"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Misioni ushtarak i Bashkimit Evropian në Bosnje e Hercegovinë tha se nuk ka parë asnjë rrezik për situatën e sigurisë në këtë shtet, pavarësisht tensioneve të shkaktuara nga lideri i serbëve të Bosnjës, Millorad Dodik, që vazhdimisht kërcënon se entiteti serb do të kërkojë pavarësinë dhe do t’i bashkohet Serbisë fqinje.
BOSNJË-HERCEGOVINË- Misioni ushtarak i Bashkimit Evropian në Bosnje e Hercegovinë tha se nuk ka parë asnjë rrezik për situatën e sigurisë në këtë shtet, pavarësisht tensioneve të shkaktuara nga lideri i serbëve të Bosnjës, Millorad Dodik, që vazhdimisht kërcënon se entiteti serb do të kërkojë pavarësinë dhe do t’i bashkohet Serbisë fqinje.
Dodik – që është i sanksionuar nga Shtetet e Bashkuara dhe Britania nën dyshimet për përpjekje për të destabilizuar shtetin dhe për korrupsion – vazhdimisht ka kërcënuar se do të kërkojë pavarësinë e Republikës Sërpska, nëse Qeveria qendrore e Bosnjës, që është pronare ligjore e aseteve të shtetit, nuk ia bartë pronësinë e aseteve shtetërore entitetit serb.
Më 23 prill, Dodik u zotua se do të kërkojë bashkimin me Serbinë nëse kjo çështje nuk vendoset në favor të Republikës Sërpska dhe paralajmëroi se policia e këtij entiteti do të patrolluojë kufijtë me entitetin tjetër të Bosnjës, Federatës boshnjako-kroate.
Zëdhënësja e misionit të BE-së, Emer Kelly, tha për Radion Evropa e Lirë më 26 prill se Operacioni Althea është duke monitoruar nga afër zhvillimet politike dhe të sigurisë.
“Althea e EUFOR-it ka prezencë në mbarë vendin dhe po kryen patrullime rutinore në mbarë Bosnje e Hercegovinën, në mënyrë që të sigurojë të gjitha komunitetet për prezencën tonë dhe për të rritur gatishmërinë për situatën”, tha Kelly.
Ajo shtoi se misioni po vazhdon të mbështesë në mënyrë proaktive institucionet partnere të Bosnjës për të ofruar mjedis të sigurt në shtet dhe se ata do të vazhdojnë të bashkëpunojnë dhe të mbajnë kontakte me autoritetet lokale përmes kanaleve zyrtare.
Sipas Marrëveshjes së Dejtonit të vitit 1995, që i dha fund luftës në Bosnje, u krijua një sistem administrativ, sipas të cilit, Bosnja mbetet e ndarë midis Republikës Sërpska dhe Federatës bosnjako-kroate, që lidhen përmes një qeverie të dobët qendrore.
Dodik po tenton që të ndajë nga Qeveria qendrore ushtrinë, policinë dhe administratën tatimore të entitetit serb, veprime që janë në kundërshtim me Marrëveshjen e Dejtonit.
Operacioni Althea, që zyrtarisht njihet me emrin Forca e Bosnje e Hercegovinës e Bashkimit Evropian (EUFOR) u themelua më 2004, pasi paraprakisht në shtet kishin vepruar Forca e Stabilizimit (SFOR), Forca e Zbatimit (IFOR) dhe Forca e Mbrojtjes e Kombeve të Bashkuara (UNPROFOR).
EUFOR është përgjegjës për zbatimin e pjesës ushtarake të Marrëveshjes së Dejtonit dhe për të siguruar paqe. Mandati EUFOR-it, që përfshin edhe përdorimin e forcës, u zgjat për një vit vjeshtën e kaluar nga Këshilli i Sigurimit i OKB-së.
EUFOR vazhdimisht ka deklaruar se do të përdorë forcën ushtarake “nëse siguria dhe mjedisi i qëndrueshëm rrezikohen seriozisht dhe nëse strukturat aktuale të sigurisë rrezikojnë të shpërbëhen”./REL
Foto ilustruese RUSI- Rusia ka dëbuar 10 diplomatë norvegjezë në kundërpërgjigje të Norvegjisë e cila më...
Alexei Navalny RUSI- Lideri i opozitës ruse Alexei Navalny, i cili është i burgosur, thotë se kundër tij ka nisur një hetim i...
Xi Jinping dhe Volodymyr Zelensky UKRAINË- Presidenti ukrainas Volodymyr Zelenskyy ka njoftuar se ka zhvilluar një bisedë telefoni...
Foto Ilustruese KOSOVË- Gjasat që Kosova dhe Serbia të pajtohen për draft-statutin e Asociacionit të komunave me shumicë serb...
Deputetet KOSOVË- Në Kuvendin e Kosovës është duke vazhduar debati pozitë-opozitë lidhur me gjendjen në KEK dhe arr...
Bill Gates SHBA- Themeluesi i Microsoft, Bill Gates gjatë një koference njoftoi se inteligjenca artificiale do të jetë e barabart&...
Sergej Lavrov SHBA- Kombet e Bashkuara janë mësuar me çuditshmërinë, absurditetin dhe një sasi të caktuar hipokrizie.&...
Denys Shmyhal UKRAINË- Kryeminisri ukrainas, Denys Shmyhal në një fjalim të fundit tha se Ukraina shpreson të jetë plot&...
çernobili UKRAINË- Presidenti i Ukrainës Volodymyr Zelenskyy në 37 vjetorin e fatkeqësisë bërthamore të ...
Artane Rizvanolli dhe Memli Krasniqi KOSOVË- Kryetari i PDK-së, Memli Krasniqi, i ka reaguar ministres së Ekonomisë, Artane Rizvanolli,...
