Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Përgatitjet e supozuara nga Serbia kanë paralele me aneksimin e Krimesë nga Rusia në vitin 2014, kur ushtarët rusë të veshur me uniforma të zhveshur nga çdo shenjë, të quajtur "burrat e vegjël të gjelbër", hapën rrugën për shkëputjen e gadishullit nga Moska.
PRISHTINË- Mercenarët nga grupi famëkeq Wagner i Rusisë po punojnë me paraushtarakët serbë për të kontrabanduar armë dhe uniforma ushtarake të pashënuara në Kosovë. Kështu paralajmëroi presidentja e Kosovës, Vjosa Osmani. Operacioni sekret ka nisur për të hedhur bazat për një sulm të mundshëm hibrid nga Serbia për të rrëmbyer territorin e Kosovës.
Përgatitjet e supozuara nga Serbia kanë paralele me aneksimin e Krimesë nga Rusia në vitin 2014, kur ushtarët rusë të veshur me uniforma të zhveshur nga çdo shenjë, të quajtur "burrat e vegjël të gjelbër", hapën rrugën për shkëputjen e gadishullit nga Moska.
“Ata sjellin armë dhe uniforma por nuk janë formalisht pjesë e ushtrisë serbe. Serbia dëshiron të arrijë qëllimet e saj pa u quajtur operacion ushtarak”, tha Osmani për The Telegraph në zyrën presidenciale në Prishtinë, kryeqyteti i Kosovës.
Objektivi serb është të "përgatisë situata për një aneksim të mundshëm - jo përmes një operacioni ushtarak tradicional, por përmes një lloj sulmi hibrid".
Kufiri ndërmjet Kosovës dhe Serbisë, një nga linjat e përplasjeve më të zjarrta në Ballkan, është përfshirë nga tensionet për muaj të tërë, të shkaktuar fillimisht nga një mosmarrëveshje për targat e mjeteve. Serbët etnikë ishin të zemëruar që u urdhëruan të heqin licencat dhe targat e tyre të lëshuara nga Serbia dhe të miratojnë ato të lëshuara nga autoritetet e Kosovës.
Blloqe rrugore dhe barrikada u ngritën nga serbët etnikë në rrugët anembanë veriut, e po ashtu pati përplasje me armë zjarri mes policisë dhe protestuesve. Kriza u përkeqësua aq shumë në dhjetor sa presidenti i Serbisë Aleksandar Vuçiç, i cili nuk e njeh pavarësinë e Kosovës, kërcënoi se do të dërgonte trupa serbe në veri të Kosovës.
Presidentja e Kosovës, Osmani, pohoi se Beogradi po vazhdon të nxisë tensionet në rajon, në bashkëpunim me Wagner Group të Rusisë, i cili kohët e fundit filloi reklamat për rekrutët serbë për luftën në Ukrainë.
"Strategjia e fshehtë për të kontrabanduar armët për një aneksim është duke u zhvilluar për të paktën gjashtë muaj,"- tha Osmani. Synimi është i njëjtë me atë të përdorur nga Vladimir Putin në Krime 9 vite më parë.
Serbia ka mohuar që mercenarët e grupit Wagner të kenë pasur ndonjë rol në përplasjen me Kosovën. Shumë ekspertë të Ballkanit janë skeptikë se Serbia do të guxonte të përpiqej të aneksonte veriun e Kosovës, sepse do t'i sillte ata në një konfrontim me KFOR-in e udhëhequr nga NATO ose Forcën e Kosovës, e cila përfshin ushtarë amerikanë dhe britanikë.
“Për sa kohë që KFOR-i është i bazuar në Kosovë, nuk mendoj se Serbia do të ndërmarrë veprime ushtarake,”- tha Helena Ivanov, një eksperte e Ballkanit me qendër në Beograd.
“Serbia nuk do të hyjë në luftë me NATO-n. E bëri këtë një herë dhe humbi. Nuk do ta bëjë më. Prania e KFOR-it është një pengesë për të dyja palët, që të mos përshkallëzohet”.
Por presidenti Osmani kujtoi skepticizmin e përhapur mes liderëve botërorë në fillim të shkurtit të kaluar, kur dukej se Rusia mund të pushtonte Ukrainën.
“Dy apo tre ditë para pushtimit të Ukrainës, po dëgjoja kaq shumë liderë botërorë që thoshin ‘Putini nuk është aq budalla, ai nuk do ta bëjë këtë’. Ne dëgjojmë tani për Vuçiçin - 'ai nuk është aq budalla, ai nuk do ta bëjë'."
Më pas, ajo vazhdoi: Vetëm për shkak se KFOR-i është në Kosovë nuk do të thotë se Vuçiç nuk do ta tentonte kurrë. Nuk po them se do ta bëjë, por ne gjithmonë duhet të jemi gati për të parandaluar një skenar të tillë.
Në pjesën e Kosovës të dominuar nga serbët etnikë, duket qartë ndikimi i Serbisë dhe Rusisë. Në qytetin e Mitrovicës, i cili ndahet nga një lumë në veri etnik serb dhe jug shqiptar etnik, flamujt serbë valëviten në rrugë. Dyqanet preferojnë të marrin dinarin serb në vend të euros, që është monedha në pjesën tjetër të Kosovës.
Ka murale që shpallin se Kosova është përgjithmonë pjesë e Serbisë dhe statuja muskulare të heronjve nacionalistë.
Shkronja Z - simboli i pushtimit rus të Ukrainës - është lyer me spërkatje në një derë së bashku me fjalët "Nuk ka dorëzim". Pak dyer më poshtë, dikush ka shkruar në një mur "NATO shko në shtëpi".
Disa ditë më parë, fjala "Wagner" u spërkat në muret e një shkolle në pjesën veriore. Policia e Kosovës e denoncoi rastin si “nxitje të urrejtjes dhe ndarjes ndëretnike”. Ura që ndan dy gjysmat e qytetit patrullohet nga policia italiane, të cilët prej vitesh janë vendosur në Kosovë.
“Për momentin, situata është e qetë, por ju mund të ndjeni tensionin në ajër. Mund të ndryshojë nga një ditë në tjetrën,”- tha një oficer.
Nën urë, në anën shqiptare etnike të lumit, kishte më shumë mbishkrime, duke përfshirë "F*** Serbia" dhe një shqiponjë shqiptare me dy koka të pikturuar në të zezë.
Në autostradën me dy vija që të çon nga veriu i Mitrovicës në kufirin me Serbinë, gjendet një billbord i madh ku shpallen qytetarë nderi të kësaj pjese të Kosovës, Vladimir Putin, si dhe presidenti i Serbisë Vuçiç dhe tenisti serb Novak Gjokoviç.
Një banderolë e varur nëpër një rrugë kryesore lexon shpalljen: Kjo është Serbia.
Mosmarrëveshja midis Kosovës dhe Serbisë, e cila është zvarritur që kur Kosova pësoi 13,000 të vdekur në një luftë brutale për pavarësi në 1998-1999, mund të duket si një tjetër gjakmarrje e largët në Ballkan. Por ajo ka implikime shumë më të gjera dhe është dëshmi e përdorimit të Serbisë nga Rusia si një përfaqësues për të destabilizuar Ballkanin, për të parandaluar vendet që të lëvizin drejt anëtarësimit në BE dhe NATO dhe për të shkëputur Perëndimin nga lufta në Ukrainë.
“Interesi rus është të përdorë Ballkanin Perëndimor, përmes Serbisë si kalë troje, për të sulmuar sistemet e bazuara në vlera si NATO-ja dhe BE-ja,” tha Presidenti Osmani në Prishtinë, ku rrugët janë emërtuar me emrin Bill Clinton dhe George W Bush, si shenjë falenderimi për ndihmën amerikane në sigurimin e pavarësisë së Kosovës.
“Sa më shumë tensione sigurie krijojnë, aq më pak janë shanset tona për t'u anëtarësuar në BE. Ndonjëherë e bëjnë në Mal të Zi, herë në Bosnje-Hercegovinë, herë në Kosovë dhe kanë krijuar probleme edhe në Maqedoninë e Veriut”.
Ajo akuzoi Serbinë se i sheh Kosovën, Malin e Zi dhe Bosnje-Hercegovinën si "vende të përkohshme" të cilat Beogradi dëshiron t'i ripërthithë. Serbia, nga ana e saj, akuzon qeverinë e Prishtinës për dështimin e respektimit të marrëveshjes së vitit 2013 për t'i dhënë autonomi më të madhe serbëve etnikë të veriut të Kosovës.
“Nëpërmjet Serbisë, ata duan të krijojnë qendra të tjera konflikti në mënyrë që demokracitë perëndimore të duhet të përballen me shumë kriza në të njëjtën kohë në vend që të fokusohen në Ukrainë.”
Osmani, e cila në moshën 40-vjeçare u bë kryetarja e shtetit më të ri në Evropë, ka përvojë të hidhur personale të luftërave që shpërtheu në ish-Jugosllavi në vitet 1990. Si një 16-vjeçare u detyrua të largohej nga Mitrovica në vitin 1999, pasi një ushtar serb ia futi në gojë tytën e armës AK-47.
“Unë iu luta atyre që të mos qëllonin babanë tim. Ushtari po përpiqej të më mbyllte gojën. Ishte ferr. Mijëra prej nesh u detyruam të shkonim në këmbë për në Shqipëri. Njerëzit u përdhunuan dhe u vranë.”
Përderisa Kosova tani për tani është e qetë, kamionët e rëndë dhe kamionët që janë përdorur për të krijuar bllokime rrugore në veri janë ende të parkuar në anë të autostradave, gati për t'u vendosur në një moment. Megjithatë, disa shqiptarë etnikë dyshojnë se Serbia do ta mendonte ndonjëherë për një veprim ushtarak.
“Tashmë ka një konflikt të madh në Evropën Lindore dhe komuniteti ndërkombëtar me siguri nuk do të lejojë të zhvillohet një i dytë. Dhe nëse serbët sulmojnë, sa mendoni se do të zgjasin kundër NATO-s?,”- tha një shqiptar etnik në Mitrovicë.
Një përpjekje serbe për të aneksuar Kosovën veriore mund të nxisë kaos në pjesën tjetër të Ballkanit, ku disa vende janë të pakënaqur me kufijtë e tyre aktualë.
Duke qëndruar nën hijen e një xhamie të sapondërtuar me dy minare të holla, miku i tij Behxhet Jashanica tha se NATO ishte garantuesi i stabilitetit të Kosovës.
“Por nëse KFOR-i largohej nga Kosova, Serbia do të hynte brenda disa orësh. Dhe rusët do t'i ndihmonin ata."
Marrë nga Telegraph
I mituri nën rrënoja TURQI- Dhe kur të gjithë filluan të humbin shpresat se mund të gjendeshin sërish persona të g...
Pamje nga Turqia TURQI- Shoqëria turke po vlon nga zemërimi kundër qeverisë së Rexhep Tajip Erdogan, veçanërisht n&eum...
Elta Bajrami Nga një eksperiment me sodë buke, uthull dhe një balonë e deri te krijimi i nanosatelitit të parë në...
Pamje nga ngjarja në Gjermani GJERMANI- Një ngjarje e rëndë ka ndodhur në Gjermani ku një person ka qëlluar me armë...
Yevgeny Prigozhin RUSI- Kreu i grupit mercenar rus, Wagner, tha se forcat ruse duhet të marrin kontrollin e qytetit strategjik ukrainas të Bahmut...
Ekipi i shpetimit TURQI- Pamjet nga Turqia që tregojnë njerëzit duke u dalë nga ndërtesat e bllokuara nga t&eu...
Toka TURQI- Tërmeti vdekjeprurës që rrafshoi Turqinë dhe Sirinë, la pas mbi 20 mijë vikima por dhe shumë dëme....
Kerkimet SIRI- Organizata vullnetare e Mbrojtjes Civile të Sirisë, e njohur gjithashtu si Helmetat e Bardha, njoftoi përfundimin e operacion...
Gruaja qe po shpetohet TURQI- Pas 108 orëve e mbetur poshtë rrënojave, një grua 62-vjeçare është shpëtuar në...
John Tory SHBA- Kryebashkiaku i Torontos, John Tory ka dhënë dorëheqjen nga detyra pasi ka pranuar lidhjen jashtëmartesore me një ...
