Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ai këto komente i bëri më 5 janar, një ditë para 3-vjetorit të trazirave të dhunshme në Kongresin amerikan nga mbështetësit e Trumpit, të cilët tentuan ta mbanin atë në pushtet.
SHBA- Presidenti amerikan, Joe Biden, paralajmëroi se përpjekjet e Donald Trumpit për të rimarrë drejtimin e Shtëpisë së Bardhë më 2024 paraqesin një kërcënim të madh për shtetin. Ai këto komente i bëri më 5 janar, një ditë para 3-vjetorit të trazirave të dhunshme në Kongresin amerikan nga mbështetësit e Trumpit, të cilët tentuan ta mbanin atë në pushtet.
Duke folur në Pensilvani, Biden tha se 6 janari i vitit 2021 ishte një moment “kur ne gati e humbëm Amerikën – i humbëm të gjitha”. Ai tha se gara presidenciale – që ka të ngjarë të jetë një përballje e re mes Bidenit dhe Trumpit, pasi ky i fundit po konsiderohet kandidati kryesor i republikanëve – ka të bëjë me atë nëse demokracia amerikane do të mbijetojë.
Biden, i cili iu rikthye jetës politike sepse ndjeu se mund ta mposhte Trumpin më 2020, beson se përqendrimi në mbrojtjen e demokracisë është thelbësor për të bindur votuesit që të mos e zgjedhin Trumpin sërish në postin e presidentit.
“Të gjithë ne e dimë se kush është Donald Trumpi”, tha Biden. “Pyetja të cilës duhet t’i përgjigjemi është se kush jemi ne?”.
Biden foli edhe për rolin e Trumpit gjatë sulmit ndaj ndërtesës së Kongresit amerikan, kur një turmë e mbështetësve të republikanëve sulmuan ndërtesën në kohën kur ligjvënësit po certifikonin fitoren e Bidenit në zgjedhjet presidenciale. Mbi 100 policë u sulmuan nga turma, e cila hyri në ndërtesë.
“Çfarë bëri Trumpi? Ai i cilësoi ‘patriotë’ këta kryengritës”, tha Biden, duke shtuar se “ai u premtoi se do t’i falte nëse do të kthehej në Shtëpinë e Bardhë”. Presidenti amerikan tha se Trump “lavdëroi” në vend se të dënonte dhunën politike.
Të paktën nëntë presona vdiqën në Kongres gjatë ose pas trazirave të 6 janarit të vitit 2021.
Biden tha se duke “tentuar që të rishkruajë faktet për 6 janarin, Trump po tenton ta vjedhë historinë në të njëjtën mënyrë sikurse tentoi të vidhte zgjedhjet”.
Trump, i cili përballet me 91 akuza penale, ku përfshihen edhe përpjekjet e tij për të përmbysur rezultatin zgjedhor presidencial, ka argumentuar se Bideni dhe demokratët e tjerë të lartë po tentojnë të minojnë demokracinë duke përdorur sistemin e drejtësisë për të penguar fushatën e rivalit të tyre kryesor.
Më 5 janar, Gjykata Supreme në SHBA u pajtua që të trajtojë rastin nëse emri i Trumpit mund të hiqet nga fletëvotimet për zgjedhjet e këtij viti për shkak të përpjekjeve të tij për të përmbysur rezultatin e zgjedhjeve presidenciale të katër vjetëve më parë.
Të premten, Trump përsëriti pretendimet e tij të rreme se ai kishte fituar zgjedhjet më 2020 dhe sërish i cilësoi si patriotë personat që sulmuan Kongresin. Ndërkaq, gjatë fjalimit të tij, Biden foli edhe për premtimet e Trumpit për hakmarrje ndaj kundërshtarëve të tij politikë.
“Fushata e Donald Trumpit është për të. Jo për Amerikën. Jo për ju. Fushata e Donald Trumpit është e obsesionuar me të kaluarën, jo të ardhmen”, tha presidenti amerikan.
Ai shtoi se “nuk ka konfuzion lidhur me atë se kush është Trump dhe çfarë synon të bëjë”.
Disa ditë pas trazirave të 6 janarit të vitit 2021, sipas një sondazhi të kryer nga Qendra Kërkimore Pew, 52 për qind e të anketuarve në moshë madhore thanë se Trumpi kishte përgjegjësi për ngjarjet. Por, në fillim të vitit 2022, sipas një sondazhi të ri, kjo shifër zbriti në 24 për qind.
Ndërkaq, në një sondazh të kryer javën e kaluar nga Universiteti i Marilendit në bashkëpunim me Washington Post, 18 për qind e mbështetësve të republikanëve thanë se protestuesit që hynë në Kongres “ishin kryesisht të dhunshëm”. Kjo shifër ka rënë nga viti 2021 kur ishte 26 për qind. Ndërkaq, 77 për qind e demokratëve dhe 54 për qind e të pavarurve, të anketuar për këtë sondazh, thanë se protestuesit ishin kryesisht të dhunshëm.
Marrë nga REL
Pamje nga avioni SHBA- Një avion i Alaska Airlines është detyruar ditën e djeshme të kryente një ulje emergjente pasi teksa p...
Foto ilustruese PALESTINË- Pas bombardimeve të avionëve luftarakë izraelitë mësohet se kanë humbur jetën 21 pa...
Raketa RUSI- Kohët e fundit, Rusia e ka sulmuar Ukrainën me disa raketa balistike të prodhuara nga Koreja e Veriut, sipas një deklarate...
JEMEN- Disa kompani anijesh transporti aktualisht po e shmangin lundrimin përmes ngushticës pranë Jemenit, sepse rebelët huti të Jeme...
Pamje nga aksidenti KROACI- Një aksident i rëndë është regjistruar në orët e para të mëngjesit të sot&eum...
Makina GJERMANI- Fabrika e veglave teknike Paul Horn GmbH në Tübingen prodhon vegla precize teknike dhe speciale që nga viti 1969, shpesh t&...
KINË- "A i përmbaheni Kushtetutës së Republikës së Kinës?” donte të dinte një gazetar gjatë debatit t&...
foto ilustruese KILI- Më 27 tetor, 90 policë, 22 automjete dhe një kamion, qëndruan në gatishmëri në një fushë...
dy planetet SHBA- Një studim i ri nga Universiteti i Oksfordit ka zbuluar se Urani dhe Neptuni kanë ngjyrë të ngj...
Ursula von der Leyen BRUKSEL- Bashkimi Europian po mendon zgjidhje të mundshme në rast se 27 vendet nuk miratojnë unanimisht paketën e ...
