Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Drejtori në detyrë i agjencisë së Shërbimit Sekret tha se ai e konsideronte “të pajustifikueshme” mungesën e agjentëve të sigurisë në çatinë nga ku sulmuesi qëlloi në drejtim të ish-Presidentit Trump.
SHBA- Ronald Rowe, drejtori në detyrë i agjencisë së Shërbimit Sekret amerikan dhe nëndrejtori i FBI-së, Paul Abbate, po dëshmojnë në një seancë të përbashkët të dy komisioneve të Senatit mbi atentatin ndaj ish Presidentit Trump. Në qendër të interesit të senatorëve janë mangësitë e masave të sigurisë në orët para atentatit. Drejtori në detyrë i agjencisë së Shërbimit Sekret tha se ai e konsideronte “të pajustifikueshme” mungesën e agjentëve të sigurisë në çatinë nga ku sulmuesi qëlloi në drejtim të ish-Presidentit Trump. Zoti Rowe tha se kishte qenë së fundmi në vendngjarje në Batlër të Pensilvanisë.
“Ndjeva turp nga ajo që pashë. Si oficer karriere dhe punonjës prej 25 vjetësh i Shërbimit Sekret nuk mund të kuptoj se përse në atë çati nuk kishte agjentë”, u shpreh ai.
Rowe po ashtu fajësoi autoritetet lokale që nuk kishin ndarë me autoritetet federale të dhëna që ai i cilësoi si jetike. Sipas tij, ata nuk kishin ndarë informacionin se një person i armatosur, ishte pikasur mbi një çati pranë vendit të tubimit disa minuta para se sa të ndodhte sulmi i 13 korrikut.
“Oficerët lokalë nuk e ndanë këtë informacion, e mbajtën të izoluar një të dhënë të tillë”, tha ai. “Për mua është shumë shqetësuese që nuk e morëm këtë informacion aq shpejt sa duhej. Ne nuk e dinim se po ndodhte një incident”, tha ai.
Ndërkohë, nën drejtori i FBI-së Paul Abbate tha se profili në median sociale që besohet se i përket autorit Thomas Matthew Crook tregon se ai përkrahte dhunën politike dhe përmbajtje anti-semite dhe kundër emigracionit. Postimet ishin bërë në vitet 2019 dhe 2020 periudhë që ai ka qenë në shkollë të mesme.
“Nga ky profil janë bërë më shumë se 700 komente”, tha ai. “Disa komente pasqyrojnë përmbajtje anti-semite dhe kundër emigracionit dhe pëkrahin dhunën politike”.
Ish drejtoresha e Shërbimit Sekret Kimberly Cheatle dha dorëheqjen javën e kaluar pas kritikave të shumta të ligjvënësve. FBI-ja bërë dje të ditura hollësi të reja nga hetimet për motivin e sulmit të 20 vjeçarit Thomas Matthew Crook. Sipas autoriteteve ai kishte kërkuar në internet për informacione lidhur me të shtënat në masë, për centrale elektrike, për mjete shpërthyese të improvizuara si edhe për përpjekjen për vrasjen e kryeministrit të Sllovakisë në muajin maj.
FBI-ja njoftoi se zoti Trump, ka pranuar të merret në pyetje nga agjentët e saj në rolin e viktimës së krimit. Zyra e FBI-së tha javën e kaluar se ish – Presidenti u godit në vesh nga një plumb apo një pjesë e tij, gjatë përpjekjes për ta vrarë, në 13 korrik, gjatë një tubimi në Butler të Pensilvanisë. Trump njoftoi dje se pret që marrja në pyetje të kryhet të enjten.
Ligjvënësit duan të marrin përgjigje nga drejtori në detyrë i Shërbimit Sekret, se si është e mundur që atentatori Crooks ishte në gjendje t’i afrohej aq shumë zotit Trump. Hetuesit besojnë se ai qëlloi 8 herë në drejtim të zotit Trump me një armë gjysmë automatike e llojit AR-15, e ngjashme me kallashikovin, nga çatia e një ndërtese në një distancë prej 135 metrash nga podiumi ku po mbante fjalën e tij zoti Trump.
Një nga pjesëmarrësit në tubim mbeti i vrarë dhe dy të tjerë u plagosën. Autori i ngjarjes u qëllua për vdekje me snajper nga një agjent i Shërbimit Sekret. Gjatë seancës së javës së shkuar, ish drejtorja Cheatle tha se Shërbimi Sekret kishte dështuar në misionin për mbrotjen e zotit Trump.
Ajo e cilësoi përpjekjen për vrasjen e tij se “dështimin më të rëndë” të Shërbimit Sekret për dekada të tëra dhe u zotua se të bënte gjithshka për të zbuluar se çfarë shkoi keq dhe për t’u siguruar që një gjë e tillë të mos përsëritej më.
Ajo pranoi se Shërbimi Sekret ishin njoftuar nga dy deri në 5 herë mbi një person të dyshimtë përpara se të ndodhte sulmi në tubim. Po ashtu ajo tha se çatia nga ku hapi zjarr autori ishte identifikuar si një pozicion i mundshëm disa ditë përpara se të mbahej takimi zgjedhor.
Ajo tha se i kishte kërkuar ndjesë zotit Trump gjatë një telefonate pas atentatit ndaj tij.
Të hënën, në një intervistë për rrjetin Fox News, zoti Trump doli në përkrahje të agjentëve të Shërbimit Sekret që e mbrojtjen atë pas atentatit, por tha se mbni çatinë nga ku qëlloi Crooks duhej të kishte patur agjentë dhe se duhet të kishte patur komunikim më të mirë me policinë lokale.
Ai vlerësoi lart agjentin që qëlloi me sjajper autorin, por vuri në dukje se “do të kishte qënë më mirë nëse do ta kishte qëlluar 9 sekonda më herët”.
Lidhur me përpjekjen për vrasjen e zotit Trump po kryhen një sërë hetimesh, nga komisione të Senatit dhe Dhomës së Përfaqësuesve, si edhe një grup i posaçëm dypartiak i ngritur nga kryetari republikan Dhomës së Përfaqësuesve dhe udhëheqësi demokrat në Dhomën e Përfaqësuesve Hakeem Jeffries./ VOA
fotot ilustruese IZRAEL- Izraeli thotë se ka nisur një sulm në Bejrut, Liban, duke synuar një komandant të Hezbollahut, të ci...
Donald Trump SHBA- Pas tërheqjes së Presidentit Joe Biden nga gara zgjedhore, kandidati republikan për president, Donald Trump po e pë...
RUSI- Presidenti Vladimir Putin thotë se Rusia mund ta modifikojë doktrinën e saj bërthamore lidhur me përdorimin e arsenalit atomik,...
foto ilustruese INDONEZI- Dy burrat po pinin së bashku kur nisën të debatonin pyetjen klasike se cila ka dalë në fillim, pula apo ...
foto ilustruese TURQI- Turqia dhe Armenia i rifilluan të martën bisedimet për normalizimin e marrëdhënieve, pas një ndër...
fotot ilustruese IZRAEL- Ushtria izraelite njoftoi sot se ndërmori sulme ajrore dhe goditi me artilerie objektiva të Hezbollahut ...
donald trumo dhe elon musk SHBA- Alphabet, kompania mëmë e Google ka thyer heshtjen dhe ka mohuar teoritë e paraqitura nga Elon Musk dhe p&e...
fotot ilustruese SHBA- Për muaj të tërë, qeveritë evropiane dhe Shtetet e Bashkuara kanë akuzuar Rusinë se po kryen akte...
kamala harris dhe donal trump SHBA- Sipas një sondazhi të ri, Kamala Harris tani është më e popullarizuar sesa Joe Biden ose Donal...
foto ilustruese SHBA- Microsoft 365 ka njoftuar se po heton problemet e performancës së dobët me shërbimet dhe veçoritë...
