Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Një plagosje me armë zjarri ka ndodhur gjatë një operacioni policor për kapjen e një personi të shpallur në kërkim. • Bëhet me dije, se Leonard Dema 23 vjeç, i cili ndodhej në automjet bashkë me Amadeo Fufin, 28 vjeç, kanë tentuar të përplasin me automjet efektivët e Operacionales duke iu rrezikuar jetën. • Për vetëmbrojtje, efektivët kanë qëlluar 23-vjeçarin, i cili më pas është dërguar në Spitalin e Traumës në Tiranë. • Dema është dënuar me 7 vjet burgim nga Gjykata e Trentos, për tentativë vrasjeje. • Sipas policisë, 28-vjeçari që shoqëronte Demën, i cili është djali i ish-deputetit të PD-së, Mhill Fufi, u ka drejtuar efektivëve pistoletën dhe këta të fundit kanë qëlluar duke plagosur 23-vjeçarin. • Arma është sekuestruar dhe djali i ish-deputetit të PD-së është vënë në pranga. • Sakaq, Policia po vijon hetimet për zbardhjen e plotë të ngjarjes.
4 artikuj për këtë temë.
MAMURRAS- Detaje të reja vijojnë të dalin nga ngjarja e ndodhur në Mamurras, ku një 23-vjeçar, i kërkuar nga autoritetet italiane mbeti i plagosur nga policia në një shkëmbim zjarri. Bëhet me dije se 23-vjeçari Leonard Dema, ndodhej në makinë së bashku me Amadeo Fufin, djali i ish-deputetit të PD-së, Mhill Fufi.
Fufi ishte së bashku në makinë me Demën dhe mbante me vete një armë, të cilën ia ka drejtuar policisë. Ai është arrestuar nga forcat operacionale, ndërsa Leonard Dema ndodhet momentalisht në spitalin e Traumës në Tiranë, në gjendje stabël./Dosja.al
MAMURRAS- Detaje të reja janë zbardhur nga ngjarja e ndodhur në Mamamurras ditën e sotme, ku një 23-vjeçar i shpallur në kërkim mbeti i plagosur. Bëhet me dije, se Leonard Dema ka marrë plagë në bark dhe po trajtohet në spital në monitorm intensiv nga ekipi mjekësor, duke u ekzaminuar. Ndërkohë, gjendja aktuale paraqitet e stabilizuar.
Ngjarja ka ndodhur gjatë operacionit policor për kapjen e Demos, i cili është në kërkim. Dema ndodhej në automjet bashkë me Amadeo Fufin, 28 vjeç dhe kanë tentuar të përplasin me automjet efektivët e Operacionales duke iu rrezikuar jetën.
Dema është dënuar me 7 vjet burgim nga Gjykata e Trentos, për tentativë vrasjeje. Sipas policisë, 28-vjeçari që shoqëronte Demën, u ka drejtuar efektivëve pistoletën dhe këta të fundit kanë qëlluar duke plagosur 23-vjeçarin. Arma është sekuestruar dhe personi që shoqëronte Demën është arrestuar. Sakaq, Policia po vijon hetimet lidhur me ngjarjen./Dosja.al
KURBIN- Policia ka dhënë detaje lidhur me plagosjen në Kurbin. Blutë bëjnë me dije se dy personat tentuan të përplasnin me automjet efektivët e Operacionales dhe si pasojë janë neutralizuar dhe arrestuar. Mësohet, se njëri prej tyre ishte i shpallur në kërkim, pasi ishte i dënuar me 7 vite burg në Itali për tentativë vrasjeje, ndërsa personi tjetër që e shoqëronte ishte i armatosur.
Gjatë neutralizimit është plagosur 23-vjeçari në kërkim, i cili është transportuar në Spitalin e Traumës. Ndërkohë, policia ka sekuestruar armën e zjarrit pistoletë që posedonte Amadeo Fufi, që shoqëronte të kërkuarin. Në njoftimin zyrtar thuhet, se Shërbimet e Policisë, në kushtet e vetëmbrojtjes, gjatë ndërhyrjes për neutralizimin e tyre, kanë plagosur Leonard Demën, i cili është në kujdesin e mjekëve.
Njoftimi i Policisë:
Tentuan të përplasnin me automjet efektivët e Drejtorisë së Forcës së Posaçme Operacionale duke iu rrezikuar jetën, neutralizohen dhe arrestohen 2 shtetas. Njëri prej tyre ishte i shpallur në kërkim, i dënuar në Itali për tentativë vrasjeje, ndërsa shtetasi që e shoqëronte ishte i armatosur. Gjatë neutralizimit është plagosur 23-vjeçari në kërkim, i cili është transportuar në Spitalin e Traumës. Policia ka sekuestruar armën e zjarrit pistoletë që posedonte shtetasi që shoqëronte të kërkuarin.
Në vijim të operacioneve të Drejtorisë së Forcës së Posaçme Operacionale, të realizuara pas shkëmbimit të informacioneve dhe koordinimit të veprimeve operacionale me partnerët ndërkombëtarë, me qëllim kapjen e shtetasve në kërkim, është administruar informacion për vendndodhjen e shtetasit të shpallur në kërkim Leonard Dema, 23 vjeç, lindur në Mamurras, i dënuar me 7 vjet burgim nga Gjykata e Trentos, për tentativë vrasjeje.
Gjatë operacionit për kapjen e të kërkuarit, në momentin e ndërhyrjes, në një karburant në aksin rrugor “Mamurras–Laç”, 23-vjeçari, që shoqërohej nga shtetasi A. F, dhe lëvizte me automjet, sapo ka konstatuar efektivët, ka tentuar t’i përplasë me automjet, duke u rrezikuar jetën, si dhe personi shoqërues iu ka drejtuar armën e zjarrit pistoletë, shërbimeve të Policisë.
Shërbimet e Policisë, në kushtet e vetëmbrojtjes, gjatë ndërhyrjes për neutralizimin e tyre, kanë plagosur shtetasin Leonard Dema, i cili është në kujdesin e mjekëve.
Në vijim të veprimeve procedurale u bë arrestimi në flagrancë dhe i shtetasit A. F., 28 vjeç, që shoqëronte shtetasin në kërkim. Gjithashtu, është sekuestruar arma e zjarrit pistoletë. Vazhdojnë hetimet në bashkëpunim me AMP-në, dhe në drejtimin e Prokurorisë./Dosja.al
KURBIN- Një plagosje me armë zjarri ka ndodhur gjatë një operacioni policor për kapjen e një personi të shpallur në kërkim. Bëhet me dije, se gjatë ndërhyrjes së forcave të policisë, i kërkuari ka mbetur i plagosur, pasi dyshohet se ka bërë rezistencë gjatë arrestimit.
Më pas, ai është transportuar me urgjencë drejt Spitalit të Traumës në Tiranë, ku po merr ndihmën mjekësore./Dosja.al
