Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Veshjet e Sahitit kanë pasqyruar vazhdimisht shtëpinë e tij, e cila për shekuj përfaqësonte udhëkryqin midis lindjes osmane dhe Europës.
TIRANË- Stilisti i njohur Valdrin Sahiti fitoi rëndësi ndërkombëtare kur krijimet e tij kaluan Atlantikun. Është vetëm një udhëtim i shkurtër me një ashensor të artë nga rrugët e ndotura të Prishtinës deri në universin paralel të magjepsjes së Valdrin Sahitit. Dyert hapen për të zbuluar një paradë manekinesh dhe modelesh me fustane me ngjyra të ndezura.
Ajri i përsosmërisë në atelienë e zhurmshme të stilistit të veshjeve bie në sy në vendlindjen e tij, Kosovën, një komb i vogël ballkanik, për të cilin është folur më shumë për luftë dhe tension etnik, sesa për modë të lartë. Aty Sahiti, 39 vjeç, ka stiluar dhe bërë veshje për Beyoncé, Kardashians dhe së fundmi Jennifer Lopez.
Por tashmë kanë kaluar më shumë se tre vjet, që kur emri i tij u shfaq në Vogue si krijuesi i LBD (fustani i vogël i zi, little black dress), që Beyonce veshi në Festivalin e Filmit në Londër. Tani është veshja si rrjetë merimange i J.Lo-së për premierën e Kiss of the Spider Woman në Festivalin e Filmit Sundance të këtij viti, që ka tërhequr vëmendjen. Hapi tjetër, thotë Sahiti, është një ftesë në Javën e Modës në Paris ose shitja e markës së tij në dyqane.
Çfarëdo që të ndodhë, studioja e tij në katin e dytë të një ndërtese zyre në rrugën për në aeroportin e Prishtinës do të mbetet qendra e perandorisë së tij në rritje. Kërkoni emrin e Sahitit në Google dhe një nga rezultatet më të zakonshme është kombësia e tij. Ai filloi punën pas luftës në Kosovë mes forcave serbe dhe shqiptare, e cila la më shumë se 13,000 të vdekur. NATO ndërhyri në qershor 1999 dhe Kosova shpalli pavarësinë nëntë vjet më vonë. Në vend ka ende rreth 4500 paqeruajtës të NATO-s.
Si shqiptarë të Kosovës, familja myslimane e Sahitit jetonte me tensionin etnik, nga shtypja e gjuhës së tyre gjatë viteve të Jugosllavisë deri te humbja e kushërinjve adoleshentë gjatë luftës. Ajo ende rëndon mbi të. Edhe pse ai ka disa klientë serbë, ai ka refuzuar të hyjë në tregun serb ose të stilojë veshje për personazhe të famshëm atje.
“Ndjeva çdo përplasje”, thotë Sahiti. “E kuptoj vlerën e të qenurit gjallë. Ndihmon shumë për të qenë konsistent në biznes.”
Nocioni për t’u bërë një stilist ishte “i çuditshëm” për shumë njerëz, thotë ai. Para se të mbushte 20 vjeç, Sahiti bënte fustane për maturantë dhe për miqtë e televizionit dhe shoëbizit lokal. Ai gjithashtu nuk kishte frikë të sfidonte kulturën ‘burrërore’ ballkanike, duke veshur një kostum rozë ose çorape shumëngjyrëshe nëpër qytet.
Veshjet e Sahitit kanë pasqyruar vazhdimisht shtëpinë e tij, e cila për shekuj përfaqësonte udhëkryqin midis lindjes osmane dhe Europës. “Unë jam gjithmonë në mes, edhe kur jam shumë i brengosur,” thotë ai.
Krijimet e tij të para u shitën për jo më shumë se 300 euro – megjithëse në atë kohë kjo ishte më shumë se paga mujore si mësuese e nënës së tij. Ai shpejt filloi të shesë fustane përtej Kosovës, duke bërë emër në Shqipërinë fqinje dhe Maqedoninë e Veriut.
Sahiti thotë se klientët e tij, të cilët dërgonin mijëra euro për fustane përmes Western Union apo transferta bankare, shpesh pyesnin veten nëse ishte një mashtrim. Udhëtimi për të vizituar klientët e pasur kërkonte viza dhe të kalonte ditë duke pritur në ambasada për t’i miratuar ato. Disa vende të Bashkimit Europian, përfshirë Spanjën dhe Greqinë, ende nuk e njohin Kosovën si shtet sovran.
Mirënjohja ndërkombëtare erdhi rreth vitit 2016, kur Sahiti vendosi të fshinte të gjitha postimet e tij në rrjetet sociale dhe të fillonte nga e para me një riemërtim, duke shfaqur fustanet e tij në manekinet pa kokë.
Kur erdhi një telefonatë, që ai duhej të stilonte një fustan për Beyonce-n, ekipi i tij mendoi se ishte një shaka. Sahiti i bindi ata se nuk kishin asgjë për të humbur nëse e bënin, ndonëse nuk ka pasur asnjë konfirmim nga këngëtarja apo rrethi i saj. (Ai e stiloi fustanin; ajo nuk e veshi kurrë atë.)
Pastaj, disa vjet më vonë, atij iu kërkua përsëri t’i dërgonte një fustan brenda pak kohe. Ende në dyshim, ekipi i tij dërgoi një copë mëndafshi të kuqe pa mëngë me një të çarë deri në kofshë dhe një dekolte të prerë. Më pas Sahiti e pa yllin me fustanin e tij në mbrëmjen gala para Grammy Awards 2020. “Ishte si një shuplakë,” thotë ai.
Sahiti tani punëson pak më shumë se 100 njerëz – një numër i madh në Kosovë – dhe bën deri në 100 fustane dasmash dhe fustane formale në muaj, me çmime që variojnë nga 800 euro deri në 7,000 euro. Fustani i veshur nga J.Lo në premierën e Sundance, për shembull, është 2200 euro. Shumica shiten në SHBA, MB, Francë dhe Nigeri, thotë ai. Ai po mendon gjithashtu një linjë veshjesh mbrëmjesh të përballueshme për tregun vendas të Ballkanit.
Ndërkohë, ai është përqendruar t’i përmbahet filozofisë, që mbështeti krijimet e tij të mëparshme. “Gjithmonë kam punuar me një sy në të kaluarën dhe një sy në të ardhmen,” thotë Sahiti. “Isha dhe jam për përzierjen e duhur të gruas me klas dhe sensualitet.”/ Monitor
Foto ilustruese Dashi Gjatë kësaj dite do preferoni të heshtni në vend që të thoni gjëra që mund të l...
Liam Payne dhe Kate Cassidy ARGJENTINË- E dashura e Liam Payne, Kate Cassidy, ka folur për herë të parë pas vdekjes tragjike t&eum...
Parashqevi Simaku SHBA - Biznesmeni shqiptar, Elton Ilirjani ka treguar së fundmi se këngëtarja shqiptare Parashqevi Simaku ka dalë nga...
Horoskopi Dashi Ka rrezik që stresi t’iu pushtojë herë pas here sot dhe nuk do ju lënë të qetë për t’i...
Diddy SHBA- Reperi Sean “Diddy” Combs pritet të përballet me më shumë se 10 padi të reja civile në ditët n&e...
Bianca Censori SHBA- Bianca Censori përpara se të njihej si gruaja e Kanye West bënte një jetë të qetë në Mel...
Horoskopi Dashi Diçka tepër e veçantë mund t’ju bjerë në sy gjatë blerjeve, dhe do të jetë e vë...
Bianca Censori SHBA - Gruaja e Kanye West, Bianca Censori vazhdoi të shkaktonte bujë me një kërcim të vlerësu...
Horoskopi Dashi Saturni dhe Hëna do jenë planetë shumë aktivë në jetën tuaj gjatë kësaj dite. Do jeni më...
Kristos Mastoras GREQI- Këngëtari shqiptar Kristos Mastoras është arrestuar nga policia greke për shkak të gj...
