Dosja "Babale"/ "Proces gjyqësor pa kallëzim", Salianji nxjerr emrat: Denoncimet e mia për funksionarë të lartë gj...
Mbërriti nga burgu në Komision, Rjepaj: Të thuash po hetojmë projektin e ‘Sterilizimit’ nuk është e dr...
EMRAT/ Nuk i hidhnin gjobat në sistem, kush janë 22 policët e rrugores në Kukës që morën për vete mbi 2 ...
Kurti: Zgjerimi i BE-së, përgjigja më e mirë ndaj atyre që e kërcënojnë paqen dhe unitetin e Evropë...
Avokatja e nënën në Norvegji, Patrinia-Maria Adamopoulou, ka marrë një letër nga avokatët e babait në Norvegji ku thuhet se 6-vjeçari ndodhet në një vend të sigurt me të atin.
GREQI- Misteri i rrëmbimit të 6-vjeçarit Rainer Jason duket se është zhgjidhur pasi dyshimet se mund të ishte rrëmbyer nga i ati u vërtetuan.
Sipas mediave greke, avokatja e nënën në Norvegji, Patrinia-Maria Adamopoulou, ka marrë një letër nga avokatët e babait në Norvegji ku thuhet se 6-vjeçari ndodhet në një vend të sigurt me të atin.
Çfarë thanë avokatët e nënës
Sipas avokatit të nënës, Christos Economakis, përpjekjet e gruas për të kontaktuar me babanë norvegjez të fëmijës mbetën të pafrytshme pasi ajo është në një mosmarrëveshje ligjore me të për kujdestarinë e fëmijës. Economakis flet për një proces të paracaktuar dhe vendimtar të rrëmbimit të fëmijës që i rrezikon jetën.
“Ne u kemi dërguar dokumente avokatëve që përfaqësojnë babain si në Greqi ashtu edhe në Norvegji, pa marrë asnjë përgjigje thelbësore, ndërsa në komunikimet telefonike që ne dhe nëna kemi tentuar të kontaktojmë babain, ai nuk është përgjigjur. Telefoni i tij është i fikur”- tha Economakis.
“Ndihmoni për të gjetur fëmijën tim”
Në të njëjtën kohë, nëna e fëmijës përmes mesazhit të saj zanor u bën apel të gjithëve që të gjejnë djalin e saj.
"Unë quhem Nina Etmektzoglou, jam nëna e Rainer që u rrëmbye nga shtëpia jonë, natën nga një burrë me kapuç. Dua të bëj një apel për të na ndihmuar të gjejmë fëmijën tim. Ai tashmë është 19 orë larg nesh pa e ditur se ku ndodhet. I bëj apel kujtdo që e ka bërë këtë veprim, të lutemi ta kthejë në shtëpinë tonë për të mirën e fëmijës tim” , ka thënë gruaja.
Çfarë thotë pala e babait
“Nëna e kishte rrëmbyer dhe e mbante fëmijën në mënyrë të paligjshme në Greqi. Rasti që trajtova është një rast i rrëmbimit të fëmijëve sipas Konventës së Hagës. Vendimet e para që janë nxjerrë, shkalla e parë dhe e apelit, thonë se nëna e mban fëmijën në mënyrë të paligjshme në Greqi. Me fjalë të tjera, ai është rrëmbyer, por gjykata nuk e urdhëron fëmijën të kthehet në Norvegji, sepse jeta e tij atje do të jetë e padurueshme. Ekziston një Konventë e Hagës për Rrëmbimin e Fëmijëve. Sipas saj, nëse ka rrëmbim, urdhërohet kthimi i fëmijës, me përjashtim të rastit kur gjykata vlerëson se kthimi i fëmijës në vendin nga e kanë rrëmbyer do t'ia bëjë jetën të padurueshme”, theksoi Adamopoulou.
Nëna greke dhe babai norvegjez fajësojnë njëri-tjetrin për rrëmbimin
Rasti nuk është hera e parë që shqetëson autoritetet, pasi çifti ka patur dhe herë të tjera grindje të tilla në Greqi, ashtu edhe në Norvegji, ku jetonin prej disa vitesh. Ata të dy janë gjetur shumë herë në gjykata dhe asnjëri prej tyre siç duket nuk i ka dhënë rëndësi vendimeve.
Madje, në shtator të vitit 2021, babai i 6-vjeçarit, Ricky Pedersen kishte akuzuar ish-bashkëshorten e tij për rrëmbimin e fëmijës së tyre, në një kohë kur atij i ishte dhënë kujdestaria me vendim të gjykatave norvegjeze. Teksa ai e akuzoi, gruaja ka shkuar deri aty sa ka falsifikuar firmën e tij, për t'i dhënë fëmijës një pasaportë dhe për ta sjellë në Greqi.
Sipas postimit të nettavisen.nr, Pedersen erdhi në Greqi prillin e kaluar për të nisur të gjitha procedurat për të rikthyer fëmijën e tij. Në Norvegji, nëna akuzohet për rrëmbim dhe djali i tyre kërkohet ndërkombëtarisht.
“Jam shumë i shqetësuar për të. Nëse nuk e çoj në shtëpi, nuk di çfarë të bëj”, tha në intervistën e tij Ricky Pedersen, i cili që nga viti 2018, kur u divorcua nga gruaja greke, kishte kujdesin dhe përgjegjësinë e përditshme të djalit të tyre.
Në të njëjtën kohë, nëna ishte zhvendosur në një qytet tjetër norvegjez, Sorlandet, për të studiuar. Gjithsesi, mosmarrëveshja mes tyre ka vazhduar, me pasojë që në verën e vitit 2020, nëna, sipas botimit, ka transportuar ilegalisht fëmijën e saj në Greqi.
Sipas Ricky Pedersen, ish-gruaja e tij, për të nxjerrë djalin e saj nga Norvegjia, arriti të detyronte policinë norvegjeze t'i lëshonte një pasaportë fëmijës së saj, pa e ditur ai. Ajo kishte falsifikuar firmën e tij. Kështu në vend që ta dërgonte pasaportën në adresën që ai kishte vendosur, pasaporta përfundoi në duart e saj.
Ricky Pedersen, pas rrëmbimit, vazhdoi ta ndiqte penalisht, me rezultat që gjykata norvegjeze ia caktoi atij përgjegjësinë e vetme prindërore. Me këtë vendim, Policia kishte filluar kërkimin ndërkombëtar për fëmijën.
(D.a/dosja.al)
Silvio Berlusconi ITALI- Prokurori i Milanos kërkon një dënim 6-vjeçar për Silvio Berlusconin-in pa rrethana të përgj...
RUSI-Dy ushtarë rusë, kanë pranuar se janë fajtorë për krime të luftës në gjyqin e dytë. Alexander Bobikin dhe...
Foto ilustruese KOSOVË- Katër persona dhe në mesin e tyre ish-sekretari i Ministrisë së Infrastrukturës në Kosovë j...
Foto ilustruese BRITANI E MADHE- Një pasagjer ka filmuar momentin kur një pilot i linjës ajërore ëizzAir në Londër ...
Olaf Scholz GJERMANI-Kancelari gjerman Olaf Scholz ka paralajmëruar gjatë fjalimit të tij në Forumin ekonomik Botëror në Davo...
Nëna e 18-vjeçarit në Teksas, Adriana Reyes SHBA-Nëna e adoleshentit që vrau 19 fëmijë dhe dy mësues n&...
Anderson Cooper, Angel Garza SHBA-Angel Garza, humbi vajzën e tij 10-vjeçare Amerie në sulmin e ndodhur në shkollën në Texa...
Sulmi në Teksas SHBA- Sulmi në Teksas ka tronditur të gjithë ndërkohë që po dalin në dritë më shum&...
Foto ilustruese UKRAINË-Ministri i Jashtëm ukrainas Dmytro Kuleba, tha se Rusia po përpiqet të “shantazhojë” komunitet...
Albert Bourla SHBA- Shefi ekzekutiv i Pfizer, Albert Bourla ka deklaruar se variantet e reja të COVID janë një kërcënim m&eum...
