Politike

VIDEO/ Basha komunikon me qytetarët: Gati për zgjedhje që nesër, do dënohet të gjithë ata që kanë vjedhur shqiptarët

  • Njësoj si Rama, çfarë nuk shkoi me bashkëbisedimin ‘live’ të Bashës me qytetarët
  • Çfarë nuk u pa nga VIDEO live e Bashës, Xhelal Mziu pyetje epike si qytetar i thjeshtë
  • Lulzim Basha ka zhvilluar sot një bashkëbisedim me qytetarët në Facebook. Kreu i PD është pyetur nga qytetarët për zgjedhjet e reja, ku tha se nuk ka hequr dorë nga kërkesa e tij për qeveri teknike. Po ashtu u shpreh se në zgjedhjet e ardhshme, që për të mund të zhvilloheshin dhe nesër dhe ishte i bindur në fitore do ketë votim e numërim elektronik. Një pjesë të komunikimit ia dedikoi programit të PD, ku tha se qytetarët duhet të jenë gati për ndryshim.
    Featured image of article: VIDEO/ Basha komunikon me qytetarët: Gati për zgjedhje që nesër, do dënohet të gjithë ata që kanë vjedhur shqiptarët Lulzim Basha, kreu i PD

    TIRANË- Kreu i Partisë Demokratike, Lulzim Basha, ka zhvilluar sot një bashkëbisedim me qytetarët në Facebook, ku është përgjigjur disa prej pyetjeve të tyre. Basha ka folur për disa nga çështje të aktualitetit pas pyejteve nga disa qytetarë. 

    Në fjalën e tij kreu i PD, ka bërë me dije se qytetarët në zgjedhjet e ardhshme do votojnë në mënyrë elektronike dhe po ashtu do ketë numërin elektronik dhe këto çështje janë në kalendarin e Reformës Zgjedhore.

    Po ashtu komentoi dhe vizitën e tij në Qytetin Studenti, ku tha se ajo që ndodhi ishte një gjë e stisur nga lart dhe punonjësja e konviktit është e terrorizuar. Basha tha se do hetohen të gjitha PPP-të dhe të gjithë ata që kanë futur dorën në xhepin e shqiptarëve do japë llogari para ligjit.

    Për më shumë bëhu pjesë e grupit më viral në Facebook, Dosja.al

    Për kreun e opozitës zgjedhjet mund të zhvillohen që nesër dhe ai dhe aleatët do dalin të fituar, nëse ato do jenë të lira dhe të ndershme. Komunikimi me qytetarët zgjati gati një orë dhe Basha tha se do ketë dhe raste të tjera për të komunikuar me qytetarët për të dëgjuar prej tyre shqetësimet e përditshme.

    (A.B. Dosja.al)

    • 19:04

      “Po vdesin njerëz në QSUT”, Basha ngre alarmin: Kapaciteti i kirurgjisë është përgjysmuar

      Kreu i Partisë Demokratike, Lulzim Basha nga bashkëbisedimi me qytetarët ka ngitur alarmin për QSUT-në, duke thënë se po vdesin njerëz pasi nuk po marrin shërbimin e duhur. Në reagimin e tij teksa u pyet nga një qytetar, kreu i opizitës u shpreh se QSUT sot është në gjendje katastrofike dhe është ulur kapacitetii  spitalit të Kirurgjisë dhe pse u inaugurua vetëm pak ditë më parë.

      E kam dëgjuar edhe javën e kaluar nga mjekët e QSUT se në çfarë gjendje katastrofike ndodhet jo vetëm Pediatria, por e gjithë QSUT-ja. Nuk ka gjë që e përmbledh më mirë konceptin e fasadës sesa ajo që u bë në QSUT. Sapo u inaugurua Kirurgjia e re, nga 12 kemi 6 salla, nga 120 kemi 60 shtretër. Po ta shikosh nga kronikat televizive, po, fasada është e bukur, është e lyer bukur. Po të futesh brenda kemi gjysmën e kapacitetit që kishte e vjetra për t’u shërbyer pacientëve, për të mos u futur në detaje të tjera të tmerrshme që kam dëgjuar nga profesionistët sesi mënyra dhe koha e komunikimit nga një repart i urgjencës tek një repart tjetër është zgjatur në krahasim me çfarë ishte.

      Pra, në qoftë se të duheshin një minutë apo dy minuta për të kaluar nga emergjenca në sallë operacioni, tani duhet të kalosh dy- tre ashensor. Pse?! Për hir të fasadës. Dhe kanë filluar vdekjet e atyre pacientëve, të cilëve mund t’u shpëtohet jeta, në qoftë se thelbi do të kishte prevaluar mbi fasadën. Jo, fasada në këtë rast, kontekstualisht, po vdes njerëz në QSUT. Do të vij shumë shpejt, edhe tek Pediatria, për të cilën për fat të keq kam marrë raportime, kam parë edhe raportime në media, kemi patur edhe njerëzit tanë në terren së fundmi për të parë sesa e tmerrshme është gjendja dhe për ta denoncuar atë. Dhe ju siguroj që do të jetë një nga prioritetet kryesore dhënia fund e kolapsit në shëndetësi”, u shpreh Basha.

    • 18:33

      Nuk e dinim këtë gjë për kryedemokratin, ja çfarë zbuluam gjatë videos “live” të Lulzim Bashës

      Kryedemokrati Lulzim Basha ka zhvilluar sot një video live ku edhe ka bashkëbiseduar me ndjekësit e tij në rrjete sociale. Gjatë “live-t” mësuam se Basha mban syze! Po, po! Edhe pse nuk ka dalë kurrë në publik me to (as në protestat e opozitës), kreu i PD-së ka nevojë për syze optike. Edhe pse as sot nuk i ka vënë, Basha sërish i ka mbajtur pranë tastierës së kompjuterit.

      Lulzim Basha

      Megjithatë duhet ta themi se nuk dimë ende detaje të tilla si; nëse janë syze për “afër” apo “larg”, apo se si duket kryedemokrati me ‘look-un’ ndryshe.

    • 18:35

      Basha tregon mendimin që ka për Ramën: E kam thënë mijëra herë

      Kreu i Partisë Demokratike, për disa minuta ka komunikuar me qytetarët ën Facebook, ku ata e kanë pyetur për çështje të ndryshme. Një prej tyre ka kërkuar mendimin e Bashës për Ramën dhe kreu i opozitës u përgjigj duket thënë se ai e ka thënë mendimin e tij prej kohësh dhe Kryeministri ka dështuar.  

      Lulzim Basha, kreu i PD

      Çfarë mendimi keni për Ramën, kundërshtarin tuaj politik?

      Mendimet e mia për kundërshtarin tim politik nuk janë të natyrës time personale, Rama ka dështuar në gjithçka. Se çfarë mendoj unëpër kundërshtarin tim poltik nuk është sekret, pasi e kam thënë mijëra herë. E rëndësishme është se çfarë mendimi keni ju, a jeni gati që bëni dryshimin dhe të merrni fatet e fëmijëve tuaj në duar.

    • 18:15

      Basha bashkëbisedim me qytetarët: Do ketë votim e numërim elektronik në zgjedhjet e ardhshme, nuk tërhiqemi nga kërkesa për qeveri teknike

      Kreu i Partisë Demokratike, Lulzim Basha, në një video live ka bashkëbiseduar me qytetarët në Facebook. Qytetarët e kanë pyetur Bashën për zgjedhjet e ardhshme dhe prentoi votimin elektronik dhe numërimin elektronik. Po ashtu ka bërë me dije se mbetet sërish në tryezë kërkesa e opozitës për zgjedhje të parakohshme dhe të ketë një qeveri teknike.  

      A do garantoni votimin elektronik në zgjedhjet e ardhshme?

      Po votimi elektronik dhe numërimi elektronik janë prioritet për Reformën Zgjedhore janë në tryezën e punës.

      A do ketë zgjedhje të parakohshme dhe një qeveri teknike?

      Kjo është një kërkesë e jona që të ketë një parlament legjitim dhe të ketë rregulla të barabarta loje. Duhen zgjedhje të parakohshme dhe të ketë një qeveri teknike pa këtë kryeministër, pasi janë kapur në përgjime dhe në vjedhje të votave.

    Shto Koment