Masa e fundit për të rritur prodhimin vendas të karburanteve fosile, Administrata Trump hap strehën e kafshëve të egra në Alaskë

Qeveria amerikane ka hapur të gjithë Rezervatin Kombëtar të Kafshëve të Egra të Alaskës për shpime për naftë dhe gaz , duke përmbysur një vendim të administratës Biden që e ndalonte hyrjen në këtë zonë të egër të virgjër. Sekretari i Brendshëm Doug Bergham njoftoi të enjten se agjencia po hap një zonë prej 2,400 miljesh katrore (6,300 km katrorë) në anën veriore të shtetit. Ky është veprimi i fundit nga administrata për të rritur prodhimin vendas të karburanteve fosile, duke përmbushur premtimin e Presidentit Donald Trump për të rifilluar qiradhëniet në zonë. Zona bregdetare e strehës vlerësohet të përmbajë miliarda fuçi naftë bruto. Megjithatë, shumë kompani nafte kanë hezituar të shfrytëzojnë depozitat në zonë për shkak të kostos së lartë. Ambientalistët dhe vendasit e Alaskës thonë se shpimet për naftë në zonë rrezikojnë dhelprat arktike, arinjtë polarë dhe kaributë.