Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Fondi i akorduar është 10 milionë lekë të rinj dhe bën fjalë për kanalizime kryesore. Por, nisur nga objekti, pallatet në të cilat do të ndërhyhet janë ato të rindërtuara të tërmetit dhe kushtuan dhjetëra miliona euro. Janë me numra të njëjtë me procedurat e tenderëve.
SHIJAK- Pas denoncimit të Fiksit në qershor këtyre banorëve u vunë më në fund në punë ashensorët. Por problemi i bodrumeve me ujëra të zeza dhe lulishtet e papërfunduara qëndronte ende, duke detyruar banorët të përveshin mëngët dhe t’i mirëmbajnë vetë.
Fiksi e vazhdoi sërish vëzhgimin e tij edhe në shtator ku pa se situata ishte po e njëjta.
Megjithëse për pallatet dhe infrastrukturën përreth ishin shpenzuar 30 milionë euro, sërish Bashkia e Shijakut hapi një tender me objekt të procedurës së prokurimit; “Sistemim i Kanaleve të Ujërave të Zeza plus Kanaleve të Ujërave të Bardha në sheshet e pallateve me numër 5.8, 5.9, 5.10, 5.12, 5.17, 5.13, 5.14 dhe 5.4 të Bashkisë Shijak”.
Fondi i akorduar është 10 milionë lekë të rinj dhe bën fjalë për kanalizime kryesore. Por, nisur nga objekti, pallatet në të cilat do të ndërhyhet janë ato të rindërtuara të tërmetit dhe kushtuan dhjetëra miliona euro. Janë me numra të njëjtë me procedurat e tenderëve.
Fiks Fare kontaktoi me Bashkinë e Shijakut dhe i kërkoi informacion zyrtarisht për këtë procedurë. Në përgjigje, bashkia thotë se procesi i rindërtimit në atë bashki është kryer nga Fondi Shqiptar i Zhvillimit.
“Bashkia e Shijakut nuk do të ndërhyjë në zonën 5, për zhvillim pasi në këtë zonë infrastruktura është kryer nga firma e kontraktuar nga Fondi Shqiptar i Zhvillimit. Në lidhje me zërin e publikuar të projektit me titull “Sistemim i KUZ + KUB në sheshet pas pallateve 5.8, 5.9, 5.10, 5.12, 5.17, 5.13, 5.14, 5.15, 5.4”, në lagjen popullore, Bashkia Shijak përfshin sistemimin e kanalizimeve të ujërave të bardha të banesave ekzistuese përreth zonës së rindërtimit nr. 5”.
Ndërkohë, ndryshe nga kjo përgjigje, tenderi i publikuar në Agjencinë e Prokurimit Publik nuk e ka fjalën “pas pallateve”!
Sipas bashkisë, në banesat ku do të kryhet investimi nuk përfshihen në zonën për rindërtim, por lagjet që ndodhen pas zonës nr. 5 për zhvillim, për shkak se nuk kanë qenë të përfshira në zonën e re për zhvillim ka lindur nevoja për sistemimin e ujërave të bardha dhe të zeza me qëllim të lidhjes së tyre me infrastrukturën kryesore, dhe ndërtimin e një muri mbajtës në lagjen popullore për arsye të mbrojtjes së rrëshqitjes së dherave në këtë lagje .
Bashkia thotë se objektet shumëkatëshe të rindërtuara janë kolauduar nga Fondi Shqiptar i Zhvillimit dhe në këto momente janë brenda periudhës së garancisë. Por, nga ajo që konstatoi Fiksi ishte se bodrumet e tyre janë gjithë ujëra të zeza.
Disa ditë pas interesimit të Fiks Fare, Bashkia e Shijakut ka ndryshuar objektin e tenderit. Nga “Sistemim i Kanaleve të Ujërave të Zeza plus Kanaleve të Ujërave të Bardha në sheshet e pallateve”, u bë “Sistemim i Kanaleve të Ujërave të Zeza plus Kanaleve të Ujërave të Bardha në lagjen popullore të Bashkisë Shijak”. Fondi dhe punimet janë të njëjta, por gjithçka u kamuflua me qëllim që të fshihet se në pallatet që kushtuan 30 milionë euro të ndërhyhet sërish!
Fiks Fare shfletoi dokumentet e tenderëve të kryer nga Fondi Shqiptar i Zhvillimit. Pallatet në atë lagje kanë kushtuar rreth 30 milionë euro. Në këto dokumente parashikoheshin ashensorët, bodrumet dhe lulishtet.
Në vitet 2020 dhe 2021 janë bërë 5 procedura, me vlerë 2.7 miliardë lekë. Madje, janë bërë edhe tendera për ndërtimin e rrjetit rrugor dhe infrastrukturor me vlerë 200 milionë lekë. Në të gjithë lagjen “Lugina” janë ndërtuar 31 pallate, në një sipërfaqe prej 25 mijë metra katrorë. Gjithsej janë bërë 660 apartamente, shumica e së cilave janë dorëzuar në muajin maj 2023. Por ende nuk janë mbyllur sicc duhet punimet edhe pse u harxhuan plot 30 milion euro. /Top Channel
drejtoria e pergjithshme e tatimeve TIRANË- Në mbledhjen e sotm të qeverisë, Këshilli i Ministrave ka emëruar Ilir Binajn, n...
TIRANË- Urdhri i Stomatologëve të Shqipërisë ka njoftuar se deri në datën 8 tetor nuk do të ofrojnë asn...
foto ilustruese SHKODËR- Një 13-vjeçar ka përfunduar në spitalin e Shkodrës, pasi është rrëzuar aksidentalis...
foto ilustruese TIRANË- Ambasada e Shteteve të Bashkuara të Amerikës në Tiranë ka njoftuar se sot hapen aplikimet për lo...
pamje nga vendngjarja DURRËS- Një aksident ka ndodhur pasditen e sotme në autostradën Durrës-Rrogozhinë. Mësohet se...
Foto ilustruese TIRANË- Ditën e sotme është mbajtur seanca në GJKKO për vrasjen e ish-policit, Santiago Malko. Ndërkoh&e...
Santiago Malko TIRANË- Detaje të reja kanë dalë nga seanca në Gjykatën e Posaçme për vrasjen e Santiago Mal...
Santiago Malko dhe Leonard Duka TIRANA- Nis seanca në GJKKO për vrasjen e ish-policit Santiago Malko, paraqitet porositësi, Leonard Duka. K&...
Foto ilustruese MORINË- 48-vjeçari Fatmir Kërtusha, i shpallur në kërkim për një tentativë për vra...
Policia e Shtetit TIRANË- Drejtori i komanduar i Policisë Sokol Bizhga ka mbledhur sot në takim shefat e komisariateve në Tiran&eu...
