Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në seancë, prokurorja e lartë federale, Nadine Pellegrini, kërkoi që 21 vjeçari Jack Teixeira të mbahej i ndaluar në pritje të gjyqit.
Anëtari i Gardës Kombëtare të Forcave Ajrore të SHBA-së i dyshuar për rrjedhje të të dhënave sekrete të zbulimit ushtarak u paraqit të premten para një gjykatësi federal në Boston për t'u përballur me akuzat se ka marrë, mbajtur dhe publikuar në mënyrë të paligjshme materiale të klasifikuara.
Në seancë, prokurorja e lartë federale, Nadine Pellegrini, kërkoi që 21 vjeçari Jack Teixeira të mbahej i ndaluar në pritje të gjyqit. Një seancë mbi masën e paraburgimit u caktua për të mërkurën e ardhshme. Rrjedhja e dokumenteve ka ngritur pyetje të reja në lidhje me aftësinë e Shteteve të Bashkuara për të mbrojtur sekretet më të ndjeshme.
Autoritetet amerikane arrestuan 21-vjeçarin Jack Teixeira në një shtëpi në Dighton të Masaçusetsit, nën dyshimet si autori i rrjedhjes së dokumenteve sekrete të zbulimit dhe ushtrisë. Prokurori i Përgjithshëm i Shteteve të Bashkuara Merrick Garland foli pas arrestimit të të dyshuarit nga agjentët e FBI-së.
“Departamenti i Drejtësisë arrestoi Jack Douglas Teixeira-n në kuadër të një hetimi nën dyshimet për marrjen, mbajtjen dhe publikimin e paautorizuar të informacionit të klasifikuar të mbrojtjes kombëtare. Teixeira është një punonjës i Gardës Kombëtare të Forcave Ajrore të Shteteve të Bashkuara”, tha ai.
Garland nuk dha ndonjë motiv të mundshëm për nxjerrjen e informacioneve, por persona që kishin komunikuar me të në platformën e komunikimeve private Discord, ku u shfaqën dokumentet, kanë thënë se Teixeira ishte më i motivuar nga dëshira për të shitur mend, sesa ideologjia.
Arrestimi i së enjtes ishte një moment kyç në hetimin për rrjedhjen e informacionit të zbulimit të profilit më të lartë prej vitesh dhe ushtria dhe Departamenti i Drejtësisë po vazhdojnë të hetojnë se si ka mundësi që sekretet qeveritare të publikuara në një platformë private si Discord, qarkulluan në mbarë botën.
Arrestimi u bë pasi gazeta Washington Post dhe media të tjera njoftuan të mërkurën vonë se personi përgjegjës për rrjedhjen, i kishte publikuar dokumentet në Discord.
Lajmi për rrjedhjen e dokumenteve u bë i njohur javën e kaluar. Mes tyre janë harta të pozicioneve ushtarake ukrainase dhe vlerësime të hollësishme nga Uashingtoni mbiUkrainën dhe mbështetjen e aleatëve të SHBA-së për Ukrainën.
Fakti që anëtari i Gardës Kombëtare rezultoi si i dyshuari kryesor, po shtron pyetjen se si ka mundësi që një shkelje kaq e rëndë, që Pentagoni e quajti një "rrezik shumë serioz për sigurinë kombëtare", mund të jetë shkaktuar nga një pjesëtar kaq i ri dhe i një rangu të ulët.
Teixeira ishte specialist i sistemeve të transportit kibernetik, që do të thotë një specialist i teknologjisë, përgjegjës për rrjetet e komunikimeve ushtarake.
Disa orë pas arrestimit, kryetari i Komisionit të Zbulimit të Dhomës së Përfaqësuesve, Mike Turner, lëshoi një deklaratë ku premtoi se do të "analizojë se pse ndodhi kjo, pse kaloi pa u vënë re për javë të tëra dhe si të parandalohen rrjedhjet në të ardhmen".
Teixeira, do të paraqitet para një gjykate në Masaçusets të premten. Nuk ishte menjëherë e qartë nëse ai ka një avokat që mund të flasë në emër të tij.
Zyrtarët e Pentagonit folën të enjten për masat e tyre të sigurisë.
"Gjithsesi është e rëndësishme të kuptojmë se ne kemi rregulla të rrepta për ruajtjen e informacionit të klasifikuar dhe të ndjeshëm. Ky ishte një akt kriminal i qëllimshëm, një shkelje e atyre rregullave”, tha zëdhënësi i Pentagonit, Pat Ryder.
Administrata e presidentit Biden ka bërë përpjekje intensive për të vënë nën kontroll pasojat e mundshme diplomatike dhe ushtarake nga rrjedhjet që kur u njoftua për herë të parë për to javën e kaluar, duke marrë masa për të siguruar aleatët dhe për të vlerësuar përmasat e dëmit. Megjithatë Presidenti Joe Biden, i cili ndodhet në Irlandë, theksoi se Departamenti i Drejtësisë po vazhdon hetimin dhe e minimizoi rrjedhjen.
"Nuk jam i shqetësuar për rrjedhjen. Jam i shqetësuar që ndodhi. Por nuk ka asgjë që të më bëjë të mendojë se pasojat janë të rënda", tha ai./VOA
Antony Blinken SHBA- Sekretari amerikan i Shtetit Antony Blinken do të vizitojë Vietnamin këtë fund-javë. Udhëtimi i parë...
Jack Teixeira SHBA- Vijon senca gjyqësore në Boston, ndaj 21-vjeçarit Jack Teixeira i arrestuar për rrjedhjen masive të dokumen...
Jack Teixeira SHBA- Jack Teixeira, i dyshuari kryesor për rrjedhjen e dokumenteve të klasifikuara, ka hyrë në sallën e gjyqi...
Jack Teixeira SHBA- 'Discord', platforma sociale ku u postuan për herë të parë dokumentet e klasifikuara, tha se po bashkëpunon m...
Eva Kaili GREQI- Eurodeputetja greke, Eva Kaili një nga personat e përfshirë në skandalin 'Katargate' ndodhet në arrest shtë...
Viktor Orban HUNGARI- Kryeministri hungarez tha SHBA-ja nuk është e bashkuar dhe se ka imazhin e një vendi të ndarë me dalli...
Aleksandër Vuçiç SERBI- Rrjedhja e dokumenteve sekrete të mbrojtjes dhe inteligjencës amerikane ka qenë së fundmi n...
Anije Kozmike Agjencia Evropiane e Hapësirës ka dërguar një anije kozmike për të eksploruar Jupiterin dhe tre nga hënat...
Joe Biden SHBA- Presidenti amerikan Joe Biden gjatë vizitës së tij 4 ditore në Irlandë pas takmeve maratonë me zyrtarë ...
Dmitry Medvedev RUSI- Zëvëndëskryetari i Këshillit të Sigurimit rus Dmitry Medvedev ka paralajmëruar se nëse Rusia do t...
