Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Autoritetet po hetojnë se si një person i armatosur arriti të afrohej mjaftueshëm për të qëlluar dhe plagosur ish-presidentin Trump, një dështim i rëndë në një prej detyrave kryesore të agjencisë.
Atentati ndaj ish-presidentit Donald Trump ngriti shumë pikëpyetje mbi agjencinë përgjegjëse për sigurinë e kandidatit për president, atë të Shërbimit Sekret.
Autoritetet po hetojnë se si një person i armatosur arriti të afrohej mjaftueshëm për të qëlluar dhe plagosur ish-presidentin Trump, një dështim i rëndë në një prej detyrave kryesore të agjencisë.
Shërbimi Sekret i Shteteve të Bashkuara tha sot se do të bashkëpunojë plotësisht në hetimet e shpallura nga presidenti amerikan Joe Biden dhe anëtarët e Kongresit, pasi agjentët e saj nuk arritën të prandalojnë atentanin ndaj ish-presidentit Donald Trump, gjatë një tubimi elektoral të shtunën në Pensilvani.
Byroja Federale e Hetimeve, FBI thotë se po e heton incidentin e së shtunës si përpjekje për vrasje. Presidenti Biden njoftoi se ka urdhëruar një hetim të pavarur, ndërsa ligjvënësit republikan u zotuan për hetime të shpejta.
Sulmi ndaj ish-presidentit Trump ngriti shumë pikëpyetje mbi sigurinë e kandidatit republikan për president në tubimet e fushatës elektorale dhe shkaqet e dështimit të masave të sigurisë në tubimin e së shtunës në Pensilvani.
“Ai ka në dispozicion një njësi të vogël shumë të fortë të mbrojtjes, që është me të gjatë gjithë kohës. Por jo domosdoshmërisht ai merr të gjitha burimet që janë në dispozicion. Mendoj se ka disa aspekte të këtij incidenti që duhet të hetohen”, thotë Boby McDonald, ekspert i sigurisë.
Si një ish-president dhe kandidat republikan për president, zoti Trump mbrohet kryesisht nga Shërbimi Sekret. Policia lokale dhe herë pas here edhe agjentë të agjencive të tjera brenda Departamentit të Sigurisë Kombëtare ndihmojnë Shërbimin Sekret në çdo ndalesë të fushatës së zotit Trump.
Ekspertët thonë se kjo nuk është një detyrë e lehtë, sepse shumë tubime kanë me mijëra pjesëmarrës, zhvillohen në mjedise të hapura dhe zgjasin me orë të tëra. Zyrtarët e zbatimit të ligjit zakonisht vendosin pengesa dhe u kërkojnë të gjithë të pranishmëve të kalojnë përmes një detektori metalik.
20 vjeçari që tentoi të vriste ish-presidentin, Thomas Matthew Crooks, u kishte rënë në sy disa pjesëmarrëvesve në tubim, të cilët njoftuan forcat e rendit për veprime të çuditshme të tij. Më pas, oficerët nisën një kërkim të gjerë por nuk arritën ta gjejnë atë, para se ai të hipte mbi godinën prej nga edhe qëlloi disa herë në drejtim të ish-presidentit.
Një ekspert i zbatimit të ligjit thotë se megjithë kufizimet, autori i dyshuar duket se ishte afër vrasjes së ish-presidentit.
“Forcat e zbatimit të ligjit, nën drejtimin e Shërbimit Sekret duhet të ishin pozicionuar në ato çati. Të caktoheshin një, dy deri në tre oficerë që të monitoronin pozicionet e asaj çatie. Por kjo me sa duket nuk u bë. Po sikur të ishte dikush që ishte vërtet i stërvitur për të vrarë dikë” - pyet eksperti Andrew J. Scott.
Thirrjet për një hetim transparent ishin dypartiake.
Ligjvënësi Republikan nga Tenesi, Mark Green, i cili kryeson Komisionin e Dhomës së Përfaqësuesve për Sigurinë Kombëtare, i dërgoi një letër Sekretarit të Sigurisë Kombëtare, me kërkesën për më shumë informacione për mbrojtjen e ofruar nga Shërbimi Sekret për ish-presidentin.
“Serioziteti i këtij dështimi të sigurisë dhe ky moment i frikshëm në historinë e kombit tonë nuk mund të nënvlerësohet”, shkroi ai.
Ligjvënësi demokrat nga Nju Jorku, Ritchie Torres bëri thirrje po ashtu për hetimin e dështimit të masave të sigurisë në tubim.
“Qeveria federale duhet që vazhdimisht të mësojë nga dështimet e sigurisë, në mënyrë që të shmangë përsëritjen e tyre, sidomos dështimeve që kanë pasoja për kombin”, tha Torres.
Ndërkohë, drejtoresha e Shërbimit Sekret, Kimberly Cheatle tha se agjencia po shton masat e sigurisë për kandidatin republikan për president në Kuvendin Kombëtar të Partisë Republikane që fillon sot në Miluoki./VOA
Joe Biden SHBA- Presidenti Joe Biden përdori peshën që ka Zyra Ovale e Shtëpisë së Bardhë për t'u bërë t...
Dmitry Medvedev SHBA- Zëvendëskryetari i Këshillit të Sigurimit të Rusisë, Dmitry Medvedev tha se ish-presidenti amerikan, Do...
Volodmyr Zelenskyy UKRAINË- Presidenti ukrainas, Volodmyr Zelenskyy, ka deklaruar se synon të ketë gati të gjitha elementet e një ...
Donald Trump SHBA- Ish-presidenti Donald Trump tha se shkarkimi i çështjes së tij të dokumenteve të klasifikuara duhet të j...
Kimberly Cheatle SHBA- Në deklaratën e saj të parë publike që nga përpjekja për vrasjen e ish-presidentit Donald Trump, ...
KOSOVË- Ambasadori amerikan në Kosovë, Jeff Hovenier, tha të hënën se disa nga zgjidhjet politike të qeverisë së ...
pamje nga vendngjarja TURQI- Pamje shokuese janë shpërndarë gjerësisht në rrjetet sociale, ku shihen dy të rinj t&...
Donald Trump SHBA- Një gjykatës në Florida sapo ka hedhur poshtë çështjen e dokumenteve të klasifikuara të Depar...
Jonathan Hargreaves dhe Vjosa Osmani KOSOVË- Presidentja Vjosa Osmani është takuar të hënën me ambasadorin britanik në K...
pamje nga vendngjarja SHBA- Ky thuhet të jetë momenti tronditës kur mbështetësit e Donald Trump regjistrojnë atentatorin e m...
