Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Rishi Sunak është britaniku i parë me prejardhje nga vendet e Azisë që merr drejtimin e vendit, një arritje kjo që u mirëprit nga të gjitha grupet politike në parlament.
Rishi Sunak, me origjinë indiane, është kryeministri i parë jo i bardhë i Britanisë. Siç njofton nga Londra korrespondenti i Zërit të Amerikës, Henry Ridgwell, disa po e krahasojnë zgjedhjen e tij me atë të Barack Obamas në Shtetet e Bashkuara.
Rishi Sunak është britaniku i parë me prejardhje nga vendet e Azisë që merr drejtimin e vendit, një arritje kjo që u mirëprit nga të gjitha grupet politike në parlament.
“Është një kujtesë se megjithë sfidat që përballemi si vend, Britania është një vend ku të gjitha racat dhe besimet mund të realizojnë ëndrrat e tyre”, tha udhëheqësi i Partisë Laburiste, Keir Starmer.
Disa e kanë përshkruar këtë si “momentin Obama” të Britanisë. Analisti Anand Menon, i cili është gjithashtu me origjinë indiane, e hedh poshtë këtë krahasim.
“Për shkak të mënyrës se si u zgjodh Sunaku… Ai u zgjodh nga deputetët për drejtues partie. Barack Obama fitoi një mandat personal nga populli amerikan duke u zgjedhur president”, thotë zoti Menon.
Është sidoqoftë një moment domethënës.
“Të shikosh dikë që është me origjinë nga Azia jugore, që është besimtar i hinduizmit, të ketë postin më të lartë të vendin – kjo ka rëndësi”, thotë zoti Menon.
Popullsia e besimit hindu po feston këto ditë Diwalin. Shumë në komunitetin e madh hindu të qytetit britanik Leicester e mirëpritën emërimin e zotit Sunak.
“Deri në momentin e fundit, mendoja se ‘jo, nuk do t’ia arrijë dot; nuk do t’ia arrijë dot’. Por, kur ia doli, më habiti”, thotë një banor në Leicester.
Të tjerë thonë se nuk ndjejnë ndonjë lidhje me kryeministrin e ri.
“Ka njerëz që vërtet mezi po ia dalin mbanë, dhe ai është e qartë se ka patur një stil jetese disi të privilegjuar. Mendoj se duhet ulet paksa me këmbë në tokë”, thotë Rita Patel, banore në Leicester.
Zoti Sunak mendohet se është ligjvënësi më i pasur i Britanisë. Ai ndoqi një shkollë private ekskluzive; studioi në Universitetin e Oksfordit dhe ishte menaxher investimesh përpara se të bëhej anëtar parlamenti. Bashkëshortja e tij është trashëgimtarja e një manjati indian. Pasuria e tyre mendohet se është në vlerën 830 milionë dollarë.
“Qeveritë nuk japin rezultate të mire për sa i përket diversitetit shoqëror dhe ekonomik. Ka gjithnjë e më pak anëtarë parlamenti që vijnë nga klasa punonjëse, gjithnjë e më pak anëtarë parlamenti që nuk kanë ndjekur shkolla private”, thotë profesor Menon.
Rishi Sunak lindi në Anglinë jugore, nga prindër me origjinë indiane që u zhvendosën në Britani nga Kenia në vitet 1960-të. Këtë vit, India shënon 75 vite pavarësi nga Britania. Për disa, emërimi i zotit Sunak ka domethënie.
“Nëse një person me prejardhje indiane bëhet kryeministër i Britanisë, i po asaj Britanie që na sundoi për aq shumë vite, atëherë është një moment krenarie për të gjithë Indinë”, thotë Manoj Garg, banor në Delhi.
“Britanikët na sunduan për 200 vjet dhe tani kam ndjesinë se indianët do ta sundojnë Britaninë për 200 vitet e ardhshme”, thotë Manpreet Singh.
Sidoqoftë, mandati i zotit Sunak nuk do të jetë kaq i zgjatur. Anketimet që nga emërimi i tij tregojnë se Partia Konservatore në pushtet radhitet pas Partisë Laburiste në opozitë, ndërkohë që zgjedhjet pritet të mbahen vetëm pas dy vitesh./VOA
Anije mallrash IZRAEL- Izraeli dhe Libani kanë nënshkruar një marrëveshje historike që përcakton kufijtë e tyre në ...
Sunak BRITANI- Kryeministri britanik Rishi Sunak nuk do të marrë pjesë në konferencën e klimës COP27 në Egjipt muajin e ...
Monumentet POLONI- Polonia çmontoi të enjten katër monumente të epokës komuniste për ushtarët e Ushtrisë së ...
Bislimi KOSOVË- Zëvendëskryeministri i Kosovës, Besnik Bislimi ka folur pasi atij nuk i është lejuar që të vazhdoj&...
Christine Lagarde BRUKSEL- Banka Qendrore Evropiane (BQE) po lufton inflacionin rekord në eurozonë duke rritur sërish ndjeshëm normat r...
Kosove KOSOVË- Institucionet e Kosovës po fajësojnë “grupet ilegale ekstremiste” për incidentet në veri, që ...
Bislimi SERBI- Dushan Janjiç, drejtor i Forumit për Marrëdhënie Etnike, ka folur sot për ftesën e bërë ndaj ...
Hill SERBI- Ambasadori amerikan në Beograd, Christopher Hill tha se është i zhgënjyer dhe i shqetësuar nga vendimi i kryeministrit...
Princi Harry BRITANI- Ministrat dhe zyrtarët e lartë të Dhomës së Përfaqësuesve morën masa për të paranda...
Lee Jae-yong KOREJA E JUGUT- Lee Jae-yong, trashëgimtari dhe menaxheri de facto i Samsung, prodhuesi më i madh në botë i kartave të...
