Kuvendi në seancë plenare, debat mes Korreshit dhe Braçes: Kush i rruajti fondet e IPARD?
Nis seanca plenare në Kuvend, 1 minutë heshtje për Afrim Bunjakun 2 Tetor, 17:10 Deputetët në seanc&...
Nis seanca plenare në Kuvend, 1 minutë heshtje për Afrim Bunjakun 2 Tetor, 17:10 Deputetët në seanc&...
Plenkoviç: Operacioni në veri të Kosovës, i planifikuar 2 Tetor, 15:08 Rama dhe Plenkoviç: KE t&...
Pishporo-Darzezë 7 ditë në 'luftë' me flakët, mbërrijnë nga Greqia dy avionë 'Canadair' për të...
“Laert Haxhiu, porositës dhe organizator i vrasjeve”/ Flet babai: Akuzat për tim bir janë të pavërteta 2...
• Masakër në Malin e Zi. 11 persona kanë mbetur të vrarë dhe 6 të tjerë janë plagosur. Mes viktimave ka dy fëmijë. E gjitha ka ndodhur prej Vuk Boriloviç, 34 vjeç, i cili për arsye të pashpjegueshme mori një armë zjarri dhe vrau qiramarrësit e tij. • Ngjarja e rëndë ndodhi në Çetinje të Malit të Zi, rreth orës 16:00. • Boriloviç hapi zjarr dhe më pas mori në telefon kryefamiljarin duke e informuar se i kishte masakruar gruan dhe fëmijët. • Më pas, plagosi të tjerët dhe një nga efektivët që mbërritën në vendin e ngjarjes. • 34-vjeçari u qëllua nga një qytetar pasi nuk iu përgjigj thirrjeve për t'u dorëzuar. • Madje gjatë negociatave, plagosi dhe një polic. • Të plagosurit ndodhen në spital dhe po marrin ndihmën e nevojshme mjekësore. • Njëri është në rrezik. • Ndërkohë hetimet kanë nisur për të zbuluar shkaqet e nisjes së sherrit. • Mali i Zi ka shpallur tre ditë zie për masakrën e ndodhur.
12 artikuj për këtë temë.
MALI I ZI- Vetëm një ditë pas krimit e masakrës me 10 të vrarë, Vijesti sjell një përmbledhje të ngjarjeve më të rënda që ka njohur Mali i Zi.
30 vjet më parë, më 3 qershor 1992, Kosta Damjanoviç, vetëm 22 vjeç ekzekutoi 9 persona në fshatin Pusonjski Do afër Pljevlja. Më pas, edhe vetë autori u vra.
Një vit më vonë, në Çokrije në komunën e Bjelopoljes, 14-vjeçari Momçilo Ceroviç vrau familjen e tij, prindërit, vëllanë, kushëririn dhe mbesën 3-vjeçare dhe më pas u vetëvra.
Në vitin 1993, në Bijelo Polje, Novo Soshiç, 44 vjeç eliminoi katër anëtarë të familjes në shtëpinë e tij. Në mesin e të vrarëve ishin dy fëmijë të moshës 12 dhe 8 vjeç. I mbijetuari i vetëm ishte një djalë 11-vjeçar.
Në vitin 2001, një ndërtesë u shpërthye me lëndë plasëse dhe Srgjaan Stamenkoviç nga Nishi e pesë persona të tjerë mbetën të vrarë.
Në vitin 2006, natën e ndërrimit të viteve, Milan Zekoviç vrau një familje prej 5 anëtarësh në Zelenica, Herceg Novi.
Në vitin 2012, ish-polici Slavko Miloviç nga Andrijevica vrau tre persona në Rijeka Marseniç. Ai ekzekutoi vjehrrin, vjehrrën dhe kunatën. Më pas u vetëvra. 10 vite pas kësaj ngjarjeje të rëndë, Mali i Zi njohu një tjetër masakër. 34-vjeçari Vuk Boriloviç qëlloi 10 persona, duke u marrë jetën edhe dy fëmijëve. Ndërsa gjashtë të tjerë u plagosën. Boriloviç u vra nga një qytetar në zonë, Nenad Neno Kaluđeroviç, që për qytetarët e tjerë, tashmë është hero.
Njëri prej banorëve thotë se është i habitur nga ngjarja, pasi në sjelljen e tij nuk shfaqte apo tregonte se mund të ishte i rrezikshëm. Por një tjetër mendon se ngjarja mund të ishte parandaluar, shkruan Vijesti.
“Kohët e fundit, ndoshta edhe në muajt e fundit, nuk ishte më Vuku që njihnim më parë. Mund të themi se ai vazhdimisht kishte ndjenjën se dikush po e përndiqte – thotë një prej banorëve në Cetinjë.
Në lagjen ku ndodhi masakra dje nuk dëgjohet asgjë. Në një nga shtëpitë ku janë vrarë njerëz, janë mbledhur të afërmit, ndërsa në ballkon shihen persona me të zeza.
“ Një i vdekur dje ishte shtrirë në portën time. Gruaja ime ishte aty me fëmijët kur filluan të shtënat, në njëfarë mënyre arriti t’i tërhiqte në shtëpi dhe të mbyllej – thotë një banor.
“Vrau djalin te dera, dhe më pas edhe vëllain e tij më të vogël që tentoi të fshihej. Ai vrau nënën e tyre për herë të tretë. Pastaj thirri burrin e Natashës dhe i tha: Unë vrava familjen time”
“Ai doli nga shtëpia dhe 80 metra larg saj filloi të qëllonte me radhë ndaj të gjithëve. Ai vrau xhaxhain e tij që u përpoq të arsyetonte me të. Njerëzit vraponin në rrugë, mbylleshin, e ai ecte rrezikshëm tyre” rrëfen një tjetër banor, dëshmitar i masakrës.
MAL I ZI- Personi që shihni në foto është Nenad Neno Kaluđeroviç, qytetari hero në Mal të Zi i cili eliminoi ‘demonin kaotik’ Vuk Boriloviç që vrau 10 persona dhe plagosi 6 prej tyre. Fotoja e tij është përhapur kudo në rrjetet sociale, ndërsa nuk mungojnë komentet që e cilësojnë hero.
“Njeriu që pastroi rrugët e Cetinjës nga demonët! Hero, hero! Ju shpëtuat disa jetë sot! Burgu nuk është për ty sepse nuk ke shkelur ligjin, ke mbrojtur veten, ke shpëtuar një numër të madh të fqinjëve, kumbarëve, miqve. I gjithë Mali i Zi është me ju në këto kohë të vështira!”
POSTIMI I PLOTË:
34-vjeçari Boriloviç qëlloi 10 persona, një familje të tërë dhe çfarë t’i dilte përpara, duke u marrë jetën edhe dy fëmijëve, ndërsa 6 persona të tjerë ndodhen në spital, pasi gjithashtu ishin viktima të të shtënave të tij.
MAL I ZI- Detaje të reja janë mësuar lidhur me 34-vjeçarin Vuk Boriloviç, i cili është autori për masakrën në Cetinje. Mediat serbe kanë bërë me dije se Vuk kishte punuar në Parkun Kombëtar për më shumë se pesë vjet, dhe kishte mbajtur rolin e shefit të shërbimit të higjienës së mjedisit.
Kolegët e përshkruanin si një njeri punëtor por së fundmi kishte rënë në sy se ishte kthyer në një “ujktëi vetmuar”. Shkonte në punë, bënte atë që duhej të bënte dhe më pas izolohej duke u distancuar nga kolegët. Vuk Boriloviç ka vrarë dje 10 persona në Cetinje dhe më pas është vrarë nga Policia.
Sipas dëshmitarëve okularë, sulmuesi fillimisht ka vrarë fqinjën dhe fëmijët e saj, pas së cilës e ka telefonuar bashkëshortin e vrarë dhe i ka treguar se çfarë kishte bërë. Më pas, sipas të njëjtave burime, ai vazhdoi sulmin, duke shtënë në drejtim të fqinjëve dhe kalimtarëve.
MAL I ZI- Detaje të reja janë zbuluar nga masakra e ndodhur ditën e djeshme në Malin e Zi ku 34-vjeçari Vuk Boriloviç ka vrarë dhjetë persona në Cetinjë, derisa më pas ai vetë është bërë viktima e 11-të, pasi u vra nga policia.
Autoritetet atje kanë treguar edhe me detaje se si Boriloviç vrau fqinjët e tij rend nëpër shtëpitë e tyre dhe para familjarëve të tyre. Ai e kishte filluar nga shtëpia e qiramarrësit e tij kur hyri në banesën e tyre rreth orës 15:30 dhe vrau 11 vjeçarin M. në derë, pastaj vëllanë e tij tre vjet më të vogël dhe më pas qëlloi nënën e tyre, Natasha Pajović Martinoviç.
Pasi i ka vrarë, ka telefonuar edhe babanë e fëmijëve dhe burrin e Natashas, Millosh Martinoviç dhe i ka thënë: “Unë e kam vrarë familjen tënde”.
Për 45 minuta të tjera, Boriloviç me armë gjuetie në dorë shkoi edhe në shtëpitë e fqinjve të tjerë, duke vrarë shtatë persona të tjerë dhe duke plagosur gjashtë të tjerë.
Masakra ndodhi më 12 gusht ku një 34-vjeçar me inicialet Vuk Boriloviç, ka qëlluar me armë zjarri në drejtim të një grupi personash duke lënë të vdekur 10 dhe duke plagosur 11 të tjerë në Cetinjë të Malit të Zi. Pas mbërritjes së policisë autori ka vijuar të qëllojë kundët efektivëve ku më pas është ekzekutuar ngë një bashkëqytetar. Kyreministri i vendit Dritan Abazoviç ka shprehur ngushëllimet për viktimat dhe ka shpallur 3 ditë zie në vend.
MAL I ZI- Vuk Boriloviç nga Cetinja, dje vrau 10 persona, e plagosi 6 të tjerë. Autoritetet thonë se ende nuk e kanë zbuluar arsyen se përse Boriloviç (34 vjeç) vendosi të kryente atë "akt të urryer", derisa u qëllua për vdekje nga Policia. Por si ndodhi tragjedia e madhe dhe si u vra Boriloviç?
Sipas të dhënave zyrtare, Boriloviç hyri në banesën e qiramarrësve të tij rreth orës 15:30 dhe vrau njëmbëdhjetë vjeçarin M. në derë, pastaj vëllanë e tij tre vjet më të vogël, dhe më pas qëlloi nënën e tyre - Natasha Pajović Martinoviç, e cila kishte dalë në dritare. Pasi i ka vrarë, ka telefonuar babanë dhe bashkëshortin e tyre, Millosh Martinoviçin dhe i ka thënë: Kam vrarë familjen tënde dhe timen.
Në 45 minutat e ardhshme, ai hyri në shtëpinë e fqinjit ku vrau bashkëqytetarët e moshuar - Danijela dhe Dimitrije Drecun dhe plagosi rëndë nipin e tyre Aleksandar Drecun (32 vjeç). Në prag të asaj shtëpie ka vrarë edhe djalin e tyre Rajko Drecun (56), i cili ka vrapuar drejt shtëpisë kur ka dëgjuar të shtënat.
Boriloviç vrau edhe fqinjin e tij Milan Mitroviç (37), e më pas dajën e tij Goran Gjurishiç (54), dhe më pas, duke zbritur në rrugë, vrau fqinjët Aleksandra (52) dhe Danijela Radunoviç (51). Ai plagosi edhe katër fqinjë të tjerë - Sllavica Zvicer, Filip Gjurkoviç, Mileva Ramadanoviç dhe Darinka Çelebiç, si dhe polici Ljubisha Maksimoviç, i cili po përpiqej ta qetësonte vrasësin.
Ndërsa gjatë shkëmbimit të zjarrit plagosi rëndë edhe një polic, e për asnjë moment nuk iu bind thirrjeve për t'u dorëzuar, ndaj dhe efektivët e Policisë u detyruan që ta qëllonin për vdekje. Aktualisht 6 nga të plagosurit e Boriloviç ndodhen në spital, ku njëri është në gjendje të rëndë për jetën./ Kurir
KOSOVË- Presidentja e Kosovës, Vjosa Osmani, ka shprehur mbështetjen dhe ngushëllimet e saj për 11 viktimat e masakrës së Cetinjës në Malin e Zi.
Në një postim në Twitter Osmani u shpreh se Kosova i qëndron pranë Malit të Zi dhe i uroi shërim të shpejtë dhjetëra personave që mbetën të plagosur.
“E pikëlluar nga lajmi për të shtënat masive sot në Cetinje të Malit të Zi. Duke dërguar ngushëllimet më të sinqerta për Presidentin Gjukanoviq, familjeve që humbën të dashurit e tyre u urojmë shërim të shpejtë të lënduarve. Ne qëndrojmë me popullin e Malit të Zi në këtë moment pikëllimi”, ka shkruar Osmani.
Masakra ndodhi më 12 gusht ku një 34-vjeçar me inicialet Vuk Boriloviç, ka qëlluar me armë zjarri në drejtim të një grupi personash duke lënë të vdekur 10 dhe duke plagosur 11 të tjerë në Cetinjë të Malit të Zi. Pas mbërritjes së policisë autori ka vijuar të qëllojë kundët efektivëve ku më pas është ekzekutuar ngë një bashkëqytetar. Kyreministri i vendit Dritan Abazoviç ka shprehur ngushëllimet për viktimat dhe ka shpallur 3 ditë zie në vend.
MAL I ZI- Në masakrën në Cetinjë të Malit të Zi janë vrarë 11 persona, mes tyre edhe sulmuesi, ka bërë të ditur prokurorja kujdestare, Andrijana Nastiq.
Në mesin e vrarëve janë edhe dy fëmijë. Gjashtë persona janë duke u trajtuar në spital, tre prej të cilëve janë në rrezik për jetë. Sipas deklaratës së prokurores Nastiq dhënë për televizionin Vijesti, sulmuesi është vrarë nga një bashkëqytetar.
Pesë orë pas tragjedisë, drejtori i policisë, Zoran Bërgjanin, ka thënë se sipas informacioneve të policisë, rreth orës 15:30 të datës 12 gusht, 34-vjeçari me inicialet V.B. nga Cetinja ka qëlluar me armë në drejtim të një familjeje, anëtarët e të cilës ishin qiramarrës në shtëpinë e tij, në vendbanimin Medovina.
“Në këtë rast, duke përdorur armën e zjarrit – pushkë gjuetie – ka marrë jetën e dy fëmijëve, njëri tetë dhe tjetri 11 vjeç dhe ka plagosur nënën e tyre, e cila vdiq në spital nga plagët e marra. Më pas ai ka dalë dhe ka qëlluar banorët të kësaj lagjeje me të njëjtën armë zjarri, me ç’rast u ka marrë jetën shtatë personave të tjerë, ndërsa gjashtë të tjerë i ka plagosur”, ka shpjeguar Bërgjanin.
Nga shkëmbimi i zjarrit është plagosur rëndë një polic, ka deklaruar drejtori i policisë, duke shtuar se nuk dihet se çfarë e ka motivuar V.B. që ta kryejë këtë akt, me ç'rast edhe ai vetë është privuar nga jeta.
Dy nga të lënduarit janë duke u trajtuar në spitalin e Cetinjës, ndërsa të tjerët në Podgoricë.
Kryeministri Dritan Abazoviq tha se të shtënat ishin një tragjedi më e rëndë se çdo tjetër në kujtesën kolektive të malazezëve dhe bëri të ditur se qeveria e Malit të Zi do të shpallë tri ditë zie lidhur me ngjarjen e rëndë.
“U bëj thirrje të gjithë qytetarëve të Malit të Zi që të qëndrojnë pranë me familjet e viktimave të pafajshme, të afërmit e tyre, miqtë dhe të gjithë qytetarët e kryeqytetit të Cetinjës”, tha Abazoviq në Telegram.
Kjo është ngjarja më vdekjeprurëse në dekadat e fundit në Mal të Zi teksa ndodhi në kulmin e sezonit turistik./REL/
MALI I ZI- Prokurorja që po ndjek masakrën me dhjetë të vrarë në Malin e Zi, Andrijana Nastiç, njoftoi për mediat se janë gjetur nëntë persona të vdekur në vendin ku ka ndodhur sulmi.
Ajo shtoi se dy të tjerë kanë ndërruar jetë në Qendrën Klinike për shkak të plagëve të marra. Prokurorja tha se në mesin e viktimave janë 2 fëmijë. Ndërsa autori i masakrës, 34-vjeçari rezulton të jetë vrarë nga një qytetar dhe jo policia, siç u raportua më herët.
MALI I ZI- Dritan Abazoviç, kryeministri i Malit të Zi ka reaguar pas tragjedisë që ka tronditur vendin këtë pasdite. Në një postim në Telegram, Abazoviç ka bërë lutje për ngushëllim për të gjithë familjarët e 10 personave që u vranë në Cetinje.
“U bëj thirrje të gjithë qytetarëve të Malit të Zi që të jenë me familjet e viktimave të pafajshme, të afërmit e tyre, miqtë dhe të gjithë qytetarët e Kryeqytetit të Cetinjës,”- tha Abazovic në Telegram.
34-vjeçari Vuçko Boriloviç ka vrarë sot 10 persona dhe ka plagosur 11 të tjerë. Gjithçka ndodhi pas një konflikti në familje. Ndërhyrja e policisë nuk e ka bindur të riun të dorëzohej, ai ka qëlluar edhe në drejtim të efektivëve që e kanë ekzekutuar më pas. Mes viktimave ka fëmijë.
MALI I ZI- Vuçko Boriloviç është 34-vjeçari, autori i vrasjes së 10 personave në Malin e Zi. Ngjarja e rëndë ndodhi pasditen e sotme pas orës 16:00 në Cetinje. 34-vjeçari shkoi në shtëpinë e një familjeje në Medovina me të cilët debatoi. Pas sherrit, ai qëlloi me armë duke vrarë 10 persona dhe duke plagosur 10 të tjerë. Mbërritja e policisë nuk e bëri të riun që të lëshonte armën dhe të dorëzohej.
Ai qëlloi edhe në drejtim të efektivëve, të cilët më pas iu kundërpërgjigjën me armë duke e lënë të vdekur në vend 34-vjeçarin. Mes të vrarëve ka edhe të mitur dhe një prej të plagosurve është efektiv policie, por ende nuk janë zbardhur të tjera detaje mbi ngjarjen. Nuk dihet sae cili ka qenë shkaku që ka sjellë sherrin që u mbyll me këtë bilanc tragjik.
MALI I ZI- Tragjedi me 11 viktima dhe 10 të plagosur në Malin e Zi! Një 34-vjeçar me inicialet V.B., ka qëlluar me armë zjarri në drejtim të një grupi personash duke lënë të vdekur 10 dhe duke plagosur 10 të tjerë. Ngjarja e rëndë ka ndodhur në Cetinja, pasditen e kësaj të premteje, rreth orës 16:00.
34-vjeçari shkoi në shtëpinë e një familjeje në Medovina me të cilët debatoi. Pas sherrit, ai qëlloi me armëduke vrarë disa dhe duke plagosur persona të tjerë. Mbërritja e policisë nuk e bëri të riun që të lëshonte armën dhe të dorëzohej. Ai qëlloi edhe në drejtim të efektivëve, të cilët më pas iu kundërpërgjigjën me armë duke e lënë të vdekur në vend 34-vjeçarin.
Me vrasjen e autorit, bilanci i tragjedisë shkoi në 11 të vrarë dhe 10 të plagosur. Nuk dihen ende shkaqet e kësaj ngjarjeje të rëndë, se çfarë e ka nisur debatin mes të riut dhe familjes tjetër, gjë që çoi në shkaktimin e kësaj tragjedie. Ende nuk janë zbardhur identitetet e viktimave apo të të plagosurve, por bëhet me dije se të plagosurve është edhe një polic. Mes të vrarëve ka edhe të mitur.
Në vendngjarje ndodhet prokurori i lartë i shtetit, shërbimet e emergjencës, policia dhe Shërbimi i Mbrojtjes dhe Shpëtimit.
