Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Përfaqësuesit e Odës Ekonomike serbe dhe të Odës Ekonomike të Kosovës u takuan më 16 qershor në Podgoricë. Ata u bënë thirrje partnerëve nga Bashkimi Evropian dhe Shtetet e Bashkuara që të bëjnë gjithçka për të ruajtur paqen dhe stabilitetin në Ballkanin Perëndimor, duke shtuar se ekonomia nuk duhet të ndalet.
KOSOVË- Bllokadat në pikat kufitare mes Serbisë dhe Kosovës kanë ndikim të keq te të dyja palët, tha në një intervistë për Radion Evropa e Lirë, Nenad Gjurgjeviç, këshilltar i kryetari të Odës Ekonomike të Serbisë.
Shoferët e kamionëve me targa serbe, që nuk po lejohen të hyjnë në Kosovë që nga 14 qershori për shkak të vendimit të Qeverisë së Kosovës për të ndaluar importin e mallrave nga Serbia, kanë protestuar për të tretën ditë me radhë në pikat kufitare në Jarinjë, Merdare dhe Bërnjak. Gjurgjeviç tha se bashkëpunimi ekonomik mes Serbisë dhe Kosovës është i një rëndësie të madhe dhe më 2022, shkëmbimi dypalësh ishte në vlerë prej 520 milionë eurosh.
“Ky numër tregon se tregu në Kosovë është më i rëndësishmi për ne në Ballkanin Perëndimor, pas tregut në Bosnje e Hercegovinë”, tha ai.
Ai theksoi se bllokadat kanë efektet te kompanitë dhe qytetarët në të dyja shtetet.
“Kompanitë pësojnë për shkak të punës së parealizuar dhe për shkak të pritjeve, por po ashtu edhe qytetarët, veçmas ata në Kosovë, që blejnë mallra nga Serbia dhe kompanitë e tyre përdorin lëndën e parë, makineri, për të prodhuar mallra në Kosovë, por po ashtu tregu i tyre, eksporti, që më pas kontribuon në ekonominë e Kosovës”, tha Gjurgjeviç.
Përfaqësuesit e Odës Ekonomike serbe dhe të Odës Ekonomike të Kosovës u takuan më 16 qershor në Podgoricë. Ata u bënë thirrje partnerëve nga Bashkimi Evropian dhe Shtetet e Bashkuara që të bëjnë gjithçka për të ruajtur paqen dhe stabilitetin në Ballkanin Perëndimor, duke shtuar se ekonomia nuk duhet të ndalet. Gjurgjeviç tha se pjesa më e suksesshme e Marrëveshjes së Brukselit të vitit 2013 ishte intensifikimi i bashkëpunimit ekonomik mes dy shteteve.
“Shifrat konfirmojnë se ka një interes të madh në bashkëpunimin mes Serbisë dhe Kosovës dhe kompanive tona. Praktikisht, segmenti më i suksesshëm i asaj marrëveshjeje tani është nën ndikimin negativ të politikës”, tha Gjurgjeviç.
Ai tregoi se Oda Ekonomike e Serbisë është në komunikim të vazhdueshëm me zyrtarët doganorë dhe agjencitë që gjenden në pikat kufitare, me qëllim që kompanive në Serbi t’u ofrohen informacione të sakta. Oda Ekonomike e Serbisë ka dënuar bllokimin e shkaktuar nga shoferët e kamionëve, por edhe të bllokimin e hyrjes në Kosovë të transportuesve që kanë targa serbe.
Më 21 qershor, në pikëkalimi kufitar në Jarinje u lejuan të kalonin për në Serbi vetëm makinat private. Në Merdarë nuk janë lejuar që të kalojnë autobusët, ndërkaq pikëkalimi në Bërnjak është i mbyllur për transportuesit e mallrave në të dyja drejtimet.
Vendimi i Qeverisë së Kosovës për të ndaluar kamionët me targa serbe që të hyjnë në Kosovë, erdhi pasi Serbia arrestoi tre policë të Kosovës. Kosova thotë se ata u rrëmbyen brenda territorit të saj, por Serbia thotë se ata u arrestuan “thellë” brenda territorit serb. Ndaj tre policëve një gjykatë në Kralevë ka shqiptuar masën e paraburgimit prej një muaji.
Tensionet në veriun e Kosovës, të banuar me shumicë serbe, janë rritur që nga 26 maji. Atë ditë, serbët nisën protestat kundër hyrjes në ndërtesat komunale të kryetarëve të rinj shqiptarë të Zveçanit, Zubin Potokut dhe Leposaviqit, të cilët hynë në ndërtesa me asistimin e Policisë së Kosovës.
Që atëherë, serbët lokalë kanë protestuar në veri, duke kundërshtuar kryetarët që u zgjodhën më 23 prill – zgjedhje që u bojkotuan nga partitë dhe popullata serbe.
Më 29 maj, protestat u përshkallëzuan në dhunë, me serbët që u përleshën në Zveçan me ushtarët e misionit paqeruajtës të NATO-s në Kosovë, KFOR.
Marrë nga REL
Igor Kirillov RUSI- Një zyrtar i lartë i Kremlinit, Igor Kirillov akuzoi në mënyrë të çuditshme SHBA-në p&eu...
Policia e armatosur LONDER- Policia e armatosur ka vënë në pranga një person që dyshohet se ka sulmuar me thikë dy pacient&e...
Imelda Starnini ITALI- Imelda Starnini, gruaja e cila mbushi 90 vjeç më 3 shkurt ka kaluar me sukses provimin për t'u bërë m&eum...
Shperthim RUMANI- Një shpërthim i madh ka ndodhur më herët në një rafineri nafte të kompanisë Petromidia, e ci...
Përmbytje në Iran IRAN- Shkon në 19 numri i të viktimave nga përmbytjet në 10 provincat në Iran. Mediat e huaja raporto...
pamje nga vendngjarja KOSOVË- Serbët janë mbledhur për të protestuar, kundër Dragisha Milenkoviçit, i cili u arre...
Khakovka JAPONI- Kryeministri japonez Fumio Kishida zhvilloi të premten një bisedë telefonike me presidentin ukrainas Volodymyr Zelenskyy. A...
Aksident hekurudhor në Tunizi TUNIZI- Një aksident i rëndë hekurudhor është raportuar në Tunizi. Sipas mediave të h...
Sergey Lavrov RUSI- Ministri i Jashtëm rus Sergej Lavrov paralajmëron se nëse NATO kundërshton ngrirjen e konfliktit n&e...
foto ilustruese KOSOVË- Policia e Kosovës ka arrestuar një serb në Graçanicë që dyshohet për krime lufte n&e...
