Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Vetë presidenti Biden pranoi se debati nuk shkoi mirë për të, por ai këmbënguli se ishte gati të luftonte për një mandat të dytë si president.
UASHINGTON – Një ligjvënës demokrat u bë i pari që bëri thirrje publike për presidentin Joe Biden që të tërhiqet si kandidat në zgjedhje, duke thënë se paraqitja e presidentit në debatin përballë ish-presidentit Donald Trump nuk arriti “të mbrojë shumë nga arritjet e tij”.
Ligjvënësi Lloyd Dogget, nga Teksasi, tha në një deklaratë të martën se presidenti Biden “duhet të marrë vendimin e dhimbshëm dhe të vështirë për t’u tërhequr”.
“Vendimi im për t’i bërë publike këto rezerva të forta nuk u mor lehtë dhe as nuk zvogëlon në ndonjë mënyrë respektin tim për gjithçka që ka arritur presidenti Biden”, tha ligjvënësi Doggett. “Duke patur parasysh se, në dallim nga Trump-i, angazhimi parësor i presidentit Biden ka qenë gjithnjë për vendin tonë, jo veten e tij, kam shpresën se ai do të marrë vendimin e dhimbshëm dhe të vështirë për t’u tërhequr. I bëj thirrje me respekt që ta bëjë këtë”.
Zoti Dogget përfaqëson një zonë në Austin, të Teksasit, dhe shërben në Kongresin amerikan për të 15-ën herë. Ai bëhet ligjvënësi i parë i partisë së tij që deklaron publikisht atë që është thënë me zë të ulët pas kuintave që nga debati televiziv i javës së kaluar. Paraqitja e presidentit Biden shkaktoi panik të menjëhershëm edhe në radhët e mbështetësve të tij më të fortë, duke ngritur dhe shumë pikëpyetje nëse politikani 81-vjeçar është kandidati më i fortë demokrat që mund të përballet në nëntor me ish-presidentin Trump, kandidatin e pritshëm për president të Partisë Republikane.
“Unë përfaqësoj zemrën e një distrikti të Kongresit të përfaqësuar dikur nga Lyndon Johnson-i”, vazhdoi ligjvënësi Doggett, i cili është demokrati numër dy në një komision me rëndësi në Dhomën e Përfaqësuesve. “Në rrethana shumë të ndryshme, ai mori vendimin e dhimbshëm për t'u tërhequr. Presidenti Biden duhet të bëjë të njëjtën gjë”.
Vetë presidenti Biden pranoi se debati nuk shkoi mirë për të, por ai këmbënguli se ishte gati të luftonte për një mandat të dytë si president. Gjatë një aktiviteti në McLean, të Virxhinias, me donatorët për fushatën e tij elektorale, presidenti Biden tha të martën se paraqitja e tij në debat nuk ishte më e mira, por fajësoi për këtë lodhjen nga dy udhëtime ndërkombëtare.
"Nuk pata natën më të mirë, por fakti është se nuk u tregova shumë i zgjuar", tha presidenti Biden. "Vendosa të udhëtoj përreth botës dy herë, duke kaluar 100 zona të ndryshme kohore... përpara debatit. Nuk i dëgjova njerëzit e mi dhe kur u ktheva, pothuajse më zuri gjumi në skenë. Nuk është një justifikim, por është një shpjegim".
Sekretarja e shtypit e Shtëpisë së Bardhë, Karine Jean-Pierre, e pyetur të martën në lidhje me shqetësimet në rritje në radhët e demokratëve, tha se ata respektojnë opinionet dhe mendimet e anëtarëve të shqetësuar të partisë, duke shtuar se, "kjo është ajo që e bën këtë parti të ndryshme nga pala tjetër". E pyetur për ligjvënësin Doggett, ajo tha: “Ai do të ketë mendimet e tij. I takon atij të flasë për to”.
Krahas Shtëpisë së Bardhë, në nëntor do të vendoset edhe kontrolli i të dy dhomave të Kongresit dhe demokratët do të duhet të mbrojnë në këto zgjedhje shumë më tepër vende në Senat se sa republikanët. Demokratët kanë një shumicë të ngushtë në Senat, 51 me 49, ndërsa republikanët kanë shumicën në Dhomën e Përfaqësuesve me një diferencë të vogël.
Deklarata e fortë e ligjvënësit Doggett erdhi disa minuta pasi ish-kryetarja e Dhomës së Përfaqësuesve, Nancy Pelosi, i tha kanalit televiziv MSNBC se ajo beson se "është një pyetje legjitime" nëse paraqitja e presidentit Biden ishte thjesht "një episod, apo nëse është një gjendje".
“Kur njerëzit e bëjnë këtë pyetje, është legjitime – për të dy kandidatët”, tha zonja Pelosi.
Zonja Pelosi tha se nuk kishte folur me presidentin Biden pas debatit, por ajo theksoi se presidenti është "në formën më të mirë, për sa i përket njohjes së çështjeve dhe se çfarë rrezikohet".
Këto zhvillime janë një kthesë mahnitëse dhe e shpejtë e ngjarjeve për presidentin Biden, ekipin e tij elektoral dhe aleatët e tij në Kongres, të cilët gjatë pjesës më të madhe të viteve të fundit kanë luftuar kritikat për aftësitë e presidentit dhe kanë mbrojtur aftësinë e tij për të shërbyer edhe katër vite të tjera, një mandat në përfundim të të cilit ai do të ishte 86 vjeç.
Por paraqitja e presidentit Biden gjatë debatit me ish-presidentin Trump ka tronditur mbështetjen e demokratëve, ndërsa anëtarë të niveleve të ndryshme të partisë së tij shqyrtojnë mundësinë që ai mund të mos jetë më kandidati në zgjedhje i partisë.
Ligjvënësi Jamie Raskin, përfaqësuesi kryesor demokrat në Komisionin e Mbikëqyrjes të Dhomës së Përfaqësuesve, si dhe një zë me influencë në grupin e ligjvënësve demokratë, ngriti gjatë fundjavës mundësinë që presidenti Biden të tërhiqej përpara konventës së Partisë Demokrate që mbahet në gusht.
“Pra, qoftë nëse do të jetë ai kandidati, apo nëse dikush tjetër është kandidati, ai do të jetë folësi kryesor në konventën tonë”, tha për presidentin Biden ligjvënësi Raskin, ndërsa fliste për kanalin televiziv MSNBC. “Ai do të jetë personaliteti rreth të cilit do të bashkohemi të gjithë për të lëvizur përpara”.
Të tjerë zyrtarë demokratë të zgjedhur thanë se u gjendën në befasi nga paraqitja në debat e presidentit Biden. Senatori Sheldon Whitehouse tha se e ka njohur presidentin Biden prej vitesh dhe ka shërbyer bashkë me të në Senat, por se “nuk e ka parë këtë të ndodhë ndonjëherë më parë”.
“Mendoj se njerëzit duan të sigurohen se është një fushatë e gatshme për të fituar, se presidenti dhe ekipi i tij po tregohen të sinqertë për gjendjen e tij – se kjo ishte vërtet një anomali dhe se kjo nuk është gjendja e tij këto ditë”, i tha senatori Whitehouse rrjetit WPRI të hënën.
Ekziston gjithashtu një fraksion i Partisë Demokrate që janë thellësisht të zhgënjyer nga paraqitja e presidentit Biden, por që vënë në dukje realitetin politik, se vetëm me dy muaj deri në konventën demokrate dhe vetëm katër muaj nga data e zgjedhjeve, rrugëtimi drejt një kandidati alternativ është i vështirë dhe i pasigurtë.
Senatori Bernie Sanders, dikur rival politik i presidentit Biden, i tha agjencisë së lajmeve Associated Press gjatë një interviste të martën se megjithëse nuk ka besim se presidenti mund të fitojë në nëntor, nuk dëshiron që ai të tërhiqet, duke patur parasysh se Partia Demokratike e konsideron ish-presidentin Trump si rrezikun më të madh për demokracinë.
“Zgjedhjet presidenciale nuk janë një konkurim i Çmimeve Grammy për këngëtarin më të mirë. Janë për të vendosur se kush ka politikat më të mira që mund të ndikojnë tek jetët tona”, tha senatori Sanders. “Do të bëj gjithçka që mundem që ta shoh Biden-in të rizgjidhet”./VOA
Në pamjet satelitore duken mjetet detare ruse të ankoruara në Havana, Kubë (13 qershor 2024) UASHINGTON - Imazhet e reja me satelit t&e...
Grupi KOSOVA- Mediat në Kosovë shkruajnë se në mediat sociale qarkullon një video në të cilën shihen persona t...
Lucy Letby BRITANI- Një gjykatë britanike e ka shpallur fajtore infermieren, Lucy Letby për vrasjen e shtatë foshnjave...
Zëvendësministri i Jashtëm rus, Aleksandr Grushko (majtas), pritet nga ministri i Punëve të Brendshme të Serbisë, Ivica Da&...
Asambleja Kombëtare e entitetit serb të Bosnje e Hercegovinës, Republikës Sërpska, në Banja Llukë. (Fotografi nga arkivi) ...
Donald Trump SHBA- ish-presidenti amerikan Donald Trump nuk do të dënohet për mashtrimin në bizneset e tij deri në shtator, vendo...
fotot ilustruese KOSOVË- Një prej personave të dyshuar për grabitjen e filialit të një banke të nivelit të dyt...
fotot ilustruese ANGLI- Miliona votues në Britani do t’u drejtohen qendrave të votimit të enjten për të zgjedhur parlamentin...
Antony Blinken SHBA- Sekretari amerikan i Shtetit, Antony Blinken, thotë se propozimi i Presidentit Joe Biden për t'i dhënë fund konfli...
Foto ilustruese SHBA- Sipas ekspertëve ligjorë, vendimi i Gjykatës së Lartë të Shteteve të Bashkuara se presidentët...
