Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Lista me emra dhe fotokopje kartash ID, bllok shënimesh ku shkruhej “pagesa” si dhe një dokument format A4 me përshkrimin “formular patronazhi”, bashkë me disa fletëpalosje të Partisë Socialiste. Këto janë disa nga provat që Policia e Shtetit gjeti në automjetin pa targa të shtetasit Mehmet Greca, pas përplasjes me armë në lagjen “5 Maji” në Elbasan më 21 prill 2021, e cila përfundoi me një të vdekur dhe katër të plagosur dhe njollosi zgjedhjet e 25 prillit.
Sipas dokumenteve gjyqësore të para nga BIRN, Policia dhe Prokuroria kishin informacione mbi provat e gjetura dhe që sugjeronin se kishin të bënin me një krim zgjedhor, por dështuan të bëjnë arrestime apo të ngrenë akuza ndaj personave në fjalë, përfshirë një person me nofkën Met Dafllaku, emri i të cilit ishte shkruar mbi bllokun me shënimin “pagesa”.
Provat e gjetura në vendngjarje nuk e penguan drejtorin e Përgjithshëm të Policisë së Shtetit, Ardi Veliu të deklaronte në një konferencë për shtyp të mbajtur një ditë pas ngjarjes, se nuk kishin gjetur materiale zgjedhore “që shërbejnë për shit-blerje të votës”.
Sipas deklaratës së Veliut, një grup ish-oficerësh policie të njohur si “Grupi i Mbrojtjes së Votave” të Partisë Demokratike, “i bllokuan rrugën automjetit të fuoristradë tip ML të drejtuar nga shtetasi me inicialet M.G. duke i prerë rrugën.” Policia e Shtetit e shpalli bllokimin e shtetasit Mehmet Greca si “heqje e paligjshme e lirisë”.
“Nga këqyrja e automjetit Mercedez tip ML pa targa, i gjetur në vendngjarje, grupi hetimor nuk ka konstatuar sende të kundraligjshme apo të dyshuara se mund të përdoreshin për shitblerje të votës,” deklaroi Veliu në konferencën për shtyp të datës 22 prill.
Por ndryshe nga sa flet kjo deklaratë, dokumenti i referimit të veprës penale nga Policia për Prokurorinë e Elbasanit shkruan: “Në sedilen e djathtë përpara të këtij mjeti gjendet një çantë dore kafe, brenda së cilës gjenden […] një fletore me vija me shënim në kapak Met Dafllaku pagesë, brenda në 6 fletë shënime me emra dhe nr. id, format A4 me përshkrim formular patronazhi me tre fletë, 5 formate A4 me kopje kartash identiteti dhe pasaportash biometrike…”
Kreu i Policisë së Shtetit, Ardi Veliu konfirmoi në një përgjigje me shkrim se materjalet në fjalc janë gjetur në vendin e ngjarjes por sipas tij, këto materjale nuk përbëjnë prova për krim zgjedhor.
“Grupi hetimor nuk i ka vlerësuar provat e gjetura dhe të sekuestrua në automjetin ML pa targa, si elementë apo si indicje që mund të shërbenin për çeljen e një hetimi për veprat penale që prekin zgjedhjet e lira dhe sistemin demokratik të zgjedhjeve,” deklaroi Veliu në përgjigjen e tij. Argumenti kryesor për këtë vlerësim sipas Veliut lidhet me faktin se në automjet janë gjetur “vetëm 100 euro”.
Veliu ia kaloi përgjegjësinë prokurorisë për të vijuar më tej me këtë çështje.
“…është në tagrin e prokurorit që të nisë hetime edhe për vepra të tjera penale nisur nga provat e administruara apo dëshmitë e marra,” shkroi Veliu.
Prokurori Alfred Shehu refuzoi të komentojë mbi çështjen dhe i tha BIRN se si prokuror e ka të ndaluar të reagojë në çështje të debatit publik.
Një zyrtar i policisë e përshkroi Grecën si një “socialist të flaktë” dhe banor të lagjes, ndërsa policia duket se u bind nga justifikimi që Greca dha për përdorimin e një automjeti pa targa.
Pasi u lirua menjëherë pas marrjes në pyetje si “person që ka dijeni për ngjarjen”, Greca u pa nga dëshmitarët duke qëndruar pranë qendrave të votimit në lagjen “5 Maji” në Elbasan në ditën e zgjedhjeve.
Dokumenti policor i këqyrjes së vendit të ngjarjes tregon se në përplasjen e përgjakshme që ndodhi në sytë e dy drejtuesve të policisë së Elbasanit dhe një numri policësh u përdorën disa pistoleta, vërtetuar kjo nga larmishmëria e markave të gëzhojave të gjendura në vendngjarje, si dhe duket se është qëlluar nga pozicione të ndryshme.
Raporti i Policisë thotë se aty u gjendën 7 gëzhoja të markës GFL 9 mm Luger si dhe 9 gëzhoja PPU 45 të kalibrit 11.2, ku këto të fundit u gjetën në gjashtë pozicione të ndryshme. U gjetën më tej tre gëzhoja S&B dhe një fishek 1 Maxx Tech. Gëzhojat e gjetura në terren sugjerojnë përdorimin e minimalisht tre llojeve të ndryshme të armëve, por policia ka sekuestruar vetëm armën e dorëzuar nga i akuzuari për vrasjen e Pjerin Xhuvanit, Arbër Paplekaj.
Gjithashtu, prania e policisë në vendngjarje nuk e pengoi një nga personat e përfshirë në konflikt, Klement Xhaferrin të largohej. Xhaferri është shpallur aktualisht në kërkim policor, por policia nuk ka gjetur ende vendndodhjen e tij.
Sipas deklaratës së 22 prillit të Veliut, në vendin e ngjarjes, para, gjatë dhe pas përplasjes së armatosur gjendeshin dy zëvendësdrejtorë të Policisë së Qarkut.
Greca, të cilit Policia e Shtetit iu referua si një qytetar që u mor peng me dhunë, është dënuar në Britaninë e Madhe në vitin 2016 pasi u kap me 51 kilogramë kokainë dhe 80 mijë paund cash.
Partia Socialiste fitoi zgjedhjet e së dielës me 48% të votave, por akuzat për përfshirje të strukturave të krimit të organizuar në zgjedhje vazhdojnë. Në qarkun e Elbasanit, socialistët thelluan rezultatin e vitit 2017 dhe arritën të fitojnë 55% të votave.
Një nga provat e sekuestruara në vendngjarje është një dokument me titull “formular patronazhi”, i gjendur në makinën pa targa të bllokuar nga mbështetësit e PD. Patronazhistët u bënë të njohur në publik pas rrjedhjes së një databaze të madhe me emrat e 910 mijë votuesve të Tiranës, databazë që besohet se i përket Partisë Socialiste. Kjo nuk është hera e parë që socialistët akuzohen se kanë përdorur persona me të shkuar kriminale për fushatat e tyre elektorale.
Rama është propozuar për president nga disa deputetë socialiste, mendoni se:
TIRANË– Ambasadorja amerikane në Shqipëri, Yuri Kim ka përshëndetur goditjen e Gjykatës së Posaçme ndaj tre ish-magjistratët që u dogjën nga V...
TIRANË– Nis goditja ndaj magjistratëve! Prokuroria e Posaçme, e njohur ndryshe si SPAK ka sekuestruar pasurinë e tre ish-gjyqtarëve të shkakuar nga ...
KUKËS– Një 69-vjeçar është arrestuar ditën e sotme në hyrje të Pikës së Kalimit Kufitar Morinë, i cili ishte shpallur në kërkim nga autoritete...
TIRANË– Arben Mema, i riu që desh shkaktoi tragjedi në sheshin “Skënderbej” pasi humbi kontrollin e mjetit, është lënë në burg nga Gjykata e Tiranës. Arben...
TIRANË– Një 33-vjeçar është arrestuar në Tiranë, pasi rezulton i dënuar me 7 vite burg. I arrestuari është Elton Drapi, 33 vjeç, banues në Ti...
TIRANË– Policia e Tiranë ka bërë të ditur se ka sekuestruar pasuritë e Ylli Didani, të arrestuar nga DEA amerikane. Didani, është 44-vjeçari s...
SPANJË– David Beriain dhe Roberto Fraile, dy gazetarët të cilët kanë realizuar një dokumentar në lidhje me mafian shqiptare kanë humbur jetën. Gazetarët is...
TIRANË-Dita e sotme do të dominohet nga alternime kthjellimesh dhe vranësirash të shpeshta në veri dhe qëndër POR në rajonin jugor mbetet me kthjellime.Mes...
Analistë dhe vëzhgues të jetës politike në Tiranë mendojnë se Shqipëria nuk arriti standarte të larta në ecurinë e procesit zgjedhor dhe pritet një vlerësim min...
TIRANË– Dy persona kanë përfunduar pas hekurave, pasi pritën në aeroportin e Rinasit dhe më pas strehuan një nga personat më të kërkuar aktualisht në botë,...
