LIVE UPDATES
Bota

Koreja e Veriut shfaq dronët e rinj mes raportimeve se ka dërguar më shumë trupa në Rusi

Pheniani më 27 mars publikoi imazhe që shfaqnin Kimin duke inspektuar testimet e dronëve vëzhgues dhe sulmues në një vendndodhje të panjohur.

28 Mars 2025, 17:28 Nga r.ll
Koreja e Veriut shfaq dronët e rinj mes raportimeve se ka dërguar
kim jong un

PHENIAN- Udhëheqësi i Koresë së Veriut, Kim Jong Un, ka shfaqur dronët e rinj ushtarakë, mes raportimeve se ai ka dërguar edhe 3.000 trupa shtesë për të ndihmuar Rusinë në luftën e saj në Ukrainë.

Pheniani më 27 mars publikoi imazhe që shfaqnin Kimin duke inspektuar testimet e dronëve vëzhgues dhe sulmues në një vendndodhje të panjohur. Ka shqetësime ndërkombëtare se Rusia po i ofron Koresë së Veriut teknologji për dronë në këmbim të ndihmës së konsiderueshme ushtarake.

Po të njëjtën ditë që Kimi inspektoi dronët e rinj, agjencia e lajmeve koreanojugore Yonhap, citoi Shtabin e Përgjithshëm të ushtrisë së Seulit të ketë thënë se “duket se afër 3.000 [trupa shtesë të Koresë së Veriut] janë dislokuar [në Rusi] në janar dhe shkurt”.

Raportimet për dislokime të reja vijnë pasi më herët një kontingjent prej 11.000 ushtarësh të Phenianit u dërguan dhe trupat janë parë në fushëbetejën në rajonin Kursk të Rusisë.

“Mund të themi se Rusia veçse është bërë e varur nga Koreja e Veriut në shumë mënyra, jo vetëm për predha, por edhe për armë të tjera... si dhe në aspektin e ushtarëve”, tha për Current Time të Radios Evropa e Lirë analisti ukrainas, Oleh Saakyan.

Dislokimi i trupave shtesë fillimisht u raportua në fund të shkurtit, por nuk kishte detaje për numrin e ushtarëve.

Zhvillimet e reja vijnë në kohën kur zëvendësministri i Jashtëm rus, Andrei Rudenko, i tha medias shtetërore se po bëhen plane që Kim ta vizitojë Moskën më vonë gjatë këtij viti.

Kim më herët kishte vizituar Moskën, duke udhëtuar me trenin e tij të blinduar më 2019 dhe 2023, kur u takua me presidentin rus, Vladimir Putin. Ai po ashtu ka qëndruar disa herë në Kinë dhe po ashtu ka mbajtur samite me presidentin amerikan, Donald Trump, më 2018 dhe 2019.

Ka pasur një përmirësim substancial të raporteve mes Moskës dhe Phenianit që kur Moska nisi pushtimin në shkallë të plotë të Ukrainës më 2022.

Përveç se ka dërguar trupa, Koreja e Veriut po ashtu ka dërguar raketa me rreze të mesme veprimi, obusë dhe raketahedhës, sipas ushtrisë të Koresë së Jugut.

“Në realitet, gjendja e ekonomisë ruse dhe kërkesat e Rusisë për mobilizim po bëhen gjithnjë e më të vështira që të përmbushen, sikurse edhe në Ukrainë”, tha Saakyan, bashkëthemelues i Platformës Kombëtare të Ukrainës për Qëndrueshmëri dhe Kohezion, një grup jofitimprurës.

“Ne veçse mund të shohim gjithnjë e më shumë armë nga Koreja e Veriut që po shfaqen në frontin e luftës”.

Shtabi i Përgjithshëm i Seulit tha se zhvillimet e reja po ashtu përfshijnë pajisje shtesë dhe municion.

Ky zhvillim vjen në kohën kur Rusia po kërkon që shtetet perëndimore të ndalojnë ndihmat ushtarake për Ukrainën, si kusht për një marrëveshje për armëpushim të pjesshëm.

Muajin e kaluar, Kim tha se forcat e tij do të vazhdojnë të mbështesin Rusinë si pjesë e një “partneriteti gjithëpërfshirës strategjik”.

Dislokimi i ushtarëve në Rusi nisi vjeshtën e kaluar. Fillimisht, nuk shkoi mirë, pasi kishte raportime për viktima të shumta teksa ushtarët koreanoveriorë e kishin të vështirë të përballeshin me sulmet ukrainase me dronë.

Në fund të janarit, një zyrtar i inteligjencës ushtarake ukrainase i tha Current Time se trupat e Koresë së Veriut ishin larguar nga vija e frontit “për shkak të humbjeve të mëdha”.

Komanda për operacione të posaçme e Ukrainës i tha Radios Evropa e Lirë se trupat koreanoveriore “u detyruan që të tërhiqeshin”.

Por, së voni performanca e tyre duket se është përmirësuar. Forcat e Koresë së Veriut thuhet se kanë pasur rol në dëbimin e forcave ukrainase në betejat e fundit në rajonin e Kurskut.

Roli i tyre në luftime ka rritur shqetësimet në Korenë e Jugut se forcat e Kimit po fitojnë përvojë të çmuar në fushëbetejë. Po ashtu ka shqetësime mbi mundësinë e transferimit të teknologjisë nga Moska në Phenian.

Media shtetërore koreanoveriore raportoi më 27 mars se Kim ishte i kënaqur me dronët e rinj dhe tha se prodhimi do të rritet, pasi dronët dhe inteligjenca artificiale janë bërë prioritete kryesore.

Zëdhënësi i ushtrisë të Koresë së Jugut, Lee Sung Joon, tha se dronët e rinj që janë shfaqur mund të kenë komponentë nga Rusia, por Pheniani me gjasë po i ekzagjeron aftësitë e këtyre fluturakeve pa pilotë.

“Ne vlerësojmë se këta dronë mund të rrëzohen me lehtësi”, tha ai./REL

koreja e veriut

Sondazh

Poll
MË SHUMË

Nesër protestë para Kuvendit! Paralajmëron protestuesi: Më 23 tubimi i madh

Nesër protestë para Kuvendit! Paralajmëron protestuesi: Më 23 tubimi i madh

Protestuesi: Nuk ndalojmë deri në largimin e atij që është strukur në Kryeministri

Nis marshimi drejt Kryeministrisë, protestuesit bëjnë thirrje për dorëheqjen e kryeministrit

Dita e 50-të e protestës/ Nis grumbullimi në sheshin "Skëndërbej"

Kryeministri Rama kryen nderimet në homazhet për gazetarin Enrik Mehmeti

Emigrantët bllokohen në pikën kufitare mes Kroacisë dhe Serbisë, kërkojnë informacion

Pesë turistë gjermanë mbetën të bllokuar në Karaburun, ekipet e shpëtimit bënë të mundur gjetjen

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Protesta qytetare bën bashkë shqipëtarë nga çdo krahinë, valëviten flamujt nga diaspora

Protesta e 46-të/ Mbyllen fjalimet para Kryeministrisë, nis marshimi rrugëve të Tiranës

Shiko video te tjera