Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Netanyahu urdhëroi sulmet që vranë mbi 400 persona, pasi Hamasi refuzoi kërkesën që të ndryshohet marrëveshja e armëpushimit e arritur në janar.
IZRAEL- Kryeministri izraelit, Benjamin Nentnyahu, tha se sulmet e kryera në Gazë, që lanë të vrarë qindra persona, shumica gra dhe fëmijë, janë “vetëm fillimi”, duke shtuar se Izraeli do të vazhdojë derisa të arrijë të gjitha qëllimet e luftës: të shkatërrojë Hamasin dhe të lirojë të gjitha pengjet që mbahen nga grupi palestinezë, që është i shpallur organizatë terroriste nga Shtetet e Bashkuara dhe Bashkimi Evropian
Netanyahu urdhëroi sulmet që vranë mbi 400 persona, pasi Hamasi refuzoi kërkesën që të ndryshohet marrëveshja e armëpushimit e arritur në janar. Netanyahu tha se negociatat e ardhshme për armëpushimin do të mbahen “nën zjarr”. Ushtria izraelite ka urdhëruar njerëzit që të largohen nga lindja e Gazës dhe të nisen drejt qendrës së territorit, duke lënë të kuptohet se Izraeli së shpejti mund të nisë operacione tokësore.
Fushata e re ushtarake vjen pasi grupet e ndihmës kanë paralajmëruar se po mbarojnë furnizimet, dy javë pasi Izraeli ndërpreu të gjitha furnizimet me ushqime, ilaçe dhe karburante e mallra të tjera për 2 milionë palestinezët në Gazë.
“Izraeli nga tani e tutje do të veprojë kundër Hamasit me fuqi të shtuar ushtarake”, tha zyra e Netanyahut.
Më shumë se 400 njerëz thuhet se janë vrarë pasi Izraeli nisi bombardime vdekjeprurëse në Rripin e Gazën, Liban dhe në jug të Sirisë kundër, siç tha, ekstremistëve që po planifikojnë sulme terroriste. Bombardime izraelite kërcënojnë shpërthimin e një konflikti të ri dhe të përgjakshëm rajonal.
Netanyahu deklaroi të hënë mbrëma se e udhëzoi ushtrinë të ndërmarrë “veprime të fuqishme” kundër Hamasit për shkak se ky grup i mbështetur nga Irani nuk pranoi t’i lirojë pengjet e mbetura dhe i hodhi poshtë propozimet për një armëpushim të ri.
“Izraeli, nga ky çast, do të veprojë me forcë ushtarake kundër Hamasit”, tha zyra e Netanyahut në një komunikatë.
Duke cituar zyrtarët shëndetësorë nën kontrollin e Hamasit, disa media raportuan se numri i të vdekurve në të gjithë Rripin e Gazës ka arritur në të paktën 404 njerëz nga bombardimet izraelite. Këto të dhënat nuk mund të konfirmoheshin në mënyrë të pavarur. Koordinatori Humanitar i Kombeve të Bashkuara për Territorin e Pushtuar Palestinez i quajti "të paarsyeshme" bombardimet dhe kërkoi rikthim të menjëhershëm të armëpushimit.
"Njerëzit në Gazë kanë duruar vuajtje që nuk mund të përshkruhen. Përfundimi i armiqësive, ndihma humanitare e qëndrueshme, lirimi i pengjeve dhe rikthimi i shërbimeve bazë dhe jetesës së njerëzve janë mënyra e vetme për të ecur përpara", tha Muhannad Hadi në deklaratën e tij.
Njëkohësisht, ushtria izraelite tha se ka kryer sulme ajrore edhe në Libanin jugor dhe Sirinë jugore.
Ushtria izraelite tha se sulmet në Gazë kishin në shënjestër liderë dhe komandantë të nivelit të mesëm të Hamasit, si dhe infrastrukturën e grupit.
Ajo deklaroi se është e gatshme t’i vazhdojë sulmet kundër Hamasit për aq gjatë sa të jetë e nevojshme.
Shtëpia e Bardhë u konsultua nga Izraeli për sulmet e fundit në Gazë, tha zëdhënësja e Shtëpisë së Bardhë për Fox News.
"Ashtu siç e ka bërë të qartë presidenti [Donald] Trump - Hamasi, Huthit [në Jemen], Irani, të gjithë ata që synojnë ta terrorizojnë jo vetëm Izraelin, por edhe Shtetet e Bashkuara të Amerikës, do të përballen me pasoja. Do të shpërthejë ferri", tha zëdhënësja e Shtëpisë së Bardhë, Karoline Leavitt.
Më 5 mars, Trump paralajmëroi Hamasin se do të përballet me "ferr" nëse nuk i liron menjëherë të gjithë pengjet, pas konfirmimit nga Shtëpia e Bardhë se kishte zhvilluar bisedime të fshehta me grupin ekstremist.
Agjencia e lajmeve Reuters citoi një zyrtar të lartë të Hamasit duke thënë se Izraeli po "po i jep fund në mënyrë të njëanshme" marrëveshjes për armëpushimin në Gazë dhe se kjo e vë në rrezik fatin e pengjeve izraelite që mbahen ende në Gazë.
Izraeli dhe Hamasi kanë mospajtime për mënyrën e vazhdimit të armëpushimit me tre faza, i cili filloi më 19 janar, duke përfshirë shkëmbimin e pengjeve të mbajtura nga Hamasi me të burgosur palestinezë në burgjet izraelite.
Shumica e liderëve të Hamasit u vranë gjatë luftës hakmarrëse të Izraelit në Gazë, pas sulmit të përgjakshëm të grupit ekstremist në Izrael më 7 tetor 2023.
Militantët e udhëhequr nga Hamasi sulmuan vendbanimet e jugut të Izraelit në tetor 2023, duke i vrarë rreth 1.200 njerëz, kryesisht civilë, dhe duke i rrëmbyer 251 të tjerë. Rreth dhjetëra pengje ende mbeten në duart e Hamasit.
Izraeli u kundërpërgjigj duke nisur një luftë shkatërruese në enklavën palestineze, e cila ka vrarë dhjetëra mijëra njerëz, sipas autoriteteve lokale, dhe ka zhvendosur shumicën e 2.3 milionë banorëve të Gazës.
Pas marrëveshjes së armëpushimit – që çoi në lirimin e një numri pengjesh dhe të burgosurish – ushtria izraelite ka kryer shpesh sulme kundër Hamasit, si dhe ndaj vendndodhjeve të Hezbollahut në Libanin jugor.
Edhe Hezbollahu është i shpallur një organizatë terroriste nga Shtetet e Bashkuara, megjithëse Bashkimi Evropian e cilëson vetëm krahun e tij të armatosur si grup terrorist.
Shumica e udhëheqësve të Hezbollahut u vranë gjatë luftës 14-mujore të Izraelit kundër grupit, para një armëpushimi të ndërmjetësuar nga SHBA-ja në nëntor.
Në sulmet e reja, Izraeli tha se goditi dy udhëheqës të Hezbollahut në qytetin jugor libanez të Yohmor. Ushtria tha se burrat ishin "operativë vëzhgimi".
Ajo shtoi se sulme të tjera u kryen ndaj objekteve të Hezbollahut në Liban.
Në Siri, Izraeli ka marrë nën kontroll një zonë të sigurisë në jug pas rënies së regjimit autokratik brutal të Bashar al-Assadit në dhjetor. Izraeli e cilëson këtë veprim si masë parandaluese kundër ish-rebelëve islamikë që rrëzuan Assadin dhe tani kontrollojnë Sirinë.
Më 17 mars, autoritetet siriane thanë se sulmet izraelite goditën një zonë banimi në qytetin jugor të Darasë, duke vrarë tre persona. Ky raport nuk mund të verifikohej.
Izraeli tha se cak i sulmeve ishin qendrat komanduese ushtarake dhe depot e armëve në jug të Sirisë, që i përkisnin forcave të Assadit dhe që përbënin kërcënim për Izraelin.
Assadi u largua nga Siria në dhjetor dhe raportohet se ndodhet në Rusi, e cila, së bashku me Iranin, ishte një nga mbështetësit kryesorë të regjimit të tij. Assadi mori pushtetin në vitin 2000 pas vdekjes së babait të tij, Hafez al-Asad./REL
RRIPI I GAZËS - Hamas ka bërë të ditur se po adreson me përgjegjësi dhe pozitivisht çdo propozim për të ndaluar...
Operacioni i policise franceze Franca - Policia franceze ka ndërmarrë një operacion për të larguar më shumë se 400 emigr...
Donald Trump, Vladimir Putin SHBA - Biseda dy-orëshe që Donald Trump zhvilloi me Vladimir Putin të martën ishte e mirë dhe produkt...
Papa Françesku ITALI- Papa Françesku nuk kërkoi ndihmën e ventilimit joinvaziv mbrëmë siç bën me dije Vatikan...
Sheinbaum MEKSIKË- Kur Claudia Sheinbaum mori presidencën e Meksikës tetorin e kaluar, Donald Trump nuk ishte zgjedhur ende president i...
Foto ilustruese SHBA- Presidenti amerikan, Donald Trump me anë të një postimi në platformën Truth, ka dhënë detaje t&eum...
Senati i Italisë ITALI - Me 109 vota pro, 69 kundër dhe 4 abstenime, Dhoma e Senatit të Italisë ka miratuar rezolutën e shumic&eu...
ross gerber SHBA- Një nga investitorët më të hershëm të Tesla-s ka thënë se Elon Musk duhet të largohet nga po...
pamje nga vendngjarja MAQEDONI E VERIUT- Me 16 minuta heshtje dhe me drita të telefonave në duar, qindra protestues u mblodhë...
marija miteva MAQEDONI E VERIUT- Nga 50 kontrolle të kryera nga Inspektorati Shtetëror i Tregut në të gjithë vendin, vet&eum...
