Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ushtria ukrainase tha se gjithashtu se avionët luftarakë rusë kishin sulmuar pozicionet ukrainase pranë qytetit lindor të Lysychansk-ut,
Duke përdorur hapësirën ajrore mbi Bjellorusi në veri dhe ujërat e Detit të Zi në jug, forcat ruse lëshuan një breshëri raketash në të gjithë Ukrainën të shtunën, në një nga sulmet ajrore më të gjera dhe të koordinuara të javëve të fundit. Lajmi u njoftua nga zyrtarë ukrainas.
Ushtria ukrainase tha se gjithashtu se avionët luftarakë rusë kishin sulmuar pozicionet ukrainase pranë qytetit lindor të Lysychansk-ut, bastioni i fundit urban ende nën kontrollin e Ukrainës në provincën lindore Luhansk.
Dje, kryebashkiaku i Sievierodonetsk-ut, Oleksandr Stryuk, një qytet që ndahet me një lum nga Lysychansk-u, tha se forcat ruse e kishin pushtuar qytetin.
Sulmet me raketa të shtunën erdhën disa orë përpara se Presidenti rus Vladimir Putin të takohej me Presidentin bjellorus Aleksandr Lukashenko në Shën Petersburg.
Forcat bjelloruse po kryenin sërish stërvitje ushtarake pranë kufirit me rajonin e Kievit, në veri të Ukrainës, duke rritur tensionet dhe duke i vënë autoritetet atje në gatishmëri të lartë.
Agjencia e zbulimit ushtarak të Ukrainës i quajti sulmet "një provokim në shkallë të gjerë të Rusisë, me qëllim tërheqjen e mëtejshme të Bjellorusisë në luftë kundër Ukrainës". Analistët ushtarakë perëndimorë thonë se nuk ka gjasa që Bjellorusia t'i bashkohet përpjekjeve ruse, por qëndrimi në pushtet i zotit Lukashenko në Bjellorusi varet nga mbështetja e Kremlinit, çka kufizon hapësirën e tij për manovra politike.
Të shtunën Presidenti Biden u nis drejt Gjermanisë, ku do t'i bashkohet udhëheqësve të Grupit të Shtatëshes, në një takim të nivelit të lartë që synon të forcojë vendosmërinë perëndimore në mbështetje të Ukrainës përballë rritjes së kostos ekonomike që po krijon lufta për këto vende.
Tupat ukrainase tërhiqen nga Sievierodonetsk-u
Trupat ukrainase njoftuan se po tërhiqen nga qyteti lindor i Sievierodonetskut pas disa javë luftimesh të ashpra me forcat ruse.
Guvernatori i rajonit të Luhanskut Serhiy Haidai tha se trupat kishin marrë urdhër për t'u zhvendosur në pozicione të reja.
Ukraina tha se forcat ruse kishin pushtuar plotësisht qytetin fqinj Lysychanskun që gjithashtu shtrihet në rajonin lindor të Luhanskut. Moska pretendoi se ka rrethuar rreth 2,000 trupa ukrainase në këtë zonë.
Gjasat janë që Kremlini të marrë kontrollin e plotë të provincës Luhansk, një nga objektivat e shpallura të Moskës.
Për të stabilizuar situatën në Luhansk, Ukrainës i duhet armë i tha gjenerali më i lartë ukrainas, homologut të tij amerikan të premten.
"Diskutuam mbi situatën operacionale dhe rrjedhën e ndihmës teknike ndërkombëtare", shkruante gjenerali ukrainas Valeriy Zaluzhniy në aplikacionin Telegram pas një telefonate me gjeneralin Mark Milley, shefin e Shtabit të Përgjithshëm të SHBA-ve.
Ukraina ka thënë se avantazhi që ka Rusia në artileri, në vijën e frontit të Donbasit, po u kushton shumë trupave ukrainase, ndaj Kievi u ka bërë bërë thirrje partnerëve perëndimorë që ta furnizojnë me më shumë armë.
Një zyrtar i lartë amerikan i mbrojtjes vlerësoi të premten vendimin e Ukrainës për t'u tërhequr nga Sievierodonetsku, duke e cilësuar atë si masë "profesionale" e "taktike".
Zyrtari që foli në kushte anonimiteti tha se forcat ruse kanë qenë në gjendje të përparojnë rreth Sievierodonetsk, por me kosto të konsiderueshme sikurse shtoi ai.
“Rusët kanë pësuar viktima të shumtë e humbje në armatime të rënda”, tha zyrtari. “Forcat ruse po japin shenja të konsumimit dhe të moralit të dobësuar dhe kjo po ndikon në aftësinë e tyre për të përparuar me shpejtësi”.
SHBA-të premtuan këtë javë 450 milionë dollarë më shumë në ndihmë ushtarake për Ukrainën, përfshirë sisteme të tjera raketash me rreze të gjatë veprimi, krahas një ndihme prej 1 miliard dollarësh që u njoftua rreth një javë më parë.
Zyrtari i lartë amerikan i mbrojtjes tha të premten se forcat ukrainase po stërviten me katër sisteme të tjera raketash të artilerisë me lëvizshmëri të lartë (HIMARS) pjesë e paketës së sapo shpallur. Sistemet amerikane do të vihen në përdorim në luftë, brenda disa javësh.
Marrë nga VOA
Macron dhe Johnson GJERMANI- Boris Johnson dhe Emmanuel Macron ranë dakord se konflikti në Ukrainë është në një moment k...
Lija e majmuneve SHBA-Lija e majmunëve nuk është ende një emergjencë globale shëndetësore, vendosi ditën e djeshme ...
Sulmi ne Kiev UKRAINË- Raketat ruse goditën një ndërtesë banimi dhe kompleksin e një kopshti fëmijësh në qend&...
Mirsad Shkreta KOSOVË- Deputetit të Lëvizjes VetëVendosje në Kosovë Mirsad Shkreta i janv vjedhur 50 mijë euro cash dhe ...
Jihad Abu Hassan PALESTINË-Nën Rripin e Gazës, i sunduar nga Hamasi dhe i shkatërruar në mënyrë të përsë...
Mirsad Shkreta PRISHTINË- Deputeti nga radhët e Lëvizjes Vetëvendosje, Mirsad Shkreta, pretendon se i janë vjedhur 50 mijë ...
Patriarku Kirill RUSI- Patriarku i Moskës dhe gjithë Rusisë Kirill, u rrëzua gjatë një shërbimi kishtar në Novoross...
Miroslav Lajcak KOSOVË- I dërguari i posaçëm i Bashkimit Evropian për dialogun Kosovë-Serbi dhe çështje të...
Charles Michel GJERMANI- Vendet e G7 "ndajnë të njëjtat qëllime - të shkurtojnë oksigjenin nga makina e luftës ruse, duk...
Zafir Berisha dhe Shaqir Total KOSOVË- Kryetari i komunës së Prizrenit, Shaqir Totaj, ditën e djeshme ka denoncuar ish-deputetin Zafir ...
