Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• 41 turistë polakë u paraqitën për ndihmë mjekësore në Spitalin e Vlorës, me simptoma helmimi nga ushqimi. • Ata janë jashtë rrezikut për jetën. • Këta shtetas sot kanë qenë me guidë në një anije turistike, në ishullin e Sazanit. • Mësohet se turistët e huaj janë kryesisht fëmijë rreth moshës 15-vjeç dhe dyshohet të jenë helmuar nga ushqimi që kanë konsumuar sot teksa udhëtonin me anije për në ishullin e Sazanit.• Grupi hetimor i ngritur për këtë rast, në bashkëpunim me specialistë të AKU-së dhe në drejtimin e Prokurorisë, vijon punën për përcaktimin e shkakut të helmimit të këtyre shtetasve.
6 artikuj për këtë temë.
VLORË- Kjo është anija ‘Black Peral’ më të cilën udhëtuan 41 turistët polakë të cilët u helmuan dhe u paraqitën në spitalin e Vlorës.
41 turistët dyshohet se u helmuan nga ushqimi që iu është shërbyer në një anije turistike në qytetin bregdetar të Vlorës. Mësohet se turistët ishin duke udhëtuar me anije në itinerarin Sazan-Karaburun, dhe kanë konsumuar ushqimin e shërbyer.
Turistët janë paraqitur në urgjencën e Spitalit të Vlorës me të vjella dhe kanë marrë ndihmën e parë, ndërsa mes tyre janë edhe 5 fëmijë të cilët po trajtohen në pediatri.
VLORË- Drejtoria Rajonale e Autoritetit Kombëtar të Ushqimit Vlorë ka reaguar lidhur me helmimin e 41 turistëve polakë në Vlorë, të cilët po udhëtonin me anije dhe janë transmetuar mënjehërë në spitalin rajonal. AKU njofton se po kontrollohen të gjitha subjektet sipas itinerarit të tyre për të zbuluar nëse rasti lidhet me helmim nga shërbimi i ushqimeve. Sipas AKU, shëndeti i turistëve mund të jetë përkeqësuar edhe nga kushtet klimatike dhe ekspozimi në temperatura të larta.
NJOFTIMI I PLOTË:
Deklaratë për shtyp nga Drejtoria Rajonale e Autoritetit Kombëtar të Ushqimit Vlorë
Drejtoria Rajonale e Autoritetit Kombëtar të Ushqimit Vlorë shpreh shqetësimin e thellë për incidentin e fundit, ku ishin të përfshirë disa pacientë të rinj nga Polonia, të cilët ishin me pushime në Shkodër e kanë udhëtuar drejt Vlorës. Pas udhëtimit me anije në Vlorë, menjëherë, janë paraqitur për kujdes mjekësor pranë Spitalit Rajonal Vlorë, me të cilët kemi punuar ngushtësisht.
Momentalisht, do donim të siguronim publikun e gjerë që situata e pacientëve nuk paraqitet kritike dhe AKU po kontrollon të gjithë subjektet sipas itinerarit të turistëve.
I bëjmë thirrje operatorëve të kenë kujdes dhe të mos operojnë me shërbim ushqimi pa qenë të autorizuar e të licencuar lidhur me kriteret e sigurisë ushqimore dhe të kenë kujdes me kushtet e ruajtjes në temperaturat e larta të sezonit.
DRAKU Vlorë po bashkëpunon me autoritetet vendore shëndetësore dhe agjencitë ligjzbatuese për udhëheqjen e një hetimi toksikologjik lidhur me çështjen. Objektivi ynë kryesor është përcaktimi i burimit dhe shkakut të kësaj incidence ushqimore që ka prekur pacientët.
Gjetjet paraprake orientojnë tek një lidhje e mundshme mes operatorit që ka shërbyer ushqim dhe kushteve klimaterike me temperatura të larta.
Shëndeti dhe siguria e konsumatorëve janë rëndësia e posaçme e punës së AKU-së dhe për këtë po mbledhim informacionin e dobishëm për të evidentuar e identifikuar çdo gabim në protokollet e sigurisë ushqimore, për t’i adresuar siç ligji parashikon. Skuadra jonë po koordinohet me profesionistët e kujdesit shëndetësor në Spitalin Rajonal të Vlorës për t’u siguruar që pacientët të marrin kujdesin e nevojshëm shëndetësor.
DRAKU Vlorë do vijojë të informojë publikun mbi progresin e këtij hetimi. Ftojmë këdo që ka informacion mbi subjekte që tregtojnë jashtë standardeve të sigurisë ushqimore të denoncojë në [email protected] dhe në numrin e gjelbër 08007575 për të qenë së bashku në përpjekjen për sigurimin e mirëqenies së konsumatorëve.
VLORE- Policia Vlorë ka reaguar në lidhje me helmimin e turistëve të huaj, të cilët janë shtruar në spitalin e Vlorës. Uniformat blu njoftojnë se mbrëmjen e sotme, rreth orës 20:10, në spitalin e Vlorës janë paraqitur për ndihmë mjekësore, me simptoma helmimi nga ushqimi 41 turistë polakë, të cilët janë jashtë rrezikut për jetën. Ata kanë qenë me guidë me anije turistike në ishullin e Sazanit.
Njoftimi nga policia
Rreth orës 20:10, në spitalin e Vlorës, janë paraqitur për ndihmë mjekësore, me simptoma helmimi nga ushqimi, 41 shtetas polakë (turistë), të cilët janë jashtë rrezikut për jetën. Nga verifikimet paraprake rezulton se këta shtetas, gjatë ditës së sotme, kanë qenë me guidë, me anije turistike, në ishullin e Sazanit. Grupi hetimor i ngritur për këtë rast, në bashkëpunim me specialistë të AKU-së dhe në drejtimin e Prokurorisë, vijon punën për përcaktimin e shkakut të helmimit të këtyre shtetasve.
VLORE- Rreth 20 fëmijë polakë janë paraqitur me simptoma helmimi mbrëmjen e sotme në spitalin rajonal të Vlorës. Ata kishin udhëtuar nga Shëngjini me autobus dhe më pas gjatë ditës kanq bërë guidën turistike Karaburun-Sazan.
Sikundër njoftoi më herët drejtoresha e spitalit, Bruna Mersini, në spital kanë shkuar fëmijë të moshës 14 dhe 15-vjeç. Ata janë paraqitur me çrregullime gastroindestrinale, por situata është nën kontroll.
Asnjë prej tyre nuk është në gjendje të rëndë për jetën. Për momentin është e paqartë se ku janë helmuar dhe cili është shkaku i helmimit.
VLORE- 70 turistë kryesisht polakë por edhe pushues shqiptarë janë helmuar teksa ishin duke bërë guidën turistike në turin Karaburun-Sazan. Mes tyre ka edhe fëmijë të mitur, por fatmirësisht asnjë prej tyre nuk është në gjendje të rëndë.
Në spital kanë shkuar 20 turistë, dhe gjendja e tyre është e stabilizuar. Këtë e konfirmon drejtoresha e Spitalit të Vlors, Bruna Mersini, ndërsa thekson se të shtruar janë fëmijë polakë të moshës 15-vjeç.
Drejtoresha e spitalit, Bruna Mersini është prononcuar për mediat për helmimin e 20 fëmijëve polakë që u paraqitën në spitalin e Vlorës.
“Fëmijët janë të moshës 14 dhe 15 vjeç. Fëmijët kanë udhëtuar gjithë ditën, kanë ardhur nga Shkodra pas udhëtimit kanë marrë anijen për në Karaburun. Janë paraqitur me çrregullime gastroindestrinale, situata është nën kontroll. Pra është alerti që ne i japim situatës kur janë shumë fëmijë. Është hetim epidemiologjik. Këta janë fëmijë, edhe vapa mund ta ketë shkaktuar situatën, pa u bërë hetimi nuk japim dot të dhëna. Janë rreth 20 fëmijë", tha Mersini.
Sipas saj, gjendja e tyre është e mirë. Turistët janë helmuar nga ushqimi në anije. Policia dhe AKU kanë shkuar në spital, ndërsa kanë nisur menjëherë hetimet në lidhje me këtë rast.
VLORË- 70 turistë të juaj dhe shqiptarë janë helmuar nga ushqimi në një anije, ndërsa kanë qenë duke bërë turin Karaburun-Sazan. Turistët kanë pësuar intoxikacion alimentar, ndryshe helmim.
Rreth 20 turistë janë paraqitur në spitalin e Vlorës. Mësohet se 5 fëmijë janë shtruar në Pediatri.
Burime bëjnë me dije se në total janë 70 persona. Pjesa më e madhe janë adoleshentë dhe fëmijë, ku shumica e tyre, me origjinë polake.
Pritet të ketë edhe një reagim zyrtar nga policia.
