojnë emigrantët pa dokumente.
“Unë mendoj se oficerët federalë do të fillojnë me bastisje masive në vend që të kërkojnë dokumente nga kalimtarët e rastësishëm në rrugë. Unë besoj se do të ketë bastisje masive në fabrika dhe në sektorin bujqësor ku, sipas të dhënave zyrtare, ka më shumë gjasa të punojnë emigrantët pa dokumente”, thotë Tatyana Edwards-Behar, avokate e imigracionit.
Aktivisti Jorge Mario Cabrera beson se amnistia është një ide më e mirë sesa dëbimet.
“Ne duhet të këmbëngulim që zgjidhja është legalizimi masiv. Ne duhet të këmbëngulim se ka një mënyrë më të mirë për të trajtuar emigrantët në këtë vend”, thotë zoti Cabrera.
Pas inaugurimit më 20 janar, Presidenti i zgjedhur Trump ka sugjeruar se ai mund të shpallë një emergjencë kombëtare dhe të përdorë personelin ushtarak amerikan në kryerjen e dëbimeve masive, një lëvizje që avokatët e imigracionit janë zotuar ta luftojnë në gjykatë./ VOA
Barnier FRANCË- Kryeministri francez Michel Barnier ka përdorur kompetenca të veçanta për të miratuar një projekt-ligj...
Gaza veriore GAZA- Ushtria izraelite ka vazhduar "agresionin e saj intensiv tokësor, ajror dhe detar në veri të Gazës për 60 dit&e...
Volodymyr Zelenskyy UKRAINË- Presidenti i Ukrainës, Volodymyr Zelenskyy, ka thënë se rimarrja e pjesëve të territorit ukraina...
Annalena Baerbock GJERMANIA- Ministrja e Jashtme e Gjermanisë, Annalena Baerbock, paralajmëroi homologun e saj kinez, se mbështetja e Pekini...
sulmet SIRI- Avionët sirianë dhe rusë kanë nisur sulme ajrore ndaj rebelëve sirianë që po përparojn...
Foto ilustruese ITALI- Sistemi tatimor i Italisë është i padrejtë, në një mënyrë që lejon 7% më të p...
Antonio Guterres GAZA- Shefi i Kombeve të Bashkuara, Antonio Guterres, ka thënë të hënën se situata në Gazë ës...
Foto ilustruese SHBA- Debati nëse bërthama e brendshme e Hënës është e ngurtë apo e shkrirë ka p&eum...
Foto ilustruese FILIPINE- Tre persona kanë vdekur dhe të paktën 32 janë shtruar në spital në Filipine pas...
Netanyahu IZRAEL- Katër izraelitë kanë dalë ditën e sotme në gjyq pasi u arrestuan nën dyshimin se kanë qëllua...
