Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Përmes këtij mesazhi nëna e djalit transgjinor kërkon, që njerëzit publikë të cilët flasin në studio televizive të informohen para se të flasin për çeshtje të tilla.
TIRANË – Xheni Karaj aktivistja për të drejtat e komunitetit LGBT, ka publikuar në rrjetin e saj social, Facebook mesazhin nga nëna e një djali transgjinor. Përmes këtij mesazhi nëna e djalit transgjinor kërkon, që njerëzit publikë të cilët flasin në studio televizive të informohen para se të flasin për çështje të tilla.
Sipas saj ata nuk e njohin konceptin e identitetit gjinor. Në mesazhin e drejtuar Karajt ajo kërkon që mos përhapin gjuhën e urrejtjes ndaj fëmijëve të cilët vuajnë diskriminimin shoqëror. Duke ndarë eksperiencën e saj përmes mesazhit ajo thekson se njerëzit e këtij komuniteti nuk janë mikrob që të infektojnë shoqërinë.
Postimi i Plotë:
Mbrëmë, gjatë emisionit Opinion, mora mesazh nga nëna e një djali transgjinor. Për shkak se u ndërpreva gjatë leximit, nuk arrita ta përcillja të plotë. Sot po e ndaj me ju këtë mesazh kaq të bukur e frymëzues. Femija im lindi vajze para 21 vitesh, jetoi për shumë vjet i trysnuar brenda një trupi që nuk i përkiste, por jam e lumtur që gjeti më në fund guximin dhe forcën shpirtërore të jetojë ashtu si ai ndjehet, një djalë tashmë i lirë nga presioni shoqëror. Ne fillim edhe unë si produkt i kësaj shoqërie stereotipe u shokova, u shqetësova, u stresova kur dëgjova që femija im donte të ishte djalë. Kisha lindur, rritur dhe bërë ëndrra për vajzën time 15 vjet të tëra. Ishte e tmerrshme për mua kur mendoja gjithë vështirësitë që duhej të kalonte familja, por sidomos ai vetë me një shoqëri transfobike. Ishte gjithashtu e tmerrshme ta shihja të vuante për atë që ndjente dhe s’mundej të ishte. Fillova të kërkoj, të lexoj, të studioj se ç’thoshte biologjia dhe shkenca për një fëmijë të tillë, që ka lindur në një trup të huaj.
Në çdo hap e më thellë ndjeja me empati dhimbjen që femija im kalonte ditë për ditë, kur shihte veten në pasqyrë dhe donte ta thyente, frikën e tij në këtë ambient urrejtjeje rreth e rrotull që e quanin një gabim të natyrës, një përbindësh, një qenie që duhet zhdukur, vrarë, denigruar, që s’ka asnjë të drejtë. Diku aty, mes këtyre, zemërimi im ndaj shoqërisë arriti kulmin. Ndjenja e padrejtësisë dhe instinkti për t’u bërë mburojë për atë krijesë që unë vetë e solla në jetë më bëri ta përqafoj edhe më fort, të thyej e të ha me dhëmbë barriera të paimagjinueshme, të bëhem një shtyllë e fortë për të. Ky a nuk është misioni ynë si prind në këtë jetë? Të jemi krah tyre pa kushte, me dashuri dhe mbështetje sa dhe kur të na kenë nevojë? Kush është prind më kupton: misioni ynë në jetë është të duam fëmijët tanë pa kushte, t’i mbështesim dhe t’i mbrojmë me gjithë shpirt, pa vënë në dyshim identitetin e tyre gjinor apo orientimin e tyre seksual, të cilët nuk janë as kapriço, as fazë që do kalojë, as modë. Të gjitha këto i kam dëgjuar rëndom nga njerëz të painformuar, dhe ju drejtohem atyre: më thoni pak kush është ai njeri që në adoleshencë do të zgjidhte të ishte i përjashtuar nga shoqëria, i bullizuar, i ofenduar, i denigruar, i pështyrë, i goditur dhe i depresuar aq fort nga të gjitha këto sa të dojë t’i japë fund jetës në moshën më të bukur të tij? Kush?
Sa e dhimbshme dhe e padrejtë është për mua si nënë të dëgjoj nga njerëz publikë se femija im, ai që ka kaluar një ferr shpirtëror për të qenë vetvetja me çmimin më të lartë që ekziston, mund të jetë rrezik dhe të “infektojë” identitetin gjinor të dikujt tjetër, sikur të ishte një mikrob? Një kërkesë kam për ju personat publikë: fuqinë tuaj të fjalës ta përdorni me përgjegjësi. Është detyrim i juaji të informoheni para se të prononcoheni për çështje që nuk i njihni, si identiteti gjinor. Por sidomos një lutje kam: kujdes gjuhën e urrejtjes ndaj fëmijëve tanë që vuajnë diskriminim shoqëror. Sikur të mendonit se sa dëm u bëni njerëzve si femija im, jam e sigurt që do ta mendonit për herë të dytë. Dhe mos harroni: në këtë jetë kemi ardhur të japim e të marrim dashuri nga fëmijët, jo t’i shtyjmë ata drejt dëshpërimit të pashpresë.
Shefqet Ndroqi TIRANË- Një debat mes një mjeku dhe një infermieri në spitalin 'Shefqet Ndroqi' ka agravuar në përdo...
Skerdi Tase TIRANË- Seanca për 'Plumbin e Artë' ka vijuar ditën e sotme, ku po jep dëshminë i penduari i drejtësis&...
Akil Pano TIRANË- Pastori Akil Pano nga Koalicioni Pro Familjes ka folur për projekt-ligjin për barazinë gjinore, i cili ka ngjallur de...
Emmanuel Macron SHBA- Në Asamblenë e Përgjithshme të OKB-së në kuadrin e konferencës për zgjidhjen ...
Enver Petrovci TIRANË –Kreu i Partisë Demokratike Sali Berisha, përmes një postimi në rrjetin social Facebook ka shprehur ng...
Foto Ilustruese LEZHË- Një aksident i trefishë ka ndodhur ditën e sotme në Ishull-Lezhë. Mësohet se 3 makina jan&eu...
Kanabisi VLORË- Një 41-vjeçar është arrestuar ditën e sotme në Vlorë pasi u kap me lëndë narkotike...
Prokuroria Fier FIER- Prokuroria e Fierit ka përfunduar hetimet për një ndërtim të paligjshëm në lagjen Kongresi t&...
TIRANË- Më shumë se gjysma e punonjësve të huaj që kanë ardhur në Shqipëri në 2024 për të punuar k...
Foto Ilustruese TIRANË- Numri i zyrave aktive të këmbimit valutor është në rënie gjatë këtij viti. Sipas infor...
