Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në investigimin e The Sun shkruhet se Halilaj u vra pasi humbi një dërgesë droge tetë vjet pasi ai ‘përmbyti’ Southampton-in me kokainë me vlerë 4 milionë paund.
BELGJIKË- The Sun ka publikuar një investigim për vrasjen e shqiptarit Bekim Halilaj dhe mënyrën sesi 'gangsterët' shqiptarë ekzekutohen nga njerëzit e tyre për çështje droge. Në investigimin e The Sun shkruhet se Halilaj u vra pasi humbi një dërgesë droge tetë vjet pasi ai ‘përmbyti’ Southampton-in me kokainë me vlerë 4 milionë paund.
Sipas inevstigimit ekspertët kanë deklaruar për ‘The Sun’ se vrasja e tij barbare është shenjë e përshkallëzimit të dhunës midis bandave shqiptare që kanë adoptuar taktika të përdorura nga kartelet meksikane. Gjithashtu The Sun thekson se vrasja e Halilajt ngjan me ekzekutimet e e kriminelëve të Amerikës së Jugut, të cilët njihen për përdorimin e taktikave të egra si varja e viktimave, prerjet e kokave dhe tortura. Gazeta britanike shkruan më tej se viktimat e bandave shqiptare në Mbretërinë e Bashkuar janë torturuar, djegur brenda makinave, u janë nxjerrë thonjtë dhe thjesht janë zhdukur.
Në investigim nënvizohet gjithashtu se më famëkeqja nga bandat e Meksikës është Karteli i Gjeneratës së Re Jalisco, i cili rekruton fëmijë të varfër që në moshën 15 vjeç dhe i detyron ata të hanë mish dhe zemra njerëzish. Më tej The Sun përmend një nga rastet ku një bandë shqiptare rrëmbeu një bashkëkombës dhe kërkoi 400.000 paund të afërmit, duke e torturuar dhe duke i hequr thonjtë.
Artikulli i Plotë i The Sun:
Ishte një pamje aq e tmerrshme, saqë kalimtarët fillimisht menduan se trupi i përgjakur që varej në një tabelë anës rrugës ishte një zbukurim për Halloween. Ata u kapluan nga tmerri kur kuptuan se figura që varej nga pankarta ishte një person i vërtetë.
Shqiptari Bekim Halilaj, 29 vjeç, besohet se u vra nga pasi humbi një dërgesë droge tetë vjet pasi ai ‘përmbyti’ Southampton-in me kokainë me vlerë 4 milionë sterlina. Trupi i pajetë i Halilajt u gjet i lidhur pas një tabele rrugore në një rrugë kryesore në Bruksel muajin e kaluar.
Ekspertët i thanë ‘The Sun’ se vrasja e tij barbare është shenjë e përshkallëzimit të dhunës midis bandave shqiptare që kanë adoptuar taktika të përdorura nga kartelet meksikane. Kriminelët e Amerikës së Jugut njihen për përdorimin e taktikave të egra “shok dhe frikësim” si varja e viktimave, prerjet e kokave dhe tortura.
Viktimat e bandave shqiptare në Mbretërinë e Bashkuar janë torturuar, janë djegur brenda makinave, u janë nxjerrë thonjtë dhe thjesht janë zhdukur. Ervin Karamuço, profesor i kriminologjisë në Universitetin Shtetëror të Tiranës në Shqipëri, tha se vrasësit meksikanë janë bërë “konsulentë” për kriminelët kryesorë të vendit.
Ai tha: “‘Shkollat’ e kartelit meksikan për torturë dhe dhunë vdekjeprurëse janë bërë një model për rrjetet kriminale, një mjet jashtëzakonisht efektiv për imponimin e autoritetit, tmerrit dhe kontrollit mbi tregtinë e drogës. Instruktorë nga kampet famëkeqe të stërvitjes për sicarios (vrasës) tani shërbejnë si konsulentë për grupe aleate që paguajnë për ‘ekspertizën’ e tyre. Çdo vit, këto taktika adoptohen me përpikmëri nga organizata kriminale shqiptare që punojnë me kartelet.
Rezultati? Hetimet policore bëhen shumë më të vështira — këto teknika janë jashtëzakonisht të sofistikuara dhe lënë pothuajse asnjë gjurmë. Është e vërtetuar mirë se të ashtuquajturit ‘ambasadorë’ shqiptarë po qëndrojnë në Amerikën Latine, jo për turizëm, por për të arritur marrëveshje direkt me kartelet”.
Bekim Halilaj ishte pjesë e një bande të krimit të organizuar që kontrabandoi më shumë se 4 milionë sterlina kokainë përmes Southampton-it. Ai u burgos për shtatë vjet në vitin 2017 për komplot për të furnizuar drogë të klasit A, së bashku me tre bashkëpunëtorë. Gjykata e Kurorës së Southampton-it dëgjoi se kokaina, e sjellë nga tregtarët në Essex, ishte e cilësisë së lartë, në disa raste 91 për qind e pastër.
Halilaj u deportua në atdhe pas dënimit të tij, por më vonë u transferua në Belgjikë, ku autoritetet kanë nisur një hetim për vdekjen e tij. Një burim i tha agjencisë belge të lajmeve RTL: “Halilaj u rrëmbye, u ekzekutua dhe u var si paralajmërim pas humbjes së një dërgese të madhe droge, me mesazhin e qartë: ‘Kjo është ajo që ndodh nëse përpiqeni të na dëmtoni’”.
Koka të prera
Nuk është hera e parë që bandat shqiptare kanë përdorur teknika të përdorura nga kartelet meksikane. Amerikano-jugorët janë mpirë nga pamja e trupave të varur nga urat, gjë që ka qenë një dukuri e rregullt që nga fillimi i viteve 2000. Kokat e prera dikur hidheshin në një pistë vallëzimi, pjesë trupash janë gjetur të ruajtura në frigoriferë, kurse makinat e djegura dhe ekzekutimet në vend janë të zakonshme.
Më famëkeqja nga bandat e Meksikës është Karteli i Gjeneratës së Re Jalisco, i cili rekruton fëmijë të varfër që në moshën 15 vjeç dhe i detyron ata të hanë mish dhe zemra njerëzish si pjesë e një ceremonie të sëmurë inicimi. Në Britani, një bandë shqiptare rrëmbeu një bashkëkombës dhe kërkoi 400.000 sterlinanga të afërmit, duke e torturuar dhe duke i hequr thonjtë.
30-vjeçari u mbajt peng për katër ditë në një mosmarrëveshje për shtëpitë e kanabisit në Londrën Lindore në vitin 2022. Ai u lirua kur policia sulmoi shtëpinë dhe pesë burra dhe një grua u akuzuan për rrëmbim dhe kërcënime për vrasje, por çështja më vonë u mbyll kur një dëshmitar kyç tërhoqi provat në Gjykatën e Kurorës në Harrow.
Vetëm një i pandehur u dënua në lidhje me operacionin e shtëpisë së kanabisit. Nekid Arapi, 26 vjeç, i njohur si Kid Vlonjati, u dënua me 16 muaj burg për posedim për tentativë shitjeje të drogës së klasit B. Policët shqiptarë thanë në atë kohë: “Personi i rrëmbyer u rrah keq dhe thonjtë i janë hequr nga gishtat”.
Gangsterët e nisën hakmarrjen e tyre kur Arben Lleshi u burgos për të paktën 32 vjet për vrasjen e një trafikanti droge shqiptar. Agim Hoxha, 27 vjeç, u zbulua në një makinë të djegur pranë Southampton në prill 2012. Policia beson se ai u vra në një apartament në qytet përpara se trupi i tij të digjej në një Mercedes Benz, të hedhur në fshatin e afërt Chilworth.
Gjykata e Kurorës në Winchester dëgjoi se si policët zbuluan se viktima Hoxha ishte një trafikant droge pasi gjetën 42.000 sterlina të fshehura në njërën nga dy makinat e tij pas vdekjes së tij.
Vrasësi Lleshi, 27 vjeç, u ekstradua në Shqipëri për të vuajtur pjesën tjetër të dënimit me burg në vitin 2016, por dy vjet më parë ai u qëllua për vdekje brenda Burgut të Peqinit, i cili strehon disa nga personat më të rrezikshëm të Shqipërisë. Një burim i brendshëm tha: "Nuk ka dyshim se të shtënat ishin të lidhura me aktivitetet kriminale të Lleshit jashtë vendit".
Zhdukje të pazgjidhura
Në një rast tjetër, pamjet e kamerave të sigurisë treguan 28-vjeçarin Aron Kato duke u ndjekur dhe shtyrë përtokë në Ilford, në lindje të Londrës. Policia thotë se ai u fut më pas në një BMW të errët. Zhdukja e tij në vitin 2019 nuk është zgjidhur kurrë. Burime të brendshme pretendojnë se ai u rrëmbye dhe ndoshta u vra për përfshirjen e tij në grabitjen e një ferme kanabisi të drejtuar nga një bandë shqiptare.
Një video rrëqethëse në TikTok e postuar në maj sugjeron se miqtë e Aronit rrëmbyen një shqiptar dhe e kërcënuan atë në një akt hakmarrjeje. Me titullin Aaron (sic) Kato tani është zhdukur, ajo tregon dy burra të maskuar që e godasin viktimën e tyre në kokë me thikë përpara se t'i kërkojnë të japë emrin e tij.
Ajo pasohet nga një rep për Aronin dhe se si e dashura e tij sapo kishte lindur një djalë. Një video e dytë e ndëlidhur, me të njëjtin rep, sugjeron se personi i rrëmbyer është një "kopshtar" - dikush që është i punësuar për t'u kujdesur për bimët në një shtëpi kanabisi. Gazetari veteran shqiptar Artan Hoxha tha se vrasja në Belgjikë tregoi se sa larg janë të gatshëm të shkojnë gangsterët tani. Ai tha: “Është e pabesueshme që, në zemër të Evropës, po shohim incidente si ato të kryera nga kartelet meksikane. Kjo tregon se sa larg është gati të shkojë krimi i organizuar shqiptar”./Dosja.al
Foto ilustruese KOSOVA- Komisioni Qendror i Zgjedhjeve nuk ka akredituar disa media për vëzhgimin e zgjedhjeve lokale të së dielës...
Altin Dumani TIRANË- Në mars të vitit të kaluar, Gjykata e Posaçme Kundër Korrupsionit dhe Krimit të organizuar vendo...
I dhunuari Kozma Kukli VLORË- Një ngjarjes e rëndë ka ndodhur sot në Vlorë rreth orës 14:00, përballë tre...
droga e sekuestruar ITALI- Një 40-vjeçar shqiptar është arrestuar nga policia italiane, pasi u kap duke i shitur kokainë një...
foto ilustruese TIRANË- Prokurori i Përgjithshëm Olsian Çela thirri sot në një mbledhje drejtuesit e prokurorive dhe p...
Foto ilustruese TIRANA- Është botuar në Fletoren Zyrtare vendimi i plotë i Gjykatës Kushtetuese, në të cilin shpjeg...
foto ilustruese KOSOVË- Deputeti i Listës Serbe, Sllavko Simiq, dhe Urosh Vuksanoviq, janë deklaruar të pafajshëm për akuz&eu...
Elvis Shkambi TIRANA- Avokati Kujtim Ibra, përfaqësues ligjor i Elvis Shkambit, autorit të dyshuar të vrasjes s&eu...
Foto ilustruese TIRANA- E gjitha filloi me një kërkim të thjeshtë në Google me fjalët: “mundësi investimi”. ...
Fatmir Sheholli KOSOVË- Autoritetet kosovare kanë arrestuar sot një kosovar si të dyshuar për përfshirje në spiunazh. Pr...
