Djali sekser i anëtares së KLP-së u konfliktua me ndërtuesin në Vlorë për apartamentin shpërblim, zbardhet dinamika e ngjarjes me 1 të vdekur

viktima dhe autori

VLORE- Detaje të reja janë hedhur në dritë lidhur me ngjarjen me një viktimë sot në Vlorë. Viktima Armando Meshau, 55-vjeç, humbi jetën pasi u godit dy herë me grusht në fytyrë nga 33-vjeçari Rei Meta. Të dy kanë pasur një konflikt të pazgjidhur, që ka qenë i mbartur prej mëse 8 muajsh. Ngjarja e rëndë ndodhi rreth orës 11:45 të mesditës në ambientet e një kancelarie në Vlorë, ku humbi jetën 55-vjeçari Armando Meshau.

Viktima ndodhej në kancelarinë nga ku u nxor i pajetë, për të printuar disa dokumente, por është konfliktuar me autorin 33-vjeçar, Rei Meta. Nga hetimet zbulohet se 33-vjeçari kishte ndërhyrë si sekser për një prej pronave që biznesmeni i ndërtimit kishte interes, duke i premtuar garanci se do t’i zgjidhte punë, raporton “A2”.

I riu kishte premtuar zgjidhje për pronën e Armando Meshaut, duke përdorur emrin e të ëmës, që është anëtarja e KLP-së, Nurihan Seiti Meta. Në këmbim do të përfitonte një apartament që do t’i falej nga ndërtuesi i njohur në qytetin bregdetar. Por, Meta kishte dështuar në rolin e tij si sekser dhe 55-vjeçari kishte zgjidhur çështjen që e shqetësonte duke shfrytëzuar lidhjet me palë të treta.

Nga ana tjetër, 33-vjeçari pretendonte se ndërtuesi duhet t’i falte apartamentin. Kaq ka mjaftuar që mes tyre të niste një konflikt, e që përfundoi me një viktimë.

I ndjeri kishte refuzuar t’ia kalonte në pronësi apartamentin Rei Metës, dhe kur janë përballur në dyert e kancelarisë, debati mes tyre ka degjeneruar në fyerje dhe përdorimin e grushteve. Rei Meta, aktualisht është punonjës i Drejtorisë së Përgjithshme të Doganave.

Rei Meta

Personi në foto është Rei Meta, i cili vrau 55-vjeçarin Armando Meshau, pas një konflikti në një qendër interneti në Vlorë. Gjithçka nisi me një përplasje fizike në një qendër interneti, për borxhin e një apartamenti. Rei Meta rezulton të jetë i biri i anëtares së KLP-së, Nurihan Meta. 

Prej disa vitesh autori dhe viktima kishin përplasje mes tyre, për shkak të blerjes së një apartamenti. Viktima Armando Meshau ka qenë në një pikë interneti për të printuar dokumente, dhe sipas burimeve, ka nisur të konfliktohet me Rei Metën, i cili ishte në po të njëjtin ambient.

Debati ka degjeneruar me grushte, ku shkaku ka qenë një banesë dhe sipas burimeve brenda pikës së internetit Armando Meshau, i cili ishte ndërtues, ka debatuar me Metën dhe i ka thënë që s’ka për ta marrë apartamentin. Autori është arrestuar rreth orës 15:45, në zonën e Lungomares.

33-vjeçari, banues në Tiranë, u shoqërua në ambientet e policisë, për kryerjen e veprimeve të mëtejshme procedurale.

Rei Meta dhe Armando Meshau

VLORË- Detaje të reja janë zbardhur nga sherri në Vlorë, ku humbi jetën Armando Meshau.

Autori i vrasjes më grushte të ndërtuesit Armando Meshahu, është Rei Meta, djali i Nurihan Metës, anëtares së Këshillit të Lartë të Prokurorisë, 

Ngjarja e rëndë ka ndodhur në ambientet e një qendre interneti në lagjen “Hajro Çakërri”, rreth orës 11:45. Si pasojë e goditjes me grushte, 55-vjeçari ka ndërruar jetë. Ndërkohë pak or pas ngjarjes, është venë në pranga Rei Meta.

pamje nga vendngjarja

KOSOVË- I dyshuari për vrasjen e ndodhur në Kosovë pasditen e sotme është shtetasi Tush Frroku, ku për motive akoma të panjohura ka qëlluar me armë zjarri në drejtim të viktimës, Anton Prela.

Ngjarja ka ndodhur në një lokal në Klinë. I dyshuari është arratisur nga vendi i ngjarjes dhe policia është në kërkim të tij.

foto nga vendngjarja

TIRANE- 55-vjeçari, Armando Meshau, një emër i njohur në fushën e ndërtimit, u vra pas një sherri në një kancelari në Vlorë. Ai u u qëllua me grushte nga një person i cili është vënë në pranga, por nuk jepen detaje. Armando Meshau mësohet se ka goditur kokën në pllakë pas konfliktit. Për fat të keq përplasja ka qenë fatale. Identifikimi i autorit ka qenë i lehtë për policinë, pasi e gjithë zona ka qenë e monitoruar nga kamerat e sigurisë. Trupi i të ndjerit është transportuar për në morgun e spitalit të Vlorës.

Dinamika e sherrit

Armando Meshau, 55-vjeç ka qënë në një pikë interneti per te printuar dokumente, dhe sipas burimeve ka nisur të konfliktohet me një person tjetër që ka qënë dhe ai po në ambjentet e internetit. Debati më tej ka degjeneruar me grushta, ku shkaku ka qënë një banesë.

Dhe sipas burimeve brenda pikës së internetit, 55-vjeçari ka debatuar me personin që ishte brenda duke e ofenduar dhe i ka thënë që: “S’ke për ta marrë apartamantin me fjalë banale”.

Ndërkohë që ai e ka qëlluar dy herë me grushte në fytyrë dhe nga goditja ka rënë pa ndjenja duke humbur dhe jetën. 55-vjeçari me profesion inxhinier, vdiq nga goditjet me grushte të agresorit, teksa si pasojë e dhunës së rëndë nuk mundi të mbijetojë. Ngjarja e rëndë ndodhi në ambientet e një qendre interneti në lagjen “Hajro Çakërri” rreth orës 11:45. Lidhur me ngjarjen e rëndë, blutë e Vlorës shoqëruan disa persona për të kuptuar mbi rrethanat dhe dinamikën e ngjarjes, kryesisht njerëz të pranishëm në cilësinë e dëshmitarëve.

pamje nga vendngjarja

VLORË- Policia e Vlorës vuri në pranga autorin e dyshuar, Rei Meta, 33 vjeç pranë zonës së Lungomares. 

Gjatë sherrit në një ambient pranë gjykatës së Vlorës, humbi jetën Armando Mesha me profesion inxhinier. Shkak kryesor dyshohet se janë konfliktet pronësore dhe borxhet mes viktimës dhe autorit.

"Në lidhje me ngjarjen e ndodhur rreth orës 11:45, në një qendër interneti, në lagjen “Hajro Çakërri”, ku gjatë një konflikti për motive të dobëta, ndërmjet 2 shtetasve, për shkak të dhunës fizike të ushtruar ndaj tij (goditjeve me grushte), humbi jetën shtetasi A. M., ju informojmë se:

Si rezultat i reagimit të menjëhershëm të shërbimeve të Policisë, u bë i mundur identifikimi, kapja dhe arrestimi i autorit të këtij rasti, shtetasit R. M., 33 vjeç, banues në Tiranë, i cili aktualisht është shoqëruar në ambientet e Policisë, për kryerjen e veprimeve të mëtejshme procedurale.

Në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, vijojnë hetimet për zbardhjen e plotë të rrethanave të kësaj ngjarjeje”, deklaron policia.

Armando Meshau

VLORË- Detaje të tjera kanë dalë nga sherri mesditën e sotme në Vlorë që la një person të vdekur. Mësohet se sherri mes dy personave nisi në një qendër interneti, pranë Gjykatës së Vlorës.

Teksa Meshau po printonte disa dokumente, është konfliktuar me një person tjetër. Shkak për debatin ka qenë një apartament. Debati me fjalë ka agravuar në përdorimin e dhunës dhe autori e ka qëlluar disa herë më grushte në fytyrë. 

Pamje nga vendi i ngjarjes

VLORË- Policia e Vlorës ka dhënë informacion zyrtar lidhur me vrasjen e ndodhur në Vlorë, Armando Memshani. Sipas të dhënave të para të dhënave të Policisë së Shtetit, si pasojë e një sherri mes dy personave, njëri prej tyre mbeti i vdekur. Ngjarja e rëndë ndodhi rreth orës 11:45, në lagjen “Hajro Çakërri”, në një qendër internet, ndërsa mësohet se viktima është identifikuar si shtetasi Armando Memshani. Po ashtu, Policia ka bërë me dije se ka identifikuar edhe autorin e ngjarjes. 

NJOFTIMI I POLICISË:

Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi Armando Memshani, rreth 55 vjeç, për shkak të dhunës fizike (goditjeve me grushte), ka humbur jetën.

Shërbimet e Policisë kanë shkuar menjëherë në vendngjarje. Nga veprimet e shpejta është bërë identifikimi i autorit dhe vijon puna për kapjen e tij. Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti.

Viktima

VLORË- Fotoja e mëposhtme është e viktimes së sherrit në Vlorë. Mësohet se Armando Memshani, u zu me një person tjetër me grushte dhe sende të forta. 

Në foto shihet se trupi i pajetë i 51-vjeçarit Memshani është mbuluar nga autoritetet me batanije termike.

Viktima