Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Një kishë në Bethlehem, qytetin palestinez të Bregut Perëndimor, vendlindja tradicionale e Krishtit, ka rikrijuar një skenë të lindjes së Krishtit për t’u solidarizuar me palestinezët që po vuajnë për shkak të luftës në Gazë.
TIRANË- Krishtlindja dhe ditët para saj janë zakonisht sezon festiv në Bethlehem. Por këtë vit, siç njofton korrespondentja e Zërit të Amerikës Linda Gradstein, qyteti palestinez i Bregut Perëndimor, ka anuluar festimet për shkak të luftës ndërmjet Izraelit dhe Hamasit.
Një kishë në Bethlehem, qytetin palestinez të Bregut Perëndimor, vendlindja tradicionale e Krishtit, ka rikrijuar një skenë të lindjes së Krishtit për t’u solidarizuar me palestinezët që po vuajnë për shkak të luftës në Gazë.
“Një djep mes gërmadhave, që duket si një shtëpi e shkatërruar në Gazë. Krishti foshnje si një foshnje nën gërmadha. Kemi parë aq shumë pamje të fëmijëve që po nxirren nga gërmadhat. Dhe për ne, kjo është porosia që Krishti identifikohet me vuajtjen tonë," thotë zoti Munther Isaac nga Kisha Evangjeliste Luterane e Lindjes së Krishtit.
Gjatë Krishtlindjes, Bethlehemi është zakonisht i mbushur me turistë të huaj që shkojnë atje për të festuar në sheshin e dekoruar të qytetit. Por lufta që po vazhdon në Gazë dhe sulmet e vazhdueshme me raketa të hedhura nga Hamasi drejt Izraelit kanë mbyllur tërësisht industrinë e turizmit në Izrael dhe në Bregun Perëndimor. Komuna e Bethlehemit ka anuluar të gjitha festimet e Krishtlindjes.
“Qyteti i Bethlehemit është qytet palestinez dhe ne po mbajmë zi. Jemi të trishtuar si çdo qytet tjetër palestinez në Rripin e Gazës dhe Bregun Perëndimor. Andaj anuluam të gjitha festimet e Krishtlindjes dhe të gjitha festimet tjera për shkak të këtij agresioni kundër njerëzve tanë në Rripin e Gazës,” thotë kryetari i Bashkisë së Bethlehemit Hanna Hanania.
Kryebashkiaku thotë se rreth 70 për qind e ekonomisë së Bethlehemit varet nga turizmi. Aktualisht shumica e dyqaneve me dhurata janë mbyllur dhe rreth 70 hotelet, që zakonisht janë tërësisht të rezervuar për Krishtlindje, janë mbyllur. Të rinjtë e papunë sillen vërdallë, të acaruar.
“Mbretëron gjendje shumë e trishtuar. Njerëzit janë të mërzitur për shkak të luftës dhe tani nuk kemi as punë,” thotë palestinezi Leith Rudeideh nga Bethlehemi.
Disa nga turistët e rrallë që po vizitojnë qytetin janë rusë ortodoksë të krishterë nga Moska.
“Nuk frikësohem, jo. Jemi rusë. Nuk kam frikë nga raketat. Unë jam gjithashtu oficer i ushtrisë ruse,” thotë turisti rus Pavel Kriminetsky.
Ndonëse të gjitha festimet janë anuluar, ceremonitë fetare do të mbahen. Kryetari i Bashkisë Hanania thotë se do ta kalojë shumicën e Ditës së Krishtlindjes duke u lutur.
“Do të përqendrohemi në lutje për paqe sepse ky është qytet i paqes. Mesazhi i paqes lindi këtu në momentin kur Jezu Krishti lindi në këtë qytet. Ky mesazh është shpërndarë në gjithë botën. Dhe tani, Bethlehemi dhe qytetet e tjera palestineze kanë nevojë për paqe të vërtetë,” thotë ai.
Ai thotë se shpreson që vitin e ardhshëm, lufta në Gazë do të jetë vetëm një kujtim i largët dhe hareja do t’i kthehet sërish Bethlehemit.
Marrë nga VOA
Montpellier FRANCË- Qyteti francez i Montpellier në Francën jugore u bë metropoli më i fundit evropian që lejon t&e...
Christopher Hill SERBI- Ambasadori amerikan në Beograd, Christopher Hill, tha të enjten se Serbia duhet të punojë për të traj...
Belgjikë BELGJIKË- Një ngjarje e rëndë ka ndodhur në Belgjikë kur një grua 63-vjeçare humbi jet&e...
Festa e çmendur e elitës së Putin RUSI- Në rrjet janë duke u bërë virale disa pamje të shkëputura nga festa...
Familjarët e Liridona Ademaj KOSOVË- Familja e së ndjerës Liridona Ademaj e cila javë më parë është vrarë...
Dmitry Peskov RUSI- Zëdhënësi i Kremlinit Dmitry Peskov tha se anëtarësimi i Ukrainës në Bashkimin Evropian do të m...
Vjosa Osmani KOSOVË- Presidentja e Kosovës, Vjosa Osmani, ka thënë të premten se ngurrimi për ta pranuar vendin e saj në...
Ana Brnabiç SERBI- Kryeministrja e Serbisë, Ana Brnabić deklaroi se në zgjedhjet e zhvilluara më 17 dhjetor, në Komis...
Pragë PRAGË- Ministri i Brendshëm çek, Vít Rakusan njofton se janë identifikuar 13 nga 14 viktimat e të shtënav...
Albin Kurti KOSOVË- Kryeministri i Kosovës, Albin Kurti ka propozuar 7 pika për normalizimin e marrëdhënieve me shteti...
