Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Azerbajxhani është duke e bërë të pamundurën për t’i joshur rreth 1.200 studentë që të studiojnë në Nagorno-Karabak.
AZERBAJXHAN- Dhoma të rehatshme nëpër konvikte dhe pamje prej malit. Salla të ligjëratave në ndërtesave të reja, në të cilat do të ligjërojnë disa prej profesorëve më me nam. Azerbajxhani është duke e bërë të pamundurën për t’i joshur rreth 1.200 studentë që të studiojnë në Nagorno-Karabak. Presidenti azerbajxhanas, Ilham Aliyev ka ndarë në muajin shkurt rreth 6 milionë dollarë për të ndërtuar, pothuajse nga fillimi, Universitetin Karabak në kryeqytetin rajonal, Xankendi, i cili është quajtur Stepanakert, kur aty kanë jetuar dhe zonën e kanë kontrolluar armenët etnikë.
Bakuja e kontrollon Karabakun prej shtatorit të vitit 2023, kur forcat e tij ushtarake patën nisur një ofensivë për të rimarrë kontrollin e territorit, në të cilin armenët etnikë e kanë shijuar pavarësinë de facto prej mesit të viteve '90. Pak ditë pas ofensivës së shtatorit, rreth 100.000 armenë etnikë gati e gjithë popullata kanë ikur drejt Armenisë. Prej marrjes së kontrollit, Azerbajxhani është akuzuar se ka rrafshuar me tokë qyteza armene dhe qendra fetare e kulturore.
Rusia ka angazhuar trupa ushtarake në Nagorno-Karabak, pas luftës së fundit të madhe në mes të Armenisë dhe Azebajxhanit, më 2020, mirëpo në prill të këtij viti ka thënë se ka nisur tërheqjen e tyre. Pasi pothuajse shumica e armenëve janë larguar prej asaj që dikur është njohur si Stepanakert, Xankendi i sotëm është përshkruar në muajt e fundit si qytezë fantazmë. Në kërkim e sipër të mënyrave për të ripopulluar qytetin, Aliyev, presidenti i Azerbajxhanit prej vitit 2003, e ka nënshkruar një dekret në nëntor të vitit 2023 për të themeluar Universitetin Karabak. Më 20 maj, ai e ka emëruar Sahin Bayramovin, si president të universitetit.
Ministria e Azerbajxhanit për Shkencë dhe Edukim, ka thënë se fundmi se është duke u punuar në infrastrukturë dhe që sallat e ligjëratave, konviktet dhe ndërtesat tjera pritet të jenë funksionale brenda muajsh. Universiteti Karabak pret që t’i hapë dyert për studentët këtë vjeshtë, për të nisur vitin akademik. Zyrtarët e përmendin shpesh që gjithçka do të jetë falas, përfshirë pranimin, dhomën e konviktit dhe një laptop. Në Azerbajxhan, shumica e universiteteve janë me pagesë. Ministria për Shkencë dhe Edukim planifikon që t’i hapë tetë departamente studimi në universitetin e ri, përfshirë atë të inxhinierisë, ekonomisë dhe turizmit. Synimi është që të jenë 1.200 studentë, ka thënë Emin Amrullayev, ministër për Shkencë dhe Edukim.
"Për të garantuar suksesin e tij, universiteti duhet të hapë degë më premtuese, përfshirë ato të shkencave kompjuterike dhe inteligjencës artificiale", ka thënë Farid Imanov, ekspert në edukim.
“Është më e lehtë të gjesh punë në njërën prej këtyre degëve”, ka thënë Imanov në një përgjigje për Radion Evropa e Lirë.
Bakuja dhe Jerevani janë duke negociuar aktualisht atë që besohet të jetë marrëveshja finale mes tyre, diçka që po vëzhgohet prej afër dhe po mbështetet nga Bashkimi Evropian dhe Shtetet e Bashkuara. Por, bisedimet kanë dalë të jenë sfiduese, pasi një vendim i marrë së fundi nga Armenia, për t’ia dorëzuar disa vendbanime të braktisura Azerbajxhanit, është përcjellë me protesta dhe thirrje për dorëheqje të kryeministrit armen, Nikol Pashinian./ REL
Foto ilustruese SHBA- Donald Trump-i u përfshi në “konspiracion dhe fshehje” i tha të martën jurisë një prokuror ...
Vladmiri Putin RUSIA- Presidenti rus, Vladimir Putin, paralajmëroi Perëndimin të martën se anëtarët e NATO-s në Evrop&e...
Foto ilustruese SHBA- Stuhi të fuqishme, erëra shkatërruese dhe breshër në madhësi të topit të golfit goditën ...
Foto ilustruese AUSTRALI- Zbulimi i një kordoni kërthizor dhe placentës në baltë pranë një lumi australian ka nxitur nj&...
pamje nga vendngjarja SHBA- Një grua shtatzënë kërkon në varreza emër për fëmijën e saj dhe kjo ka shkaktuar n...
Foto ilustruese KOSOVË- Policia e Kosovës ka njoftuar se ka arrestuar një zyrtarë nga zyra kadastrale, i cili dyshohet se ka ndërh...
foto ilustruese KOREJA E VERIUT- Koreja e Veriut tha se përpjekja e saj për të dërguar në hapësirë një satelit t&eu...
foto ilustruese BOSNJE HERCEGOVINE- Ligji për regjistrin e veçantë dhe publicitetin e punës së organizatave jofitimprurëse ...
hashtagu vizual GAZË- Lufta në Rripin e Gazës nuk është më në errësirë. Këtë e dëshmo...
Volodymyr Zelenskyy UKRAINA- Presidenti i Ukrainës Volodymyr Zelenskyy i ka kërkuar Presidentit amerikan Joe Biden të marrë pjesë...
