Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANE – “Jemi në përfundim të të gjitha garave dhe në këtë vit të vështirë duhet ta quajmë sukses, pasi futbolli është i vetmi sport që mbyll të gjitha aktivitetet rregullisht sipas të gjitha kalendarëve dhe për të gjitha moshat, për meshkuj dhe për femra. Këtë sezon ne kemi pasur risi, pasi kemi filluar aktivitetin me futbollin 5×5, i cili është shumë popullor dhe i dashur për shqiptarët, dhe organizohet nga FSHF. E njëjta gjë edhe për futbollin 9×9”, – tha Presidenti i FSHF-së.
Futbolli i femrave & tifozët – “Futbolli i femrave? Nuk është thjesht për barazi gjinore, por është diçka e domosdoshme. I gjithë komuniteti i futbollit është i përgjegjshëm që femrat nga pikëpamja sportive apo edhe ajo fizike, nuk mund të luajnë në të njëjtin nivel sportiv si meshkujt, por gjithsesi, ato kanë të drejtën të luajnë futboll.
Futbolli pa spektatorë është më pak se sa gjysmak, por ka qenë e domosdoshme të vazhdonte sepse ndërprerja e përgatitjes sportive, e stërvitjes, e ndeshjeve, humbja e ritmit, të krijon një traumë akoma më të gjatë. Nuk të ndërpret vetëm 6 muaj apo një vit. Nëse e lë stërvitjen një ditë, nuk mund ta rikuperosh për 7 ditë, kështu që e njëjta gjë ndodh nëse do të ndërpritej për 1 vit. Kemi mbyllur disa aktivitete, por më pak se sa gjysmake, pa praninë e spektatorëve. Dëmi ka qenë në të gjitha këndvështrimet, kryesisht për atmosferën, për kënaqësinë e spektatorëve, për mobilizimin e sportistëve, por ka qenë dhe financiar, sepse në fund të fundit nuk mund të kemi zhvillimin e sportit pa financa”.
Kërkesat e futbollit ndaj qeverisë – “Ne i jemi lutur qeverisë që të na zgjidhi ca çështje që kanë në thelb mbijetesën për sportin në Shqipëri. Kjo ka qenë arsyeja e bojkotit të fillim të kampionatit, ishte vazhdimi i një premtimi të vetë qeverisë për përmirësimin e një pakete ligjore për të vënë sportin në përgjithësi dhe futbollin në veçanti, në shinat e zhvillimit. Duke qenë që ato premtime nuk u mbajtën u kalua te bojkoti, na u premtua përsëri dhe përsëri nuk u bë asgjë dhe ne sërish e kemi parë me pozitivitet, sepse e dinim që ishte fushata zgjedhore përpara. Tani që edhe zgjedhjet mbaruan uroj që të rikthehen dhe t’i mendojnë dhe një herë ato çështje”.
Klubet shqiptare në kupat e Europës – “Ne duhet të jemi të kënaqur nëse ndonjë klub shqiptar arrin në nivelin që ishte Skënderbeu, duke kaluar në grupet e Europa League apo qoftë edhe në ato të Conference League. Të arrish në grupet e Champions League është një objektiv shumë i vështirë, duhet goxha përgatitje, duhet buxhet i madh dhe në një treg të vogël si Shqipëria është shumë e vështirë. Nëse ne do të kemi klube shqiptare që arrijnë në grupet e Europa League dhe Conference League duhet të jemi vërtetë të kënaqur. Këtu i kemi mundësitë reale, përderisa edhe Skënderbeu arriti në dy edicione ta bëjë këtë gjë. Skuadrat tona kanë një përfaqësim shumë të mirë në Europë, qoftë edhe në këtë vit të vështirë pandemik. U kualifikuan të gjitha në turin e parë, teksa dikur ishte një xhiro turistike pjesëmarrja në kupat e Europës. Tashmë konkurrojmë dhe shkojmë gjithmonë më shumë se sa 1 apo 2 ture”.
Finalja e Conference League në Shqipëri – “Finalja është një event shumë i rëndësishëm dhe historik, aq më tepër që është hera e parë e këtij kompeticioni dhe sigurisht do të mbetet në histori që kjo ndeshje është zhvilluar në Tiranë dhe do të kujtohet gjatë. Nga të gjitha këndvështrimet e tjera është diçka shumë pozitive dhe nuk është e vërtetë që do të jenë skuadra të nivelit të ulët, por do të jenë padyshim klube të rëndësishme. Kjo do të sjellë shumë turistë, shumë biznese në Tiranë dhe nëse ju kujtohet në vitin 2001 një ndeshje e Anglisë këtu, duke qenë që Shqipëria e asaj kohe ishte shumë e papërgatitur, papritur mbaroi birra në Shqipëri dhe ditën e ndeshjes çmimi i birrës u katërfishua. Imagjinojeni se çfarë efekti mund të ketë një finale e tillë pastaj”.
Infrastruktura e fushave – “Inventari i fushave ka regres që nga koha e komunizmit, jo vetëm për futbollin, por edhe për sportet e tjera. Ndërsa cilësia e atyre që janë, është shumë më i mirë se sa më parë. Jemi të gjithë dëshmitarë të zhvillimeve që kanë ndodhur ku janë prishur fusha për të ndërtuar pallate dhe komponenti kryesor për të zhvilluar futbollin është shtimi i inventarit të fushave, jo vetëm me kualitet, por një numër shumë i madh dhe për aq fëmijë sa kanë dëshirë të luajnë futboll në Shqipëri. Ne kemi filluar një projekt prej kohësh, por kemi shumë pak përkrahje dhe mbështetje, jo thjesht vetëm financiare, sepse financat janë të rëndësishme dhe të parëndësishme, sepse ato gjenden, por qoftë edhe mbështetje morale.
Ne kemi filluar një projekt për të ndërtuar 100 fusha këto 3 vjet në Shqipëri dhe ne mendojmë se këto 100 fusha do të bëjnë një hap të rëndësishëm kualitativ për të pretenduar dhe për të shkuar atje ku thamë, në grupet e Champions League, finalet e një Kampionati Europian apo edhe turne të tjerë madhorë. Nuk kemi mbështetje dhe të gjitha institucionet, qoftë ato të pushtetit vendor, qoftë ato qendrore, më shumë tentojnë të na çojnë me këtë projekt drejt fushave ekzistuese dhe rikonstruksionin e tyre se sa ndërtimin e fushave të reja, duke mos pasur mundësi mbase të gjejnë hapësira. Por duhet të insistojmë, ne po vazhdojmë të insistojmë, duhet të kemi edhe dashamirësinë e institucioneve shtetërore.
Tani kanë ndryshuar gjërat, futbolli i rrugës ka prodhuar futbollistë dikur, por ky futboll është eliminuar në këto kushte dhe me patjetër duhet të ndërtojmë fusha futbolli ku fëmijët të mund të luajnë futboll. Përderisa na mungon ai futbolli i rrugës, që vërtetë ka prodhuar futbollistë. Ndaj nëse do të kemi dashamirësinë e Bashkisë së Tiranës dhe të gjitha bashkive të tjera nëpër Shqipëri dhe të pushtetit qendror, ne mund të gjejmë terrene që të jenë afër komuniteteve për të ndërtuar fusha futbolli komunitare, jo për profesionistët, por për fëmijët e lagjeve.
Problematikat e KOKSH – “Problematikat në KOKSH nuk kanë të bëjnë vetëm me procesin e zgjedhjes së presidentit, por edhe për asambletë apo zgjedhjet e organeve drejtuesve në KOKSH për të ardhur deri te zgjedhja e presidentit. KOKSH, sipas të gjithë anëtarëve, nuk ka funksionuar mirë, madje është regjistruar për herë të parë në gjykatat shqiptare në vitin 2018, merreni me mend se si ka funksionuar. Pastaj mënyra se si u organizuan asambletë, për të pasur ndryshime statutore dhe për të shkuar në zgjedhje ishin të gjitha në kundërshtim me ligjet dhe me statutet dhe nuk kishin të bënin aspak me frymën e olimpizmit që duhet të ketë ai institucion apo me frymën e një konsensusi të gjetur në mbledhjen e asamblesë së mëparshme me ndërhyrjen e të huajve si gjithmonë. Në konceptin tim KOKSH nuk mund të jetë vetëm për një udhëtim jashtë vendit, por duhet vërtetë të përhapë frymën e olimpizmit, të ndihmojë zhvillimin e sportit, të bashkojë të gjitha federatat dhe jo t’i përçajë ato. Fakti që KOKSH bën një asamble për të ndryshuar statutin në kushtet e bunkerizimit dhe pa pranuar asnjë media, sikur çfarë po ndodhte, duke ftuar disa e disa të tjera jo. Duke shkelur statutin në të gjitha afatet e lajmërimeve, etj., dhe të shkohet në zgjedhje, përjashtohen kandidatë për presidentë, përjashtohen anëtarë për të dhënë mendimin e tyre. Për këto arsye ne mendojmë që ajo asamble ka qenë e pavlefshme dhe për këtë e kemi ankimuar juridikisht, por nuk ka të bëjë me produktin, nuk ka të bëjë me individin, sepse për atë është çështje më vetë dhe kam koment më vete. Sa i përket individit në fjalë, mendoj se ka qenë i përshtatshëm për sport sepse edhe vetë populli është treguar i zgjuar dhe e hoqi nga politika, i tha ik në sport”.
Çështja e Super Ligës së Europës – “Nuk është diçka e re që lindi së fundmi, kjo ishte tentativa e tretë e bërë nga klubet të nivelit më të lartë europian për t’u bashkuar dhe për të pasur një ligë e për të luajtur mes tyre. Edhe ato vetë janë të bindur që nuk është diçka që i shërben futbollit, por i shërben kalimit të një pengese imediate, që ato klube kanë sot për shkak të mungesave financiare. Futbolli dhe ato klube kanë arritur në këto nivele përmes këtij sistemi që është, këtij sistemi solidar, këtij organizimi të federatave sportive, të FIFA-s dhe të UEFA-s. Nëse do të ndryshojë ky sistem padyshim që nuk do të kemi të ardhme. Ato klube nuk është se prodhojnë futbollistë, ato zakonisht blejnë futbollistë. Nëse do të bëjnë një ligë më vete ku do t’i marrin këto futbollistë nesër dhe ku do t’i marrin të ardhurat këto të tjerët, qoftë vende të vogla si i yni, për të zhvilluar futbollistët. Pra, kjo nuk i shërben të ardhmes së futbollit, ndaj nuk duhet të ndodhë dhe fatmirësisht nuk ndodhi. Mënyra se si u organizua konspiracioni me të cilin u shpall Super Liga, mendova që do të ishte diçka që vërtetë do ta dëmtojë shumë futbollin, por shpërbërja për 24 orë më pas ishte e habitshme. Uniteti që pati e gjithë bota sportive kundër asaj Super Ligë ishte vërtetë mbresëlënës. Mediat, tifozët, qeveritë, federatat ishin të gjithë në unison me FIFA-n dhe UEFA-n që kjo gjë do të dëmtonte futbollin”.
B.T (Dosja.al)
Iftar dhe politikë, a u prek Muaji i Ramazanit nga politikanët?
DURRES – Morali te Teuta nuk është i lartë. Humbja e fundit shtëpiake ndaj Partizanit është përjetuar keq, por ekipi durrsak mbetet në garë për fitimin e ...
TIRANE – Tirana, e dalë nga objektivat e sezonit dhe e ngecur në vendin e pestë luan nesër një ndeshje sa për statistikë ndaj Apolonisë, e rënë matematiki...
KOSOVE – Andi Zeqiri prej kohësh ka qenë një emër të cilin FFK ishte e sigurt se do ta bindte që të vishte fanellën e “Dardanëve” dhe të bëhej lideri i s...
GJERMANI – Eksperienca e Shkodran Mustafit në Schalke ka zgjatur shumë pak. Në fakt, futbollisti shqiptar do të largohet nga ekipi gjerman pas vetëm një s...
KORCE – Skënderbeu është një hap larg evitimit të “play-out” dhe qëndrimit në Superiore. Ekipi korçar ndodhet në formë të shkëlqyer. Nesër do të lu...
TIRANE – Ilir Daja doli këtë të enjte në konferencë për shtyp për të analizuar ndeshjen ndaj kësaj të premte ndaj Vllaznisë, sfidë që për Partizanin mund ...
DURRES – Skuadra vazhdon përgatitjet për ndeshjen e dytë miqësore, që do të luhet nesër në “Niko Dovana”, ndërkohë që trajneri Bulku nuk e ka fshehur faktin që ...
ITALI – Incidenti ndodhi kur Conte po shkonte drejt dhomave të zhveshjes në “Allianz Stadium” të Torinos. Ishte një ndeshje e Kupës së Italisë më 9 shkurt...
SPANJE – Një telefonatë mund të ndryshojë në mënyrë të papritur të ardhmen e Hansi Flick. Me shumë gjasa Flick do të marrë drejtimin e kombëtares gjermane...
FRANCË- PSG fiton për herë të 14-të Kupën e Francës. Në finale skuadra nga Parisi luajti kundër Monacos, finale që përfundoi me shifrat 2-0. Një takim që n...
