Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Prokurori Smith tha në një dokument të dorëzuar në gjykatë të martën se zyra e tij do të apelonte çdo vendim të gjykatëses së qarkut Aileen Cannon nëse ajo do t'i udhëzonte anëtarët e jurisë të merrnin në konsideratë ato që ai e quajti “premisa ligjore të pa bazë” të meta të Trump.
SHBA- Prokurori i posaçëm Jack Smith që drejton çështjen kundër ish Presidentit Donald Trump për mbajtjen e dokumenteve të klasifikuara pas largimit nga detyra, ka kundërshtuar gjykatësen federale pasi ajo sinjalizoi se mund të pranojë pretendimin e ish-presidentit se të dhënat ishin pronë e tij personale.
Prokurori Smith tha në një dokument të dorëzuar në gjykatë të martën se zyra e tij do të apelonte çdo vendim të gjykatëses së qarkut Aileen Cannon nëse ajo do t'i udhëzonte anëtarët e jurisë të merrnin në konsideratë ato që ai e quajti “premisa ligjore të pa bazë” të meta të Trump.
Kandidati republikan për President Donald Trump tha vitin e kaluar se është i pafajshëm për padinë me 40 pika që e akuzonte atë për mbajtje të paligjshme të dokumenteve të klasifikuara, pas largimit nga detyra në vitin 2021. Padia e akuzon atë edhe për pengim të përpjekjeve të qeverisë federale për t'i kthyer ato.
Aileen Cannon, e cila është emëruar si gjyqtare nga administrata e zotit Trump, ka sinjalizuar se ajo mund ta marrë parasysh pretendimin të ish Presidentit se ai i konsideroi dokumentet e klasifikuara si të dhëna personale, sipas një ligji të vitit 1978. Fjala është për ligjin për të Dhënat Presidenciale që u lejon ish-presidentëve të mbajnë shënime që nuk kanë lidhje me përgjegjësitë e tyre zyrtare.
Prokurorët kanë thënë se dokumentet kanë të bëjnë me çështjet e ushtrisë dhe zbulimit amerikan, përfshirë detaje rreth programit bërthamor amerikan dhe nuk mund të interpretohen si personale.
Gjykatësja, më 18 mars udhëzoi prokurorët dhe avokatët mbrojtës që të propozojnë udhëzime për anëtarët e jurisë të këtij rasti për dy skenarë të ndryshëm ligjorë, duke lënë të kuptohej se argumenti i zotit Trump mund të përfshihet në procesin gjyqësor.
Sipas prokurorëve, njëri skenar, në të cilin as juria dhe as gjyqtari nuk mund të vënë në pikëpyetje pretendimin e zotit Trump se të dhënat janë personale, do të nxiste jurinë ta shpallte të pafajshëm ish Presidentin.
Ata i kërkuan gjyqtares Cannon të vendosë me shpejtësi nëse jurive do t'u thuhet se pretendimi i zotit Trump është i rëndësishëm në çështjen kundër tij, duke thënë se prokuroria duhet të ketë kohë të mjaftueshme "të kërkojë shqyrtimin nga apeli".
Në dokumentin e tij, zoti Smith thotë se urdhri i zonjës Cannon mbështetej në një premisë ligjore të gabuar dhe do të "shtrembëronte procesin gjyqësor".
Ky është një nga katër rastet penale me të cilat përballet zoti Trump. Ai ka deklaruar se është i pafajshëm për të gjitha ato dhe i ka cilësuar si të motivuara politikisht.
Avokatët e ish Presidentit Trump përmes një dokumenti të dorëzuar në gjykatë të martën përsëritën argumentin e tyre se ish Presidenti i kishte parë dokumentet e klasifikuara si të dhëna personale dhe kjo sipas tyre do të thotë që akuzat duhet të hidhen poshtë nga gjyqi.
Ligji për të Dhënat Presidenciale u miratua për t'i lejuar qeverisë së Shteteve të Bashkuara të marrë të dhëna zyrtare nga administrata e një presidenti. Ai u lejon ish-presidentëve të mbajnë shënime të caktuara që vlerësohen personale e që nuk kanë lidhje me përgjegjësitë e tyre zyrtare.
Ish Presidenti Trump ka argumentuar se vendimi i tij për ta çuar materialin me të dhëna të klasifikuara në pronën e tij në Mar-a-Lago në Florida tregoi se ai i konsideroi të dhënat si pronë e tij personale. Prokurorët kanë argumentuar se ligji i të dhënave nuk mund të autorizojë një ish-president të mbajë informacion të klasifikuar.
Ish Presidenti Trump përballet me akuza që përfshijnë shkelje të Ligjit të spiunazhit, i cili penalizon mbajtjen e paautorizuar të informacionit që ka të bëjë me mbrojtjen dhe për konspiracion për të penguar drejtësinë. Data e gjyqit e caktuar për 20 maj për këtë çështje pritet të shtyhet.
Marrë nga VOA
foto ilustruese GAZA- Jose Andres themeluesi i grupit të bamirësisë, World Central Kitchen ka akuzuar forcat izraelite në Gaza për...
foto nga vendngjarja ARGJENTINË- Një Grup burrash po përballen me reagime në internet pasi pamjet e tyre duke përdorur një gj...
foto ilustruese SHBA- Shtetet e Bashkuara duan të shohin një hetim të shpejtë izraelit për një sulm që vrau shtatë ...
Kuandyk Bishimbayev KAZAKISTAN- Ish-ministri i Ekonomisë së Kazakistanit, Kuandyk Bishimbayev ka dhunuar për vdekje bashkëshorten e tij...
foto ilustruese BOSNJE HERCEGOVINË- Veteranët e luftës në rajonin e dominuar nga serbët në Bosnje e Hercegovinë po zhvil...
Joe Biden SHBA- Shtëpia e Bardhë ka anuluar një vakt iftari për Ramazanin pasi disa muslimanë amerikanë refuzuan ftesën...
ndertesa ne tajvan pas termetit TAJVAN- Përpjekjet e shpëtimit vijojnë ende në Tajvan pasi tërmeti me magnitudë 7.4 goditi br...
Foto ilustruese FRANCË- Ministrat e Mbrojtjes të Francës dhe Rusisë, Sebastien Lecorny dhe Sergei Shoigu kanë zhvilluar ...
foto ilustruese QIPRO- Një kolonë detare me ushqime të padërguara për Gazën u kthye në Qipro të mërkurën ...
fotot ilustruese MIANMAR- Numri i viktimave civile, duke përfshirë fëmijë, të cilët u vranë ose u gjymtuan nga minat tok...
