Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
•Të gjithë besimtarët ortodoksë festojnë sot Pashkët. •Në mesnatë, ata kanë mbushur kishat në të gjithë vendin ku kanë ndjekur meshën e ngjalljes së Krishtit. Ceremonia ka zgjatur deri pas mesnatës dhe pas saj, vezët e Pashkës të lyera me të kuqe, me ngjyrën e gjakut të Krishtit, janë çukitur me ardhjen e ditës së shënuar për të gjithë krishterimin ortodoks në mbarë botën. •Traditë në festën e Pashkëve janë vezët e kuqe. •Veza e lyer me të kuqe simbolizon jetën, që është e mbyllur dhe e përgjumur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit, simbolikë e fitores, gëzimit dhe jetës. •Një tjetër traditë e festës është buka e pashkës, ku vendoset veza e kuqe në mes, e cila duke qenë e ëmbël shpreh kuptimin e ëmbëlsisë dhe lumturisë, të cilat i përmbajnë fjalët e Zotit dhe lutjet e besimtarëve. •Gjatë meshës, besimtarët marrin nga flaka e kandilit të pashuar të Tryezës së Shenjtë, e cila simbolizon varrin e Krishtit të ngjallur dhe e çojnë në shtëpitë e tyre, duke bërë kryqin në pragun e shtëpisë dhe duke e mbajtur këtë flakë të pashuar për 40 ditë.
4 artikuj për këtë temë.
TIRANË- Pashkët Ortodokse kanë shtuar numrin e hyrje-daljeve në territorin e Shqipërisë gjatë kësaj fundjave. Gjithashtu shumë banorë kanë zgjedhur shtetin fqinj të Greqisë, për ta ferstuar Pashkën duke krijuar një numër të lartë të daljeve nga territori shqiptar.
Në Pikën Kufitare të Kapshticës janë regjistruar 3143 shtetas që kanë hyrë në territorin tonë, ndërsa ka patur gjithashtu 3463 shtetas që kanë dalë nga Shqipëria. Po ashtu në Pikën Kufitare të Kakavijës, rreth 20 mijë shtetas kanë hyrë në Shqipëri përgjatë kësaj jave.
Në Pikën Kufitare të Kakavijës, pavarësisht fluksit të madh, nuk ka patur radhë të gjata pasi është punuar me 4 sportele. Të hënën pritet shtimi i fluksit pasi emigrantët përgjithësisht kthehen drejt shteti fqinj të Greqisë ku punojnë dhe jetojnë.
BERAT- Ceremonia e shenjtë u ndoq nga qindra besimtarë ortodoksë edhe në Berat. Banorët u mbledhën brenda dhe jashtë ambienteve të Katedrales së “Shën Dhimitri” dhe u drejtua nga At Johan Qako dhe At Petraq Simsia, duke u lutur në një nga ditët më të rëndësishme të kalendarit të krishterë, për më shumë paqe dhe jetë më të mirë.
Fillimisht besimtarët ortodoksë morën pjesë në meshën për ringjalljen e Krishtit, që u drejtua nga At Johan Qako, i cili kryesoi edhe lutjen e traditës sipas liturgjisë, me lutje ndaj Zotit dhe duke respektuar të gjitha ritet e kësaj feste. Më pas, besimtarët morën dritë nga drita e Zotit, duke ndezur qirinj, dritë që çdo besimtar ortodoks e përcjell me vete në shtëpinë e tij, si shenjë mirësie dhe për të marrë bekimin e Zotit.
I pranishëm në ceremoninë e Pashkës ishte edhe Ministri i Brendshëm Bledi Çuçi, i cili ka përcjellë nga sheshi përpara Katedrales së “Shën Dhimitrit” urimet për besimtarët ortodoks. Në festimet e Pashkëve kanë qenë të pranishëm edhe dy kandidatët për bashkinë Berat, Ervin Demo dhe Zija Ismaili, të cilët kanë uruar sa me shumë paqe e begati në çdo familje.
KORÇË- Në Korçë, ka një traditë shumë vjeçare të festimit të Pashkëve, teksa bulevardi “Republika” në qendër është i mbushur me besimtarë dhe vizitorë të shumë të ardhur edhe nga qytete të tjera të vendit. Besimtarët ortodoksë kanë festuar Pashkët, duke mbushur sheshin në mesnatë për të pritur ngjalljen e Krishtit.
Në kremtimin e Pashkëve besimtarët janë mbledhur në shesh për të marë qirinjtë e ndezur si pjesë e ritualit. Festimet e Pashkës nisin me meshën e madhe të së shtunës mbrëma dhe përfundojnë me drekën tradicionale të së dielës.
“Krishti u ngjall”, është “refreni” i kësaj dite festive i cili shprehet njëzëri nga të gjithë besimtarët duke trokitur vezën e kuqe të Pashkëve që simbolizon gjakun e Krishtit.
Gjatë meshës, besimtarët marrin nga flaka e kandilit të pashuar të Tryezës së Shenjtë, e cila simbolizon varrin e Krishtit të ngjallur dhe e çojnë në shtëpitë e tyre, duke bërë kryqin në pragun e shtëpisë dhe duke e mbajtur këtë flakë të pashuar për 40 ditë. Marrja e flakës nga Tryeza e Shenjtë që ju jepet besimtarëve simbolizon flakën që del çdo vit nga varri i Krishtit në Jeruzalem ditën e Pashkëve Orthodhokse, flakë e cila merret dhe shpërndahet nëpër kisha të vendeve të ndryshme.
ELBASAN- Qindra besimtarë në Elbasan ju bashkuan meshës së shenjtë të vigjiljes së Pashkëve, e cila u mbajt në kishën e “Shën Kollit”. Besimtarët kanë uruar njëri-tjetrin në këtë ditë të shenjtë ndërsa kanë kryer ritet e rastit.
Të krishterët në festën e pashkës kremtojnë ringjalljen e Krishtit, moment që simbolizon rilindjen e shpresës, forcimin e besimit tek zoti për të gjithë besimtarët, kalimin nga e përkohshmja në të përjetshmen dhe çlirimin e njerëzve nga mëkati.
"Vit i mbarë për të gjithë shqiptarët. Është festë shumë e rëndësishme."-u shprehën besimtarët.
"Festa më e madhe e ortodoksëve, kjo festë simbolizon ringjalljen e shpresës“-thanë besimtarët.
Gjatë meshës, besimtarët marrin nga flaka e kandilit të pashuar të Tryezës së Shenjtë, e cila simbolizon varrin e Krishtit të ngjallur dhe e çojnë në shtëpitë e tyre, duke bërë kryqin në pragun e shtëpisë dhe duke e mbajtur këtë flakë të pashuar për 40 ditë.
Traditë në festën e Pashkëve janë vezët e kuqe. Veza e lyer me të kuqe simbolizon jetën, që është e mbyllur dhe e përgjumur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit, simbolikë e fitores, gëzimit dhe jetës.
