Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pjesëmarrës në takim janë liderë prej Shteteve të Bashkuara, Britanisë, Kanadasë, Francës, Gjermanisë, Italisë dhe Japonisë, si dhe ata të Bashkimit Evropian.
SHBA- Liderët e shtatë shteteve më të industrializuara në botë (G7) janë takuar të hënën në Kananaskis të Kanadasë, me synim të gjetjes së një gjuhe të përbashkët për luftërat në Ukrainë dhe Lindje të Mesme. Pjesëmarrës në takim janë liderë prej Shteteve të Bashkuara, Britanisë, Kanadasë, Francës, Gjermanisë, Italisë dhe Japonisë, si dhe ata të Bashkimit Evropian. Në hyrje të samitit, presidenti amerikan, Donald Trump, ka thënë se largimi i Rusisë prej atij që dikur ishte G8, një dekadë më parë, pas aneksimit të Gadishullit ukrainas të Krimesë, ka qenë gabim.
“Ka qenë gabim i madh”, ka thënë Trump, duke shtuar se beson që Rusia nuk do ta pushtonte Ukrainën më 2022, nëse presidenti rus, Vladimir Putin, nuk do të ishte përjashtuar.
“Putini flet me mua. Ai nuk flet me askënd tjetër, nuk është i kënaqur. Mund t’ju them se ai nuk flet me asnjë njeri që e ka lënë anash, e ka përjashtuar, dhe unë pajtohem me të", ka thënë Trump. Trump ka biseduar të shtunën me Putinin dhe ka sugjeruar se lideri rus mund të luante rol ndërmjetësues në mes të Izraelit dhe Iranit.
Presidenti francez, Emmanuel Macron e ka hedhur poshtë këtë ide, duke thënë se Moska nuk mund të jetë negociatore, sepse e ka nisur një luftë kundër Ukrainës. Zyrtarët evropianë kanë thënë se shpresojnë që të shfrytëzojnë takimin e së martës me presidentin ukrainas, Volodymyr Zelensky dhe atë me Sekretarin e NATO-s, Mark Rutte, në samitin e javës së ardhshme, që të bindin Trumpin të ketë qasje më të ashpër ndaj Moskës.
“G7 duhet të ketë synim që të na bashkojë sërish, që në Ukrainë të ketë armëpushim dhe paqe afatgjatë, dhe sipas meje, është në pyetje nëse presidenti Trump është gati të shtyjë përpara sanksione më të ashpra kundër Rusisë”, ka thënë Macron. I pyetur për konfliktin mes Izraelit dhe Iranit, presidenti amerikan ka thënë se Teherani ka dhënë sinjale se është gati për të negociuar.
“Iranianët do të dëshironin të bisedonin, por do të duhej të vepronin më herët. Ata duhet të arrijnë marrëveshje, sepse është e dhimbshme për të dyja palët”, ka thënë ai nga Kanadaja, kur është pyetur për ndonjë shenjë shtensionimi nga Irani.
“Irani nuk është duke e fituar luftën, ata duhet të bisedojnë, të bisedojnë menjëherë, para se të bëhet vonë”, ka thënë presidenti amerikan. Izraeli e ka nisur ofensivën kundër Iranit më 13 qershor, duke sulmuar shënjestra iraniane, përfshirë qendra bërthamore, ka vrarë figura të larta ushtarake, shkencëtarë bërthamorë, si dhe ka goditur qytete dhe qendra të naftës dhe gazit natyror.
Kryeministri izraelit, Benjamin Netanyahu, ka thënë se shteti që udhëheq ai i ka përpara tri synime: eliminimin e programit bërthamor iranian, eliminimin e kapaciteteve për prodhim të raketave balistike dhe eliminimin e boshtit të terrorizmit, duke iu referuar grupeve militante të përkrahura nga iranianët në Lindje të Mesme. Si pasojë e sulmeve izraelite janë vrarë të paktën 224 persona në Iran, sipas autoriteteve iraniane. Në anën tjetër, nga kundërsulmet iraniane në Izrael është raportuar për 24 persona të vrarë./ REL
Foto DANIMARKË- Pas tre vitesh radhazi në krye të listës përkatëse, Vjena nuk është më qyteti më...
Foto GAZA- Mjekët pa Kufij, MSF i kanë bërë thirrje Bashkimit Evropian që të lërë mënjanë "retorik&e...
F STOCKHOLM- Nëntë shtete zotërojnë zyrtarisht armë bërthamore – Shtetet e Bashkuara, Mbretëria e Bashkuar,&n...
Foto UKRAINË- Të paktën 14 persona janë vrarë – përfshirë edhe një shtetas amerikan – dhe 44 të tj...
Foto ITALI- Ministri italian i Arsimit, Giuseppe Valditara tha të hënën se duke filluar nga viti i ardhshëm shkollor, pë...
ali shadman IZRAEL- Ushtria izraelite njoftoi sot se kishte vrarë Ali Shadmanin, të cilin e identifikoi si shefin e sapoemëruar të shta...
udheheqesit e g7 ZVICËR- Udhëheqësit e vendeve të G7 kanë bërë thirrje për një deeskalim të armiqësi...
foto ilustruese IZRAEL- Sirenat po bien në disa pjesë të Izraelit pasi një valë e re raketash u lëshua nga Irani, sipas ushtr...
donald trump SHBA- Presidenti amerikan, Donald Trump, është kthyer më herët në Uashington nga samiti i Grupit të Shtatë ...
Foto SHBA- Presidenti i SHBA-së, Trump, e paraqet veten si "nxitës i paqes". Por sulmet e Izraelit ndaj Iranit, për të cilat ai ishte i...
