LIVE UPDATES
Bota

Kurti refuzoi 'Listën serbe' të marrë pjesë në zgjedhjet në veri/ Rakiç: Mosbesimi që serbët ndjejnë ndaj Kurtit është çimentuar me lëvizjet e fundit

Gjithashtu partia që drejton Goran Rakiç thotë se akuzat e Kurtit se Beogradi zyrtar po përzihet në punët e brendshme të Kosovës s’ka bazë.

23 Mars 2023, 17:17 Nga a.l
Kurti refuzoi 'Listën serbe' të marrë pjesë
Lista Serbe

SERBI-“Lista Serbe” që drejtohet nga Goran Rakiç ka reaguar ndaj kryeministrit të Kosovës, Albin Kurti sa i përket qëndrimit të këtij të fundit për refuzimin e “Srpskas” për të marrë pjesë në zgjedhjet lokale në katër komunat veriore. Në një njoftim për media, “Lista Serbe” thotë se lëvizjet e tyre të fundit janë bërë si rezultat i “mosbesimit që serbët e ndjejnë ndaj Kurtit”.

Gjithashtu partia që drejton Goran Rakiç thotë se akuzat e Kurtit se Beogradi zyrtar po përzihet në punët e brendshme të Kosovës s’ka bazë. Përveç tjerash thonë se vendimi i tyre për të mos marrë pjesë në zgjedhje është si rezultat i dhunës së vazhdueshme insititucionale të ushtruar ndaj serbëve nga regjimi i Albin Kurtit.

“Në dy vitet e mëparshme, regjimi antiserb i Aljbin Kurtit ua mohoi serbëve në Kosovë dhe Metohi të drejtën e votës në zgjedhje dhe referendume, ndaloi vaksinimin kundër virusit korona dhe pengoi dërgimin e barnave dhe mjeteve mjekësore, arrestoi, persekutoi dhe akuzoi serbët pa asnjë provë, dhe megjithëse ka marrëveshje në Bruksel, pengoi përdorimin e targave KM në Kosovë dhe Metohi nën kërcënimin e forcës dhe në këtë mënyrë i privoi popullit serb të drejtën e lirisë së lëvizjes, çdo ditë ata ngacmojnë popullin serb. dhe qëllojnë serbët, me duartrokitje të ministrit të Kurtit, Sveçla", thuhet në njoftim.

 

lista serbe

Sondazh

Poll
MË SHUMË

Shiko video te tjera