Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Prokurorja e Qarkut Fani Willis njoftoi se po përdorte ligjin 'RICO' të Gjeorgjisë për të akuzuar Trump dhe 18 bashkëpunëtorë të dyshuar për pjesëmarrje në një komplot të gjerë për ta mbajtur atë në pushtet.
SHBA- Aktakuza e fundit kundër Donald Trump, për komplot për të përmbysur rezultatet e zgjedhjeve të vitit 2020 në Gjeorgji, përfshin akuza të përdorura dikur për të dënuar bosët e mafias si John Gotti dhe Carmine Persico.
Prokurorja e Qarkut Fani Willis njoftoi se po përdorte ligjin 'RICO' të Gjeorgjisë për të akuzuar Trump dhe 18 bashkëpunëtorë të dyshuar për pjesëmarrje në një komplot të gjerë për ta mbajtur atë në pushtet.
RICO- ose Akti i Organizatave të Influencuara dhe të Korruptuara nga Raketeri, u krijua fillimisht për të ndihmuar prokurorët të çmontojnë grupet e krimit të organizuar nga lart poshtë.
Ja si funksionon ky ligj:
Ligji federal “Organizata të Korruptuara nën Ndikimin e Krimit të Organizuar”, ‘RICO’ është miratuar në vitin 1970, si një mjet për të luftuar krimin e organizuar. Ligji u krijoi mundësi prokurorëve të ndiqnin krerët e mafias dhe jo vetëm kriminelët e rangut të ulët, që kryenin detyrat e pista.
Ish presidenti Donald Trump
Por synimi i tij nuk ishte të përdorej vetëm për krimin e organizuar. Në vitin 1989, Gjykata e Lartë, në një opinion të saj shprehej se “ligji kishte një shtrirje të gjerë dhe mund të përfshinte një sërë veprash penale, të formave të ndryshme, në të cilat mund të ishin përfshirë një gamë e gjerë shkelësish”. Disa vite pas miratimit të ligjit federal, shtetet të ndryshme, miratuan variantet e tyre të ligjit ‘RICO’. Me pak fjalë, ligji ‘RICO’, u lejon prokurorëve të akuzojnë një sërë individësh, që kryejnë krime të veçanta, por që kanë të njejtin synim të përbashkët.
Ligji ‘RICO” i Xhorxhias, është miratuar në vitin 1980 dhe parashikon si vepër penale pjesëmarrjen, krijimin, ose ruajtjen e kontrollit të një “organizate” përmes “një sërë veprimtarish të krimit të organizuar”, ose thurrja e një komploti për këtë qëllim. Një veprimtari kriminale jo domosdoshmërisht duhet të ketë përfunduar me sukses, që të gjykohet në bazë të ligjit ‘RICO’.
Termi “organizatë” mund të nënkuptojë një njeri të vetëm, ose një grup personash, që kanë të njejtin synim. “Krim i organizuar” nënkupton të kryesh, ose të synosh të kryesh; t’i kërkosh, të shantazhosh, ose të kërcënosh dikë për të kryer, një nga mbi 30 veprat penale të parashikuara në kodin penal të shtetit.
Duhet të jenë kryer të paktën dy vepra penale, që të përmbushet standarti i “një veprimtarie të përsëritur të krimit të organizuar”, ose me fjalë të tjera, prokurorët duhet të provojnë se një individ është përfshirë në dy, ose më shumë vepra penale, si pjesë e veprimtarisë së tij në një organizatë kriminale, që të gjykohet në bazë të ligjit ‘RICO’.
Gjykata e Lartë, në opinion për ligjin federal ‘RICO”, thekson se akuzat duhet të tregojnë vazhdimësi, d.m.th., të jenë kryer një sërë veprash penale, gjatë një periudhe të gjatë kohore, jo vetëm brenda disa javësh e muajsh. Por Gjykata e Lartë e Xhorxhias ka sqaruar se ligji ‘RICO”, i shtetit të Xhorxhias nuk përmban kërkesa të tilla kohore.
Përse ligji ‘RICO’
“Unë jam një mbështetëse e ‘RICO’-s”, u shpreh prokurorja Willis në gusht të vitit 2022, ndërsa njoftonte akuza të bazuara mbi këtë ligj, ndaj mbi 20 të pandehurve si anëtarë bandash kriminale.
Prokurorja tha se anëtarët e jurisë duan të dinë të gjitha faktet, që lidhen me një krim të dyshuar dhe akuzat në bazë të ligjit ‘RICO’, u japin mundësi prokurorëve të ofrojnë një pamje të plotë të të gjithë aktivitetit të paligjshëm.
Shpallja fajtor për akuza të ligjit “RICO’ shoqërohet me dënime të rënda, që mund t’iu shtohen dënimeve për akuza më të lehta.
Në Xhorxhia, ajo shoqërohet me dënime me burg nga 5 deri në 20 vjet; gjobë prej 25 mijë dollarësh, ose tre herë më shumë se shuma e përfituar nga aktiviteti kriminal, ose të dyja, burg dhe gjobë.
Sfidat e përdorimit të ligjit ‘RICO’ nga prokuroria
Prokurori J. Tom Morgan përdori ligjin ‘RICO’ për të akuzuar një sherif të korruptuar në Qarkun DeKalb, ngjitur me qarkun Fulton. Një prej sfidave, thotë ai, është t’i shpjegosh jurisë se çfarë nënkupton ligji ‘RICO’ dhe si funksionon.
“Të gjithë e kuptojnë se ç’do të thotë një akuzë për vrasje, për përdhunim, ose për vjedhje. Por termi ‘RICO’ nuk është pjesë e fjalorit të përditshëm”, thotë ai. “Nuk është një akuzë që shihet në serialet televizivë për krimet”.
Përvoja e Prokurores Willis me ligjin ‘RICO’
Kur ishte Zv/Prokurore qarku në Fulton, ajo drejtoi hetimet dhe ngriti akuza bazuar në ligjin ‘RICO’ ndaj një grupi mësimdhënësish të sistemit publik në një skandal mashtrimi.
Pas një procesi gjyqësor që zgjati një muaj, në prill të vitit 2015, juria i shpalli 11 ish mësuesit fajtorë, nën akuzat për krim të organzuar, për rolin e tyre në një skemë, që rriste artificialisht rezultatet e provimeve të fundvitit në testet standarte të shtetit.
Që kur u bë kryeprokurore distrikti në janar 2021, ajo ka ngritur disa herë akuza bazuar në ligjin ‘RICO’, ndaj anëtarëve të bandave kriminale, përfshirë disa këngëtarë të njohur të muzikës ‘rep’.
Avokati John Floyd, një ekspert ligjor i njohur në mbarë vendin për ligjin ‘RICO’, me zyrë në Atlanta të Xhorxhias, ishte një prej ndihmësve të prokurores Willis në rastin e mësuesve. Pas hapjes së hetimeve për zgjedhjet e vitit 2020, ajo e angazhoi avokatin Floyd si këshilltar të posaçëm për ta ndihmuar në rast se zyra e saj do të ngrinte akuza bazuar në ligjin ‘RICO’.
Tush Frroku KOSOVË- Shtetasi Tush Frroku, i dyshuar për vrasjen e Anton Prelës më 7 gusht në Klinë, është vetë...
Leutrim Retkoceri KOSOVE- Në një konferencë të jashtëzakonshme për media, shefi i asamblistëve të Partisë Dem...
KOSOVË- Ditën e sotme u arrestuan dy shtetas nga Kosova dhe 3 nga Shqipëri, nën akuzat për trafik droge në vlera prej qindra mij...
Besnik Mujeci dhe Albin Kurti KOSOVË- Komisioni Disiplinor i Lëvizjes Vetëvendosje ka marrë vendimin për përjashtimin e Besn...
foto ilustruese Sulmet ajrore ruse goditën dy rajone perëndimore të Ukrainës në kufi me Poloninë anëtare të NATO-s...
shperthimi ne biznes Numri i të vdekurve pas një shpërthimi afër kryeqytetit të Republikës Domenikane të hënë...
Donald Trump SHBA-Ish-presidenti amerikan Donald Trump postoi në platformën e tij të rrjeteve sociale, Truth Social, duke thënë se...
Vjosa Osmani KOSOVË- Presidentja e Kosovës, Vjosa Osmani, i ka dalë në mbrojtje kryeministrit Kurti pas kritikave për vizitë...
Foto ilustruese “Ne jemi qytetarë të Serbisë dhe meritojmë që dikush të merret me problemet tona dhe të mos na l&e...
Margaritis Schinas GREQI- Zëvendëspresidenti i Komisionit Evropian, Margaritis Schinas, edhe eurodeputet i zgjedhur i Greqisë, ka reagu...
