Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Ligjvënësi ka pranuar se ka sajuar pjesën më të madhe të biografisë së tij. Zoti Santos fitoi garën për një vend në Kongres në nëntor me një diferencë prej 7.5 për qindësh ndaj kandidatit demokrat Robert Zimmerman. Por fitorja e tij u venit shpejt nga njoftimet në media që tregonin se personi që ai prezantoi para votuesve ishte kryesisht i sajuar.
SHBA- Komisioni i Etikës në Dhomën e Përfaqësuesve njoftoi të enjten se ka filluar një hetim ndaj ligjvënësit republikan nga Nju Jorku, George Santos, gënjeshtrat dhe sajesat e të cilit kanë tërhequr vëmendjen e publikut.
Hetimi duket se është i gjerë. Ai synon të përcaktojë nëse Santos "mund të jetë përfshirë në veprimtari të paligjshme gjatë fushatës së tij për t’u bërë anëtar i Kongresit" dhe veprime të tjera, thuhet në një deklaratë të Komisionit të Etikës.
Komisioni i Etikës do të hetojë gjithashtu nëse zoti Santos "i ka raportuar siç duhet informacionet e kërkuara në dokumentet e paraqitura në Dhomën e Përfaqësuesve, nëse ai ka shkelur ligjet federale të konfliktit të interesit në lidhje me rolin e tij në një firmë që ofron shërbime financiare dhe nëse ai ka bërë sjellje të pahijshme seksuale ndaj një individi që kërkoi punësim në zyrën e tij në Kongres”, thuhet në deklaratë.
Ligjvënësi Goerge Santos tashmë është tërhequr nga detyrat e tij në këtë Komision, por ka kundërshtuar thirrjet e republikanëve në Nju Jork për të dhënë dorëheqjen nga posti. Përmes një postimi në Twitter, zyra e tij tha se ai "po bashkëpunon plotësisht" me hetimin e Komisionit të Etikës dhe nuk do të bënte komente të tjera për këtë çështje.
Anëtarët e Komisionit të Etikës, ligjvënësi republikan David Joyce nga Ohajo dhe ligjvënësja demokrate Susan Wild nga Pensilvania, do të udhëheqin hetimin. Anëtarët e këtij Komisioni votuan njëzëri për krijimin e një nënkomisioni prej katër anëtarësh që do të hetojë akuzat për shkelje ndaj ligjvënësit Santos.
"Komisioni theksoi se fakti që është krijuar një Nënkomisioni Hetimor nuk do të thotë në vetvete se ka patur ndonjë shkelje", thuhet në deklaratën e lëshuar të enjten.
Komisioni mund të ndërmarrë një sërë veprimesh ndaj ligjvënësit Santos, përfshirë rekomandimin për ta përjashtuar nga Dhoma e Përfaqësuesve, forma më e ashpër e dënimit, e cila është përdorur vetëm pesë herë në më shumë se dy shekuj dhe asnjëherë kur bëhet fjalë për sjellje që kanë ndodhur përpara fillimit të mandatit të një ligjvënësi. Të paktën dy të tretat e anëtarëve të Dhomës së Përfaqësuesve duhet të votojnë për përjashtimin e tij, nëse kjo rekomandohet nga Komisioni i Etikës.
Rekomandimet për çdo lloj ndëshkimi duhet të jenë pjesë e një raporti të Komisionit të Etikës që deklaron provat që mbështesin gjetjet e tij dhe një shpjegim të arsyeve për vendimet e tij.
Ligjvënësi ka pranuar se ka sajuar pjesën më të madhe të biografisë së tij. Zoti Santos fitoi garën për një vend në Kongres në nëntor me një diferencë prej 7.5 për qindësh ndaj kandidatit demokrat Robert Zimmerman. Por fitorja e tij u venit shpejt nga njoftimet në media që tregonin se personi që ai prezantoi para votuesve ishte kryesisht i sajuar.
George Santos ka thënë se është diplomuar në Universitetin e Nju Jorkut dhe Kolegjin Baruch, ndonëse në këto institucione arsimore nuk ekziston asnjë e dhëna për të. Ai ka pretenduar gjithashtu se ka punuar në kompanitë financiare, “Goldman Sachs” dhe “Citigroup”, gjë që ka rezultuar të jetë e pavërtetë.
Po kështu zoti Santos rezulton të ketë gënjyer edhe për origjinën e tij duke thënë se është hebre dhe se gjyshërit e tij arritën t’u shpëtojnë nazistëve gjatë Luftës së Dytë Botërore.
Marrë nga VOA
Ned Price SHBA- Zëdhënësi i Departamentit të Shtetit Ned Price deklaroi se Shtetet e Bashkuara nuk presin dialog zyrtar të nivelit...
Foto Ilustruese TURQI- Turqia është tronditur nga një tjetër tërmet i fuqishëm. Sipas Qendrës Sizmologjike Euro-Mesdheta...
Senatoret amerikane SHBA- Në një deklaratë të përbashkët, senatorët amerikanë të Nënkomitetit të Sen...
Flaka KINË- Një kantier ndërtimi për një ndërtesë të lartë në Hong Kong u përfshi nga flakët. Z...
Oleg Deripaska SIBERI- Oligarku rus Oleg Deripaska kritikoi zyrtarët e Moskës për largimin e investitorëve të huaj dhe paralajm&eu...
Foto ilustruese Komunitetet në mbarë botën çliruan më shumë dioksid karboni gjatë vitit 2022 se çdo vit tjet&eu...
Foto ilustruese SHBA- Kompania SpaceX nisi në një fluturim për NASA-n katër astronautë drejt Stacionit Ndërkombëtar Hap&...
Natalya Thibaut Kondratieva ZVICËR- Misteri rrethon vdekjen e gjinekologes zvicerane me origjinë ruse, e cila solli në jetë binjak&eum...
Policia ITALI- Një menaxher banke, duke përfituar nga pozicioni i tij, ka tërhequr rreth 400 mijë euro nga llogaritë rrjedhës...
Kostas Bakojanis GREQI- Mesditën e së enjtes, në një zarf pa emër dërguesi, mbërriti në zyrën e të parit ...
