6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Daljet janë gjithashtu problem, por në këtë ‘divorc’ diplomatik, ajo çfarë është shqetësuese janë hyrjet. Duke qenë se qeveria shqiptare është e bindur se pas këtyre sulmeve qëndron Irani, kush i garanton qytetarët shqiptarë se gjatë kësaj periudhe që sistemi TIMS ka qenë jashtë funksionit, në vendin tonë nuk kanë arritur të depërtojnë elementë terroristë?
TIRANË- Shqipëria nuk ka një ambasadë të sajën në Iran, por në Tiranë gjendet një ambasadë e tyre, e cila tashmë s’është gjë tjetër veçse një godinë e boshatisur pasi qeveria shqiptare dëboi trupin diplomatik. Por, pavarësisht ndëshkimeve e sanksioneve të vendosura ndaj ministrisë iraniane, sulmet nuk kanë ndalur. Një ditë më parë, simboli i shqiponjës së ‘Homeland Justice’, hakerave që pretendohet se janë iranianë u shfaq në të gjitha kamerat e sigurisë në pikat kufitare të vendit tonë.
Fillimisht ra faqja zyrtare e Policisë së Shtetit, më pas u hakuan kamerat e sigurisë. Derisa erdhi momenti i ndërhyrjes në sistemin e sigurisë TIMS. Pas këtij sulmi, kalimi në pikat kufiTare u bë totalisht i pamunduar. Situata vijon të jetë ende problematike, ndërsa Ministri i Brendshëm Bledi Çuçi bëri me dije se në pikat kufitare si Hani i Hotit, Kapshticë, Muriqan, Morinë, Kakavijë dhe në aeroportin e Rinasit, sistemi TIMS është funksional.
Por, në Vlorë dhe Durrës, dy qytetet bregdetare që presin ngarkesat portuale janë ende mes kaosit. Sistemi TIMS nuk funksionon ende dhe kjo situatë ngre shumë pikëpyetje.
Sistemi i menaxhuar i kontrollit të kufijve, TIMS prej vitesh përdoret në të gjitha pikat e kalimit kufitar në vend. Asnjë person me precedentë penal, apo i dënuar në autoritete shqiptare dhe të huaja, nuk mund të depërtojë në Shqipëri dhe të dalë jashtë saj, pasi të gjitha pasaportat përpunohen në këtë sistem që ka të integruar databazën për të gjithë shtetasit si dhe të gjithë informacionin e sistemit të Interpolit. Nëse personi është në kërkim, i dënuar apo i pasqyruar si shtetas me potencial rrezikshmërie, menjëherë kjo pasqyrohet në sistem dhe policia kufitare procedon me arrestimin e tij.
Daljet janë gjithashtu problem, por në këtë ‘divorc’ diplomatik, ajo çfarë është shqetësuese janë hyrjet. Duke qenë se qeveria shqiptare është e bindur se pas këtyre sulmeve qëndron Irani, kush i garanton qytetarët shqiptarë se gjatë kësaj periudhe që sistemi TIMS ka qenë jashtë funksionit, në vendin tonë nuk kanë arritur të depërtojnë elementë terroristë.
TIMS skanon çdo njeri në hyrje dhe është sistem që nuk manipulon, dikton identitetin e qytetarëve që futen në vend përmes shenjave të gishtave dhe jep alarmin kur bie në kontakt me një pasaportë false. Ndërsa blloqet që aktualisht kanë në duar efektivët në kufi janë totalisht të manipulueshëm. Kjo, pa iu futur dyshimeve të ndonjë bashkëpunimi të mundshëm apo korrupsioni mes kontigjentëve që synojnë të futen në Shqipëri dhe vetë policëve kufitarë.
Irani nuk e ka konsideruar asnjëherë Shqipërinë një vend mik, por situata u bë akoma më e sertë kur në janar të vitit 2020, lideri suprem i Iranit e quajti vendin tonë, ‘një shtet europian të mbrapshtë që ka bërë komplot me SHBA dhe tradhtarët e MEK kundër Iranit’.
Mikpritja e anëtarëve të opozitës iraniane MEK në Shqipëri, bëri që Irani ta konsideronte vendin tonë si një shtet që mbështet terroristët. Muxhahedinët në Shqipëri kanë ardhur që në vitin 2012, kur kryeministri i asaj kohe, Sali Berisha pranoi kërkesën e qeverisë amerikane për të pritur rreth 210 muxhahedinë të MEK.
Numri i tyre u shtua në vitin 2014, kohë kur në pushtet kishte ardhur kryeministri Edi Rama. Deri më tani, mbi 3 mijë muxhahedinë strehohen në Manzë të Durrësit, në kampin e quajtur ‘Ashraf 3’.
Zyrtarë të lartë amerikanë kanë vizituar kampin shumë herë dhe kanë mbajtur konferenca aty, por frika se mos qeveria iranine, ‘nën petkun e diplomatëve’ sulmonte vendin, ka ekzistuar gjithmonë.
Kulmi ishte ngjarja e vitit 2018, në ditën e Sulltan Nevruzit. Të ‘maskuar’ si gazetarë, disa persona me shtetësi iraniane kishin organizuar një sulm terrorist por që u parandalua. Koka e grupit ishte një operativ i Forcave QUDS, i njohur si PEYMAN, ndërsa tri ishin bashkëpunëtorët e tij, Abdolkhalegh MALEK ZADEH, i datëlindjes 21 Prill 1979 që njihej si “Ferhat”’; Erwin ARAM, i datëlindjes 13 Korrik 1974, njihet si “Alireza NAGHASHZADEH” dhe Abdulselam TURGUT, i datëlindjes 27 Maj 1967.
Përfaqësuesi i opozitës iraniane në Uashington, Ali Safavi tregoi se terroristët kishin nisur mbledhjen e bazës materiale të eksplozivëve dhe so do të godisnin nëpërmjet një makine-bombë kampin Ashraf, gjatë festës së Novruzit të vitit 2018, në datën 20 Mars. Ata kishin ardhur në Shqipëri përmes aeroportit të Rinasit duke kaluar pa asnjë problem kontrollin policor, edhe pse sistemet në atë kohë ishin totalisht funksionalë. Ruajtja dhe survejimi i tyre është bërë pas sinjalizimit të ndërkombëtarëve. Ata u ndaluan e u morën në pyetje, por më pas u liruan për tu mbajtur nën vëzhgim duke sjellë zbulimin e rrjetit. Shënjestër dyshohet të ishte edhe Kreu i Gjyshatës Botërore të Bektashinjve, Edmond Brahimaj, i njohur gjerësisht si Baba Mondi.
Koha kaloi dhe rreziku nuk u pakësua. Sërish në korrik të këtij viti, Ambasada e SHBA publikoi një njoftim duke sqaruar është në dijeni të një kërcënimi të mundshëm që synon Samitin Botëror të Iranit të Lirë. Samiti do të mbahej në kampin e muxhaedinëve iranianë në MEK, pranë Durrësit, Shqipëri në 23-24 korrik 2022 dhe Ambasada e SHBA bënte thirrje për shtyrjen e kësaj conference dhe mbajtjen nën vëzhgim të kësaj situate, duke shtuar vigjilencën dhe duke shmangur një tjetër sulm.
A ekziston rreziku i një sulmi të tretë me dobësimin e ‘kontrollorëve’ në kufi? A e ka shtuar Antiterrori vigjilencën në lidhje me këto kërcënime? Cilat zona po mbahen nën vëzhgim? A ka garanci sot Shqipëria për sigurinë në Manzë? Deri më tani nuk është mbledhur asnjë institucion sigurie, Presidenti Bajram Begaj nuk e ka urdhëruar mbledhjen e Këshillit të Sigurimit Kombëtare dhe nuk dihet nëse ka ndonjë koordinim mes institucioneve. Ndërsa ministri i Brendshëm Bledi Çuçi flet për lëvizjen e qytetarëve, por jo për mundësinë e infiltrimit të elementëve të rrezikshëm apo terorristë.
Maksim Et’hemaj TIRANË- Drejtori i Autoritetit të Aviacionit Civil, Maksim Et’hemaj ka deklaruar se sulmi kibernetik ndaj sist...
Ambulance POLIÇAN- Një 73-vjeçar ka humbur jetën ditën e sotme pasi u asfiksua nga zjarri. Flamur Totaj, ndezi zjarr në u...
Policia VLORË- Tre persona janë arrestuar nga policia. Një 33-vjeçar ra në pranga pasi iu gjetën dhe sekuestruan nj&eu...
Jim Belushi TIRANË- Aktori i njohur me origjinë shqiptare, Jim Belushi do të vizitojë Tiranën muajin e ardhshëm. Lajmin ...
Ervis Martinaj dhe Elton Qyno TIRANË- Ervis Martinaj ka takuar për herë të fundit fisin Avdylaj në Shijak. Këto janë dy...
Foto ilustruese TIRANË- Prej më shumë se 24 orësh, pikat kufitare në vendin tonë kanë rënë pre e sulmeve kiber...
Foto Ilustruese SPANJË- Përpjekja për sulm ndaj rezidencës së lojtarit të Real Madridit, Dani Carvajal në Boadilla del M...
Xhani Topalli GREQI- 20-vjeçari, djali i të akuzuarit për vrasjen e biznesmenit shqiptar Xhani Topalli në Greqi ka treguar se si ndod...
Bledi Cuci TIRANË- Ministri i Brendshëm Bledi Çuçi ka bërë të ditur se puna po vijon pa ndërpreje në pikat...
Policia TIRANË- Policia e Shtetit ka dalë me një njoftim zyrtar për operacionet e kryera gjatë kësaj jave. Gjatë kë...
